रेम्‍बेट्‌मिडिम ल्‍वा 19:11 - थुलुङ राई

¹¹ मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

रेम्‍बेट्‌मिडिम ल्‍वा 19:11 Iomraidhean Croise

यूहन्‍ना 1:51

गुमीका मेरामलाई र्‍वाम्‍डी, “आच्‍छाङा गो गानालाई र्‍वाङु, पाह्री ह्‌वासिमिम, मा माम्‍चु़नीकु पाह्रीचो़मिम मिनीचो़डला योक्‍तो लक्‍तो बोमिमिम गाना ल्‍वाना।”

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 19:19

मेम्‍मा मे बुबुयाम घोडाडला हुपा नुङ उनी सेनामिमडला क्‍वाल्‍बा बोमु मे हादीबारा नुङ सु़म्‍दिसेरडाम हपमिम मा मेर्मिमकु सेनामिम कोदेप खोम्‍सिम्‍डिम गो ल्वाउतो।

रेम्‍बेट्‌मिडिम ल्‍वा 19:21

मेर्मिमगोडाम याङलाई मे बुबुयाम घोडाडला हुपाकु सिलामका लुक्‍पा कातु़रु़का सेड्‌डु़मी। मेम्‍मा खोत्‍ले चक्‍पुमिमका मेर्मिमकु रो़मसो़ खोहोम पेम्‍डी।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

रेम्‍बेट्‌मिडिम ल्‍वा 4:1

आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”

रेम्‍बेट्‌मिडिम ल्‍वा 6:2

मेम्‍मा कोले बुबुयाम घोडा ल्‍वाउतो। मेडला हुपानुङ कोले हान-लिन बाइडा, मा मेरामलाई कोङनिमका मुकुट ग्‍वाक्‍तु़, मेम्‍मा घ्‍ल्‍वापा दु़म्‍साका वाङमिमलाई घ्‍ल्‍वाप्‍डा लुक्‍ता।