रेम्‍बेट्‌मिडिम ल्‍वा 2:1 - थुलुङ राई

¹ “एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

रेम्‍बेट्‌मिडिम ल्‍वा 2:1 Iomraidhean Croise

मत्ती 18:20

हेङालोने बान्‍ते नले लोवो सुले लोवो आमा नङडा खोम्‍सिमिलो मेर्मिमकु थेतेडा गो दु़म्‍ङु।”

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

यूहन्‍ना 5:35

यूहन्‍नाका सो़यु़डु़म ल्‍वा वाक्‍पा नुङ झ्‍वाक्‍पा धिप्‍री होप्‍माम बाइडा। मेम्‍मा गानी घरिकोङ उमा ल्‍वाडा गेर्सिमु न बेन्‍नी।

थु़र्मा 18:19

मेकोतिमा मेर्मिम एफिसस शहरडा रोम्‍फाम्‍डी, मा पावलका अकिलास नुङ प्रिस्‍किलालाई मेसिङा पार्जो़ल्‍लु़ची। पावल उ त्‍वाप ने घ्रो़म्‍दीनेमडा लस्‍तामा यहूदीमिमलाई सिजेमकु दुथाम थेसिथेन्‍होम सीड्‌डु़मी।

थु़र्मा 18:21

मेर्मिमनुङ ब्‍र्‍वासिड्‌डालो पावलका आरे र्‍वाक्‍ता, “माम्‍चु़नीकु न होङ्‍ङा दु़स्‍ता माला, आथावो गो गानीनुङ घ्रो़म्‍डा रोङु।” मेकोतिमा गु डोक्‍पु कुबी-बोक्‍साडा हुङडामा एफिसस शहरलामका लस्‍ता।

थु़र्मा 19:1

अपोल्‍लोस कोरिन्‍थ शहरडा बाइडालो पावल हालाङ्‌मी इलाकामिमलामका एफिसस शहरडा रोक्‍फाड्‌डा। मेसिन्‍डा गुका थो़रलु़पामिमलाई डार्रु़मी।

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

रेम्‍बेट्‌मिडिम ल्‍वा 1:16

उनीमा जो़प ल्‍वालाम येतले सोरलुङमिम जेन्‍थाम्‍डी, मा उनीमा सिलामका नलेलाम फल्‍खोप बाट्‌पा हन्‍पा कातु़रु़ लुक्‍ता। उनीमा ङाली नेम्‍फुम नेम्‍सुङ होप्‍माम छो़म झ्‍वाक्‍पा बाइडा।

रेम्‍बेट्‌मिडिम ल्‍वा 1:20

गाना आमा जो़प ल्‍वालाम ल्‍वान्‍नाम येतले सोरलुङ नुङ येतले सो़नाकु धिप्‍री चाखोपमिमकु दुथाम थक्‍मा ल्‍वा ओरामङा सो़: येतले सोरलुङमिम ने येतले मण्‍डलीकु पाह्रीचो़मिम, मा येतले धिप्‍री चाखोपमिम ने येतले मण्‍डलीमिम सो़।”

रेम्‍बेट्‌मिडिम ल्‍वा 12:1

पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।

रेम्‍बेट्‌मिडिम ल्‍वा 2:12

“पर्गामम मण्‍डलीडाम पाह्रीचो़लाई ओराम ल्‍वा र्‍याका: हन्पा निफिलाम फल्‍खोपनुङ कातु़रु़ बिम्‍सिट्‍पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:18

“थिआटीरा मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु तारापाचो़, उनीमा मिक्‍सी मुकु भुल्‍मु होप्‍माम मा उनीमा फेमखेल वाबेट्‌मा बुलुकाम होप्‍माम बाट्‌पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

रेम्‍बेट्‌मिडिम ल्‍वा 3:1

“सार्डिस मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु येतले पेलमिम नुङ येतले सोरलुङमिम जेथाक्‍पाका आरे र्‍वामी, गाना बेन्‍नाम इमा खारीमिम गो चक्‍पु। गाना नु़पा बुना र्‍वाक्‍साका इमा नङ दोस्‍ताम बु लोवो गाना सिन्‍नाम बु।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।