रेम्‍बेट्‌मिडिम ल्‍वा 19:8 - थुलुङ राई

⁸ माम्‍चु़नीका मे लारेमालाई जो़पा, छेको-छेकोम, झ्‍वाक्‍पा नो़ला नो़लाम ये-सेम फम्‍सिमु ग्‍वाम्‍डी।”

रेम्‍बेट्‌मिडिम ल्‍वा 19:8 Iomraidhean Croise

मत्ती 17:2

मेर्मिमका रेप्‍तो-रेप्‍तोङा येशूकाम ङाली ख्‍लोसिड्‌डा, मा उनीमा ङाली नेप्‍सुङ होङङा झ्‍वाक्‍ता, मा उनी ये-सेम ओल होङङा बुबुया दु़स्‍ता।

मत्ती 22:12

हपका मेरामलाई हिलाबु़डु़, ‘ए ङोप्‍सो़, लालीकुन्‍दाडा रोकिलो फसिक्‍पा ये-सेम मेफसिक्‍साका हेङा गाना आगोनो हुन्‍ना?’ मेराम मु़चु़का हाम वो र्‍वामु मेचाप्‍सु़वा।

मर्कूस 9:3

मेकोतिमा उनीमा ये ने मिक्‍सीकु तु़रु़ङा थु़ट्‌पा कोत्तिम बुबुयाम दु़स्‍ता। ओराम सुबुडा सो़प्‍साका सु़का वो मेकोत्ति छो़म बुबुयाम बोमु मेचाप्‍मिम बाइडा।

लूका 24:4

ओराम ल्‍वाम्‍डिमा मेर्मिम ङाङाया दु़म्‍मिडिम बाम्‍डिलो बुबुया झ्‍वाक्‍पा ये फसिक्‍पा नले मु़चु़ उनी फार्डा रेम्‍बेसिक्‍ची।

थु़र्मा 1:10

येशू मेम्‍साका लम्‍डिम मे उनी सीसिपामिमका रेप्‍मिडिम-रेप्‍मिडिम ङा बेम्‍डी। मेकोतिलोङा बुबुया ये फतासिट्‌पा नले मु़चु़ कोचोत्ति मेर्मिमकु ङादोडा रेम्‍बेसिक्‍ची।

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 15:6

येतले पाह्रीचो़मिमका येतले दु़खामिम जेन्‍थाम्‍डिमा मे सो़रनेमलामका पाखा लुम्‍डी। मेर्मिमका छेको-छेकोम नुङ झ्‍वाक्‍पा ये फम्‍तासिम्‍डी मा उनी धक्‍चीधाली सो़नाकु फिता बन्‍थाम्‍डी।

रेम्‍बेट्‌मिडिम ल्‍वा 19:14

पाह्रीलाम सेनामिम उनीमा चङचङ लाम्‍दिम्‍डी। मेर्मिम घोडामिमडला बाम्‍डी। मेर्मिमका जो़पा, छेको-छेकोम, झ्‍वाक्‍पा नु़या-नु़याम ये-सेम फम्‍तासिम्‍डी।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।