रेम्‍बेट्‌मिडिम ल्‍वा 16:6 - थुलुङ राई

⁶ हेङालोने मेर्मिमका इनीमा मु़चु़मिम नुङ गानीलाम जेपामिमकु सिसि हाट्‌मिडिम बु, मा गानी मेर्मिमलाई सिसि डुमु ग्‍वाक्‍निमी बु। मेम बोमुका घ्रेट्‌पा मेर्मिम सो़।”

रेम्‍बेट्‌मिडिम ल्‍वा 16:6 Iomraidhean Croise

मत्ती 7:2

हेङालोने वाङमिमलाई गानी हे बोनी, गानी वो मेमङा बेला सो़न्‍सिनी। वाङमिमकु निया बोनिलो बाम थो़मसङ मोनी, मेराम थो़मसङकाङा इनीमा वो निया दु़म।

लूका 12:48

लावो उ नेमहपकु नड्‌डाम ल्‍वा थेसिमेथेसाका देन्‍दे ल्‍वापा खारी बेपा डु़ल्‍चो़ ने कि-कि याल्‍ला सो़सी। उहेमलाई हापा ग्‍वाम्‍डिम बु, मेरामलामका हापा ङा बिमी, मा उहेमलाई डोक्‍पु खुन्‍चु़म ग्‍वाम्‍डिम बु, मेरामकामलाम छो़म हापा ङा रपा न बोमी।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

रेम्‍बेट्‌मिडिम ल्‍वा 11:18

थो़र मेलु़पा मु़चु़मिमकाम उनी छोक्‍चो बक्‍ता, मा गानी छोक्‍चो बेपा थारी रोक्‍ता। सिपा मु़चु़मिमकु निया बेपा थारी रोक्‍ताम बु। गानीलाम जेपामा इनीमा लाले-पाङके बेपामिमलाई, इनीमा सेपा मु़चु़मिमलाई, इनीमा नङ डोक्‍पु बेपामिम याक्‍के लोवो डोक्‍पु लोवो खोत्‍लेलाई पुरस्‍कार ग्‍वाक्‍पा थारी रोक्‍ताम बु। लावो सुबु पुयु़लुबेट्‌पालाई ने पुयु़लुबेट्‌पा थारी रोक्‍ताम बु।”

रेम्‍बेट्‌मिडिम ल्‍वा 13:10

चला सो़म्‍सिमुङा बासिट्‌पा मु़चु़ चला सो़सी। कातु़रु़का सेन्‍सिमु बासिट्‌पा मु़चु़ कातु़रु़का सेन्‍ला सो़सी। मेम्‍मिमका माम्‍चु़नीकु सेपा मु़चु़मिमका उनी थो़मतेर्सीडा हाम वो मेर्‍वाक्‍साका इम्‍मु बासी मा थो़रलु़इमिम दु़म्‍मुम बुमु बासी।

रेम्‍बेट्‌मिडिम ल्‍वा 13:15

मेराम हादीबाराका कोनोम हादीबाराकु ङाटालाई साम फिक्‍साका जेमु यु़म ल्‍वास्‍तु़ मा मे ङाटा सेव सान्‍मु मेबिसिक्‍पामिम खोत्‍लेलाई सेन्‍बेड्‌डु़मी।

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

रेम्‍बेट्‌मिडिम ल्‍वा 18:24

माम्‍चु़नीलाम जेपामिम सेट्‌मिडिम, माम्‍चु़नीकु मु़चु़मिम सेट्‌मिडिम नुङ सु़म्‍दिसेरडा सेट्‌मिडिम खोत्‍ले मु़चु़मिमकु दुथाममिम मेजो़पा ल्‍वा ओरामकु बुइडला उट्‌मा बाइडा।”

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”