रेम्‍बेट्‌मिडिम ल्‍वा 19:12 - थुलुङ राई

¹² उनीमा मिक्‍सी मुकु भुल्‍मु होप्‍माम बाइडा मा उनीमा बुइडला सेर्पा मुकुटमिम बाम्‍डी। गुमीडा कोले नङ र्‍याक्‍मा बाइडा, मेराम गुमी उनी त्‍वापडाम वाङमिम सु़का वो मेच।

रेम्‍बेट्‌मिडिम ल्‍वा 19:12 Iomraidhean Croise

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

मत्ती 21:5

“सियोनकु जाउमोचो़लाई र्‍वाक्‍नी, रेप्‍डा, इमा हप इमाडा बिक्‍तोङा बोमी, याक्‍के दु़म्‍साका गधाडला हुसाका, गधाकु चो़डलामका हुसाका बिक्‍तोङा बोमी।”

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

यूहन्‍ना 17:11

“गो सु़म्‍दिसेरडा मेबुङु, लावो मेर्मिम सु़म्‍दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्‍वाङ्‌डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्‍ङा मेर्मिम वो कोङसो़ दु़म्‍मिनु़।

यूहन्‍ना 17:12

गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

एफिसी 1:21

माम्‍चु़नीका डोक्‍पुमिम, साखामनुङमामिम, यु़मनुङमामिम, किब्‍दी थो़पामिम, ओम्‍लोम थारीका कोङङा मेएँ लावो रोक्‍पा थारीकाम लागि वो वाङमिम नङकु खोत्‍लेडाम डला ने ख्रीष्‍टलाई जु़ल्‍मिडी।

हिब्रू 2:9

लावो गुइ येशूलाई ल्‍वासी, गुमी घरिकोङकाम लागि पाह्रीचो़मिमडाम याक्‍के दु़म्‍मिडी। मेम्‍मा माम्‍चु़नीकु दिदामका खोत्‍लेकाम लागि गुमीलाई सिप्‍डा थु़र्मिडी। येशूकाङा सिमु दु़खा इम्‍मिडिमका माम्‍चु़नीलामका यु़म झ्‍वाक्‍सी नुङ डोक्‍पु बेसीकु मुकुट ल्‍वाम्‍डी।

रेम्‍बेट्‌मिडिम ल्‍वा 1:14

उनीमा बुइडाम सेम बोलुङ नुङ फोमु होप्‍माम बुबुयाम बाइडा मा उनीमा मिक्‍सी मुकु भुल्‍मु होप्‍माम बाइडा।

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 13:1

मेम्‍मा दिरिदिनलामका कोले हादीबारा लुक्‍ताम गो ल्‍वाउतो। मेरामकाम को धु़म रङमिम नुङ येतले बुइमिम बाइडा। मेरामकु रङमिमडला को धु़म मुकुटमिम बाइडा, मा मेरामकु खोत्‍ले बुइडला माम्‍चु़नीलाई डक्‍पा नङ बाइडा।

रेम्‍बेट्‌मिडिम ल्‍वा 19:16

उनीमा ब्‍लाङमाडा नुङ उनीमा फिलाडा ओराम उनीमा नङ र्‍याक्‍मा बाइडा: “हपमिमकु हप नुङ ङाचो़मिमकु ङाचो़।”

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।

रेम्‍बेट्‌मिडिम ल्‍वा 6:2

मेम्‍मा कोले बुबुयाम घोडा ल्‍वाउतो। मेडला हुपानुङ कोले हान-लिन बाइडा, मा मेरामलाई कोङनिमका मुकुट ग्‍वाक्‍तु़, मेम्‍मा घ्‍ल्‍वापा दु़म्‍साका वाङमिमलाई घ्‍ल्‍वाप्‍डा लुक्‍ता।