रेम्‍बेट्‌मिडिम ल्‍वा 17:8 - थुलुङ राई

⁸ गाना ल्‍वान्‍नाम मे हादीबारा कोबिलि सामनुङमा बाइडा, लावो ओम्‍लो ने मिबु मा दिफु गु छु़ट मान्‍थिम घ्‍लु़म्‍पा पोलु़मलाम लुगे, मा उमा लागि र्‍वाक्‍मा होङङा पुयु़ ल। मेम्‍मा सुबुडाम मु़चु़मिम उहेममिमकु नङ सु़म्‍दिसेर प्रङ्‌सिमु ङादोङा त्‍वारो़मकु खाजेमडा र्‍यास्‍ताम मिबु मेर्मिमका मे हादीबारा ल्‍वामिमा ङाङाया दु़म्‍मी, हेङालोने मेराम कोबिलि बाइडा, ओम्‍लो ने मिबु मा दिफु रो।

रेम्‍बेट्‌मिडिम ल्‍वा 17:8 Iomraidhean Croise

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

लूका 10:20

मेमङा लावो मुनाङपेलमिमका गानी र्‍वानिमिम थो़मी र्‍वाक्‍साका गानी मेगेर्सिट्‌नी। लावो इनीमा नङ पाह्रीला र्‍यास्ताम बु र्‍वाक्‍साका गेर्सिट्‌नी।”

लूका 8:31

मे मुनाङपेलमिमका येशूनुङ आरे र्‍वाम्‍डिम र्‍वाम्‍डिम ङा बेम्‍डी, “गुकुलाई देन्‍दे ग्‍वामु लागि खादीगोयु़ मेथु़र्किनी।”

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

थु़र्मा 15:18

उहेमका माके-माके आथाम ओर्मिम ल्‍वा सो़म्‍डिम बाइडा।

एफिसी 1:4

माम्‍चु़नीकु मिक्‍सीलामडा गुइ छु़ल मान्‍थिम नुङ हाम वो मेख्‍लो़ट्‌पा दु़म्‍सिनु़ र्‍वाक्‍साका सु़म्‍दिसेर प्रङमु ङादोङा गुमीका गुइलाई ख्रीष्‍टडा छेसाड्‌डामी। गुमीका गुइलाई रिखाम बेसाड्‍डामिमका,

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

१ पत्रुस 1:20

माम्‍चु़नीका सु़म्‍दिमोडाम वो ङादोङा इनीमा थि सोक्‍साक्‍पा गुमीलाई थुट्‌मिडिम बाइडा। लावो ओ हुक्‍पा थारीका इनीमाडा गुमी रेम्‍बेम्‍सिम्‍डी।

रेम्‍बेट्‌मिडिम ल्‍वा 11:7

माम्‍चु़नीका मेर्चिपलाई र्‍वाबेट्‌मिडिम ल्‍वा सो़मु डु़म्‍चिमा घ्‍लु़म्‍पा पोलु़मयु़म हादीबारा लु मा चोघ्रु़म्‍साका घ्‍ल्‍वासु़चिमा सेडु़ची।

रेम्‍बेट्‌मिडिम ल्‍वा 17:11

कोबिलि बाट्‍पा मा ओम्‍लो मिबुमिम मे हादीबारा लेतनोम हप दु़म सो़, लावो मेराम येतलेमिमगोडाम कोले वो सो़, मा गु पुयु़लुमु खाप्‍सु़।

रेम्‍बेट्‌मिडिम ल्‍वा 17:2

सु़म्‍दिसेरडाम हपमिम मेराम मेसेमनुङ अम्‍मिडिम बु मा सुबुडाम मु़चु़मिम डु़का सेट्‌पा होङङा मेरामकु नाम्‍सु़रु़ बेसीका सेड्‌डु़मिम बु।”

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

रेम्‍बेट्‌मिडिम ल्‍वा 3:5

उहेम मु़चु़का मेजो़पाडला घ्‍ल्‍वा, मेरामलाई गो आरेसाकाङा बुबुयाम ये-सेम फसिबेट्‌पु, मा त्‍वारो़मकु खाजेमडा र्‍याक्‍मा मेरामकु नङ गो मेपारु। आमा पाप नुङ उनीमा पाह्रीचो़मिमकु ङादोडा गो मेराम मु़चु़लाई छेपु र्‍वाङु।