रेम्‍बेट्‌मिडिम ल्‍वा 17:9 - थुलुङ राई

⁹ “नेप्‍चीनुङमा दु़म्‍साका थेसिथेन्‍मु बासी। येतले बुइमिम ने मे मेसेम गन्‍तासिट्‌पा येतले पोप्‍चङमिम।

रेम्‍बेट्‌मिडिम ल्‍वा 17:9 Iomraidhean Croise

मत्ती 13:11

गुमीका मेर्मिमलाई र्‍वाम्‍डी, “माम्‍चु़नीकु किब्‍दी हाम र्‍वाक्‍साका आच्‍छाङा छेपा सामा गानीलाई ने ग्‍वाक्‍मा बु, लावो वाङमिमलाई ने ग्‍वाक्‍मा मिबु।

मत्ती 24:15

“सेपा खोमडा पुयु़लुबेट्‌पा मेसेपा ल्वा येम्तासिमुकु दुथाम माम्‍चु़नीलाम-जेपा दानिएलका र्‍वाक्‍ताम ल्‍वा गानी ल्‍वानिलो (ओराम र्‍वाक्‍माकु दुथाम डाट्‌पा मु़चु़का थेसिथेट्‌नु़),

रेम्‍बेट्‌मिडिम ल्‍वा 13:1

मेम्‍मा दिरिदिनलामका कोले हादीबारा लुक्‍ताम गो ल्‍वाउतो। मेरामकाम को धु़म रङमिम नुङ येतले बुइमिम बाइडा। मेरामकु रङमिमडला को धु़म मुकुटमिम बाइडा, मा मेरामकु खोत्‍ले बुइडला माम्‍चु़नीलाई डक्‍पा नङ बाइडा।

रेम्‍बेट्‌मिडिम ल्‍वा 13:18

ननुङमा मु़चु़का ओराम र्‍वाक्‍मा थेसिथेन्‍मु बासी। उहेम मु़चु़काम नेप्‍ची बु, मेरामका मे हादीबाराकु सेर्सीका हाम रेम्‍बु़ र्‍वाक्‍पा थेसिथेट्‌नु़, हेङालोने मेराम ने कोङ मु़चु़कु सेर्सी सो़। मेरामकु सेर्सी ने रु सङ रु-रु।

रेम्‍बेट्‌मिडिम ल्‍वा 17:18

गाना ल्‍वान्‍नाम मे मेसेम ने सुबुडाम हपमिमडला साखाम थो़पा डोक्‍पु शहर सो़।”

रेम्‍बेट्‌मिडिम ल्‍वा 17:3

मेकोतिमा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई कोङ र्‍याङगो-र्‍याङगोडा लङ्‌डी। मेसिन्‍डा गो कोङ झ्‍वाक्‍पा लालाम हादीबाराडला गन्‍तासिड्‌डाम कोले मेसेम ल्वाउतो। मेराम हादीबारा माम्‍चु़नीकु नङ डक्‍पा नङमिमनुङमा मा येतले बुइ नुङ को धु़म रङमिमनुङमा बाइडा।

रेम्‍बेट्‌मिडिम ल्‍वा 17:7

मेम्‍मा पाह्रीचो़का गोलाई आरे बेङ्‌डी, “गाना हेङा ङाङाया दु़म्‍नामिम? मे मेसेम नुङ गु हुपा येतले बुइमिम नुङ को धु़म रङमिमनुङमा मे हादीबाराकु दुथाम थक्‍मा ल्‍वा गो गानानुङ सो़उ।