रेम्‍बेट्‌मिडिम ल्‍वा 18:3 - थुलुङ राई

³ हेङालोने खोत्‍ले सामामिम डु़का सेट्‌पा होङङा मेरामकु नाम्‍सु़रु़ बेसीका सेड्‍डु़मिम बु। सु़म्‍दिसेरडाम हपमिमका गुनुङ नाम्‍सु़रु़ बेम्‍डिम बु, मा मेरामकु छो़म रारी बेपा नका सु़म्‍दिसेरडाम भ्रेपा-भ्रेट्‌पामिम खाप्‍चीचो़ दु़म्‍मिडिम बु।”

रेम्‍बेट्‌मिडिम ल्‍वा 18:3 Iomraidhean Croise

लूका 7:25

मेएँ माला गानी हाम रेप्‍डा लक्‍नी? हापा थिकाम ये-सेम फसिक्‍पा मु़चु़मिमलाई रेप्‍डा लक्‍निम? हापा थिकाम ये-सेम फसिक्‍पा मु़चु़मिम ने उनी नसीहोम बेत्तो हप बाखोप ओगानेमडा बुमी।

१ तिमोथी 5:11

लावो स्‍वालामे अर्दोमेमिमकु नङ मेराम र्‍याखोपडा मेर्‍याका, हेङालोने मेर्मिमका याङ्‌लो लालीकुन्‍दा बेपा न बेसाका ख्रीष्‍टलाई डिन्‍मिमा वाङथो़ लमु वो चाम्‍मी।

रेम्‍बेट्‌मिडिम ल्‍वा 14:8

मेम्‍मा ङादोम पाह्रीचो़कु चङडा ननोम पाह्रीचो़ रोक्‍ता मा र्‍वाक्‍ता, “झार्स्‍ताम बु! झार्स्‍ताम बु! डोक्‍पु बेबिलोन शहर झार्स्‍ताम बु। मेरामका सु़म्‍दिसेरडाम मु़चु़मिमलाई अङ्‍गूरकु बिलामका सेन्‍बेड्‍डु़मिम होङङा नाम्‍सु़रु़ बेसीका सेन्‍बेड्‍डु़मिम बु।”

रेम्‍बेट्‌मिडिम ल्‍वा 17:2

सु़म्‍दिसेरडाम हपमिम मेराम मेसेमनुङ अम्‍मिडिम बु मा सुबुडाम मु़चु़मिम डु़का सेट्‌पा होङङा मेरामकु नाम्‍सु़रु़ बेसीका सेड्‌डु़मिम बु।”

रेम्‍बेट्‌मिडिम ल्‍वा 18:19

मेम्‍मा मेर्मिमका उनी बुइडला फुर्कु फिमी मा आरे र्‍वाक्‍तो ख्राम्‍मी मा येमी-दुमी, “गाना डोक्‍पु शहर, हाउरेमा, हाउरेमा! दिरिदिनडा लाम्‍दिपा जहाजडा बाट्‌पा खोत्‍ले मु़चु़मिम ओरामलामका खाप्‍चीचो़ दु़म्‍मिडी। घरिकोङकाङा ओराम छो़रो़प दु़स्‍ता।

रेम्‍बेट्‌मिडिम ल्‍वा 18:23

धिप्‍रीकु ओल इमाडा हेल्‍लो वो मेझ्‍वा। लारेमा नुङ लारेपाकु लो़लाम इमाडा हेल्‍लो वो मेथो़सीमिम दु़म। इमा सामान भ्रेपा-भ्रेट्‌पामिम सु़म्‍दिसेरडा खोत्‍लेडाम डोक्‍पु मु़चु़मिम बाम्‍डी। इमा जादुका खोत्‍ले सामामिम ताङताहेरथो़ लम्‍डिम बु।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

रेम्‍बेट्‌मिडिम ल्‍वा 18:9

मेराम शहरनुङ नाम्‍सु़रु़ बेपा मा मेरामका होङङा रारी बेपा ननुङमा सुबुडाम हपमिमका मेराम घ्रु़पा कुइकु ल्‍वामिमा मेराम शहरकाम लागि ख्राम्‍मी, मा येमी-दुमी।