रेम्‍बेट्‌मिडिम ल्‍वा 19:7 - थुलुङ राई

⁷ भ्रसिद्‌वाकी मा गेर्सिडी मा गुमी डोक्‍पु बुमी र्‍वाक्‍साका र्‍वाकी, हेङालोने भेन्‍दाचो़का लालीकुन्‍दा बेपा थारी रोक्‍फाड्‌डा, मा उनी लारेमा उ त्‍वापङा झो़म्‍सिड्‌डा।

रेम्‍बेट्‌मिडिम ल्‍वा 19:7 Iomraidhean Croise

मत्ती 1:20

लावो योसेफका आरेप्‍माम ल्‍वा मिम्‍तोङा बु़डु़लो उ ङिमाडा मिप्रङमा माम्‍चु़नीकु पाह्रीचो़ रेम्‍बेसिड्‌डा। मेम्‍मा गुनुङ र्‍वाक्‍ता, “दाऊदकु चो़-चु़सु़ योसेफ, मरियमलाई इ नाइमे दु़म्‍बेन्‍मु हाम होङङा वो मेलु़या, हेङालोने उ ङेलगोनो बाट्‌पा चो़च्‍चो़ ने माम्‍चु़नी-पेलका मुन्‍बेट्‌मिडिम सो़।

मत्ती 22:2

“पाह्री-किब्‍दी ने उ तारापाचो़कु लालीकुन्‍दाकाम ग्रुला खोक्‍पा कोले हप होप्‍माम सो़।

लूका 12:36

उनी नेमहप लालीकुन्‍दा बेम्‍डिम नेमडा ग्रुला पेसाका रोमिमसम्‍म लथाक्‍पा, मा गु रोक्‍साका हेला बु़लो लाम्‍चोको होल्‍थाक्‍पा डु़ल्‍चो़मिम होप्‍माम गानी दु़म्‍नी।

यूहन्‍ना 3:29

लारेमा लारेपाकामङा सो़। लारेपाकु फार्डा उ ङोप्‍सो़ येम्‍सी, मा उमा ल्‍वा थो़साका छो़म भ्रसिद्‌वा। मेम्‍माङा गो छो़म भ्रसिक्‍पा बुङु।

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

एफिसी 5:23

हेङालोने ख्रीष्‍ट मण्‍डलीकु बुइ दु़म्‍मिडिम होप्‍मामङा वोचु़ वो उमा मोचु़कु बुइ सो़। मण्डली ने ख्रीष्‍टकु मिरो़म, मा मेराम सेल्‍पा ने गुमी सो़।

एफिसी 5:32

ओराम ने सु़का वो थेसिथेन्‍मु मेचापा ल्‍वा बाइडा, लावो मेराम ने ख्रीष्‍ट नुङ थो़रलु़पामिमकु दुथाम ल्वा सो़।

फिलिप्‍पी 3:3

हेङालोने माम्‍चु़नी-पेललाम सो़रलोले बेपा, येशू ख्रीष्‍टडा नो़ डोक्‍पु बेपा मा मु़चु़कु बेसी-दोसीडा थो़र मेलु़पा गुइङा आ‍च्‍छाङा कोक्‍ते खिरिरि क्रिप्‍मा माम्चु़नीकु मु़चु़ सो़।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

रेम्‍बेट्‌मिडिम ल्‍वा 21:2

सेपा शहर, लाले यरूशलेम पाह्रीलामका माम्‍चु़नीलाम योक्‍तोङा बेपा गो ल्वाउतो, मेराम शहर वोचु़काम लागि ब्‍ल्‍वासाका झो़म्‍सिबेट्‌मा लारेमा होप्‍माम बाइडा।

रेम्‍बेट्‌मिडिम ल्‍वा 21:9

मेम्‍मा मु़चु़ सेट्‌पा चङडाम येतले दु़खा थारीमिमका देम्‍पा येतले कान्‍चु़रेमिम जेथाक्‍पा येतले पाह्रीचो़मिमगोडाम कोलेका रोक्‍ता मा गोनुङ आरे र्‍वाक्‍ता, “बिका, गो गानालाई भेन्‍दाचो़कु नाइमे, लारेमा रेम्‍बेनी।”