रेम्‍बेट्‌मिडिम ल्‍वा 17:1 - थुलुङ राई

¹ येतले कान्‍चु़रे अपा पाह्रीचो़मिमगोडाम कोले आमाडा योक्‍तामा र्‍वाक्‍ता, “बिका, हापा ब्‍लोकुमिम फार्डा गन्‍तासिट्‌पा नङ धोपा छो़लो़मा मेसेमडला रोमुखापा देन्‍दे गो रेम्‍बेनी।

रेम्‍बेट्‌मिडिम ल्‍वा 17:1 Iomraidhean Croise

लूका 24:32

मेर्चिपका उची त्‍वाप-त्‍वापडा आरे र्‍वा बेच्‍ची, “गुमी गुचीनुङ लाम्‍दीडा जेम्‍डिलो नुङ माम्‍चु़नीकु सिजेमडा र्‍याक्‍मा ल्‍वाकु दुथाम थेसिथेन्‍बेसाड्‌डामिलो छो़म इची न-गो भ्रसिड्‌डाम बाइडा हि।”

लूका 9:30

मेकोतिलो कोचोति नले मु़चु़ रेम्‍बेसिक्‍ची, मा येशू नुङ ल्‍वा बोमु चो़म्‍ची। मेर्चिप मोशा नुङ एलिया बाच्‍ची।

रेम्‍बेट्‌मिडिम ल्‍वा 1:1

ओराम खाजेमडा दालाङा हाम दु़म्मिम मेराम ल्‍वा येशू ख्रीष्‍टका रेम्‍बेम्‍डिम बु। त्‍वाकु लाले-पाङके बेपा डु़ल्‍चो़मिमका दालाङा ओराम ल्‍वाकु दुथाम चमिनु़ र्‍वाक्‍साका माम्‍चु़नीका ओराम रेम्‍बेट्‌मिडम ल्‍वा येशूलाई ग्‍वाम्‍डी। मेम्‍मा ओराम ल्‍वाकु दुथाम सो़मु लागि येशूका कोले पाह्रीचो़लाई उनीमा त्‍वाकु डु़ल्‍चो़ यूहन्‍नाकाडा थु़र्मिडी।

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 16:19

मेकोतिमा मेराम डोक्‍पु शहर बेबिलोन सु फ्‍वाक्‍चो़ल दु़स्‍तामा बिडा, मा नेब्‍दीमिमकु शहर स्‍याकारिस्‍ता। माम्‍चु़नीका डोक्‍पु बेबिलोन मिम्‍मिडी, मा उनीमा छो़म छोक्‍चोकु कान्‍चु़रेडा अङ्‍गूरकु बिलामका देम्‍बेट्‌मिडिमा मेराम शहरलाई थो़ट्‌मिडी।

रेम्‍बेट्‌मिडिम ल्‍वा 18:1

आकोतिमा कोङमी पाह्रीचो़ पाह्रीलामका योक्‍तोङा बु़डु़म गो ल्‍वाउतो। गु छो़म साखामनुङमा बाइडा, मा उ झ्‍वाक्‍सीका सुबु छ्‌याङ-छ्‌याङया दु़स्‍ता।

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

रेम्‍बेट्‌मिडिम ल्‍वा 21:15

मे शहर, मेरामकु लाम्‍चोको नुङ ब्रोलुङ थो़पा सो़नाकु डु़लु़म्‍चो़ गोनुङ जेपा मे पाह्रीचो़नुङ बाइडा।

रेम्‍बेट्‌मिडिम ल्‍वा 21:9

मेम्‍मा मु़चु़ सेट्‌पा चङडाम येतले दु़खा थारीमिमका देम्‍पा येतले कान्‍चु़रेमिम जेथाक्‍पा येतले पाह्रीचो़मिमगोडाम कोलेका रोक्‍ता मा गोनुङ आरे र्‍वाक्‍ता, “बिका, गो गानालाई भेन्‍दाचो़कु नाइमे, लारेमा रेम्‍बेनी।”

रेम्‍बेट्‌मिडिम ल्‍वा 4:1

आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”