रेम्‍बेट्‌मिडिम ल्‍वा 18:10 - थुलुङ राई

¹⁰ मेराम शहरकु दु़खाका मेर्मिम ङिमिमा होनोवा येम्‍सिप्‍मिमा आरे र्‍वाक्‍तो येमी: “डोक्‍पु शहर गाना बेबिलोन, यु़मनुङमा शहर, गाना ने हाउरेमा, हाउरेमा! घरिकोङकाङा गाना पुयु़लुक्‍पा थारी रोक्‍ल्‍याड्‌डा।”

रेम्‍बेट्‌मिडिम ल्‍वा 18:10 Iomraidhean Croise

रेम्‍बेट्‌मिडिम ल्‍वा 11:8

मेर्चिपकु सिपा मिरो़म मु़चु़मिमका उनी ङाचो़ येशूलाई क्रूसडा चेट्‌मिडिम डोक्‍पु शहरडाम डोक्‍पु लाम्‍दीबाडे चार्जो़ल्‍मिमिम दु़म। मेराम शहरकाम रेम्‍बेपा छेखोप सदोम नुङ मिश्र र्‍वामी।

रेम्‍बेट्‌मिडिम ल्‍वा 14:8

मेम्‍मा ङादोम पाह्रीचो़कु चङडा ननोम पाह्रीचो़ रोक्‍ता मा र्‍वाक्‍ता, “झार्स्‍ताम बु! झार्स्‍ताम बु! डोक्‍पु बेबिलोन शहर झार्स्‍ताम बु। मेरामका सु़म्‍दिसेरडाम मु़चु़मिमलाई अङ्‍गूरकु बिलामका सेन्‍बेड्‍डु़मिम होङङा नाम्‍सु़रु़ बेसीका सेन्‍बेड्‍डु़मिम बु।”

रेम्‍बेट्‌मिडिम ल्‍वा 16:19

मेकोतिमा मेराम डोक्‍पु शहर बेबिलोन सु फ्‍वाक्‍चो़ल दु़स्‍तामा बिडा, मा नेब्‍दीमिमकु शहर स्‍याकारिस्‍ता। माम्‍चु़नीका डोक्‍पु बेबिलोन मिम्‍मिडी, मा उनीमा छो़म छोक्‍चोकु कान्‍चु़रेडा अङ्‍गूरकु बिलामका देम्‍बेट्‌मिडिमा मेराम शहरलाई थो़ट्‌मिडी।

रेम्‍बेट्‌मिडिम ल्‍वा 17:12

“गाना ल्‍वान्‍नामिम मे को धु़म रङमिम ने को धु़म हपमिम सो़, मेर्मिमका आथावो साखाम थो़मु चो़म्‍मिडिम मिबु। लावो मेर्मिमका कति धु़पा थारीकाम लागि मे हादीबारानुङमा साखाम थो़पा यु़म ल्‍वामी।

रेम्‍बेट्‌मिडिम ल्‍वा 18:18

मे शहर घ्रु़पालाम लुक्‍पा कुइकु मेर्मिमका ल्‍वामी मा आरे र्‍वाक्‍तो येमी, “ओराम डोक्‍पु शहर होप्‍माम वाङमिम बाम शहर बाइडा?”

रेम्‍बेट्‌मिडिम ल्‍वा 18:19

मेम्‍मा मेर्मिमका उनी बुइडला फुर्कु फिमी मा आरे र्‍वाक्‍तो ख्राम्‍मी मा येमी-दुमी, “गाना डोक्‍पु शहर, हाउरेमा, हाउरेमा! दिरिदिनडा लाम्‍दिपा जहाजडा बाट्‌पा खोत्‍ले मु़चु़मिम ओरामलामका खाप्‍चीचो़ दु़म्‍मिडी। घरिकोङकाङा ओराम छो़रो़प दु़स्‍ता।

रेम्‍बेट्‌मिडिम ल्‍वा 18:21

मेकोतिमा यु़मनुङमा कोले पाह्रीचो़का कोले डोक्‍पु खुरुक होङङा बेपा कोले लुङ कोस्‍तु़मा दिरिदिनगोयु़ घ्रोक्‍तु़मा र्‍वाक्‍ता: “मे डोक्‍पु शहर बेबिलोन आरेसाकाङा छो़म सातिका घ्रोसी मा मेराम हेल्‍लो वो मेडार्सी।

रेम्‍बेट्‌मिडिम ल्‍वा 18:8

मेम्‍मिमका सेट्‌पा ओर्मिम दु़खामिम गुडला कोलेमका रोमी: सिमुलाम, येसी-दुक्‍सी नुङ मा-के हुक्‍पा दु़खा। मुका गु छो़रो़प दु़म, हेङालोने उमा निया बेपा मिप्रङमा माम्‍चु़नी यु़मनुङमा बुमी।”