रेम्‍बेट्‌मिडिम ल्‍वा 19:1 - थुलुङ राई

¹ आकोतिमा पाह्रीला हापा सेर्पामिमका येपा होप्‍माम लो़लाम थो़उतो, मेर्मिमका आरे र्‍वाम्‍डी: “हल्‍लेलूयाह! गुइलाई सेल्‍पा माम्‍चु़नी, गुमी खोत्‍लेकु डला बुमी, मा गुमी यु़मनुङमा बुमी,

रेम्‍बेट्‌मिडिम ल्‍वा 19:1 Iomraidhean Croise

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 12:10

मेम्‍मा कोङ डोक्‍पु लो़लामका पाह्रीला आरे र्‍वाक्‍ताम गो थो़उतो, “आथा ने इकीमा माम्‍चु़नीका मु़चु़मिम सेल्‍मी, गुमीका उनीमा यु़म मोमी, मा हपका होङङा साखाम थो़मी, मा उनीमा ख्रीष्‍टकु साखाम रोक्‍ताम बु। इकीमा वा-ल्‍वाकमिमकु बुइडला मेजो़पा ल्‍वा उट्‌पा, मेरामका इकीमा माम्‍चु़नीकु ङादोडा नेम्‍फु सिन्‍था मेर्मिमकु बुइडला मेजो़पा ल्‍वा उडु़, मेराम डस्‍ताम बु।

रेम्‍बेट्‌मिडिम ल्‍वा 19:6

मेम्‍मा छो़म सेर्पा मु़चु़मिम होङङा येपा, ब्‍लोकु होङङा येपा नुङ डोक्‍पु बुलु़लु़ बु़मिम होप्‍माम लो़लाम गो थो़उतो, मेरामका आरे र्‍वाक्‍ताम बाइडा: “हल्‍लेलूयाह! हेङालोने इकीमा मिप्रङमा खोत्‍लेडाम यु़मनुङमा माम्‍चु़नीका साखाम थो़मी।