रेम्‍बेट्‌मिडिम ल्‍वा 18:9 - थुलुङ राई

⁹ मेराम शहरनुङ नाम्‍सु़रु़ बेपा मा मेरामका होङङा रारी बेपा ननुङमा सुबुडाम हपमिमका मेराम घ्रु़पा कुइकु ल्‍वामिमा मेराम शहरकाम लागि ख्राम्‍मी, मा येमी-दुमी।

रेम्‍बेट्‌मिडिम ल्‍वा 18:9 Iomraidhean Croise

१ तिमोथी 5:11

लावो स्‍वालामे अर्दोमेमिमकु नङ मेराम र्‍याखोपडा मेर्‍याका, हेङालोने मेर्मिमका याङ्‌लो लालीकुन्‍दा बेपा न बेसाका ख्रीष्‍टलाई डिन्‍मिमा वाङथो़ लमु वो चाम्‍मी।

रेम्‍बेट्‌मिडिम ल्‍वा 14:11

मेर्मिमकु थो़म्‍बोक पिपा कोतिम दु़खा ग्‍वाक्‍पा वाक्‍पा गन्‍धककु कुइकु हेल्‍लो लोवो गेले लहोमङा बु। मे हादीबारा नुङ उ ङाटा सेव साट्‌पा मा मेरामकु नङकु छाप रपामिमका नेम्‍फु सिन्‍थाङा ङेम्‍सिमु मेल्‍वामी।”

रेम्‍बेट्‌मिडिम ल्‍वा 17:2

सु़म्‍दिसेरडाम हपमिम मेराम मेसेमनुङ अम्‍मिडिम बु मा सुबुडाम मु़चु़मिम डु़का सेट्‌पा होङङा मेरामकु नाम्‍सु़रु़ बेसीका सेड्‌डु़मिम बु।”

रेम्‍बेट्‌मिडिम ल्‍वा 18:18

मे शहर घ्रु़पालाम लुक्‍पा कुइकु मेर्मिमका ल्‍वामी मा आरे र्‍वाक्‍तो येमी, “ओराम डोक्‍पु शहर होप्‍माम वाङमिम बाम शहर बाइडा?”

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

रेम्‍बेट्‌मिडिम ल्‍वा 18:3

हेङालोने खोत्‍ले सामामिम डु़का सेट्‌पा होङङा मेरामकु नाम्‍सु़रु़ बेसीका सेड्‍डु़मिम बु। सु़म्‍दिसेरडाम हपमिमका गुनुङ नाम्‍सु़रु़ बेम्‍डिम बु, मा मेरामकु छो़म रारी बेपा नका सु़म्‍दिसेरडाम भ्रेपा-भ्रेट्‌पामिम खाप्‍चीचो़ दु़म्‍मिडिम बु।”

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

रेम्‍बेट्‌मिडिम ल्‍वा 19:3

मेम्‍मा मेर्मिमका आथावो आरे र्‍वाक्‍साका येम्‍डी: “हल्‍लेलूयाह! मे डोक्‍पु शहर ख्‍याक्‍पालामका हेल्‍लो लोवो कुइकु गेले लहोम बु।”

रेम्‍बेट्‌मिडिम ल्‍वा 2:22

मेम्‍मिमका मेराम मेसेमलाई गो छो़म नो़बेट्‌पु मा गु उ प्‍लानडाम बमु मेचाप्‍सु़। मेम्‍मा गुनुङ अम्‍पा मु़चु़मिमका गुनुङ अम्‍मु मेडिरु़ माला मेर्मिमलाई छो़म उनी थो़म्‍बोक ख्‍वाक्‍पा दु़खा ग्‍वाक्‍पुमी।