रेम्‍बेट्‌मिडिम ल्‍वा 16:7 - थुलुङ राई

⁷ मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”

रेम्‍बेट्‌मिडिम ल्‍वा 16:7 Iomraidhean Croise

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 13:10

चला सो़म्‍सिमुङा बासिट्‌पा मु़चु़ चला सो़सी। कातु़रु़का सेन्‍सिमु बासिट्‌पा मु़चु़ कातु़रु़का सेन्‍ला सो़सी। मेम्‍मिमका माम्‍चु़नीकु सेपा मु़चु़मिमका उनी थो़मतेर्सीडा हाम वो मेर्‍वाक्‍साका इम्‍मु बासी मा थो़रलु़इमिम दु़म्‍मुम बुमु बासी।

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।

रेम्‍बेट्‌मिडिम ल्‍वा 14:18

मेम्‍मा मु उमा ल्‍वाड्‍डा बेपा कोङमी पाह्रीचो़ सासेन्‍खोपलाम रोक्‍ता। गु मेलाम रोक्‍तामा मे हन्‍पा बन जेथाक्‍पालाई डोक्‍पु लो़लामका आरे बु़डु़, “हन्‍पा इमा बन जेडा मा सुबुडाम अङ्‍गूरकु झुम्‍पामिम खोप्‍डामी, हेङालोने सुबुडाम अङ्‍गूर थोक्‍ता।”

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”

रेम्‍बेट्‌मिडिम ल्‍वा 6:9

मेकोतिमा भेन्‍दाचो़का ङोनोम छाप पिम्‍डी, मा सासेन्‍खोपकु ध्‍वायु़ मु़चु़मिमकु त्‍वारो़म ल्‍वाउतो। माम्‍चु़नीकु सिजेम जेम्‍डिमका नुङ येशूकु दुथाम सो़म्‍डिमका मेर्मिम मु़चु़लाई सेट्‌मिडिम बाइडा।