रेम्‍बेट्‌मिडिम ल्‍वा 16:5 - थुलुङ राई

⁵ मेम्‍मा कु रेपा खारी ल्‍वापा पाह्रीचो़का आरे र्‍वाक्‍ताम गो थो़उतो, “गानी सेपा माम्‍चु़नी, गानी ओम्‍लो वो बुनी, ङादो वो बान्‍नी, गानी जो़पा निया बेन्‍नी,

रेम्‍बेट्‌मिडिम ल्‍वा 16:5 Iomraidhean Croise

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

रोमी 2:5

लावो इनीमा न-गो लुङ होप्‍माम बेन्‍निमा गुमीथो़ ख्‍लोसिमु न मेबेनिवा। मेम्‍मिमका माम्‍चु़नीकु निया रेम्‍बेसिक्‍पा मेराम छोक्‍चोकाम नेम गानी छो़म डोक्‍पु देन्‍दे ल्‍वानी।

रोमी 3:5

लावो गुइ बिमिम मेजो़पा खारीका माम्‍चु़नीलाई जो़पा ल्‍वासी माला गुइ हाम र्‍वामु मा? हाम माम्‍चु़नी गुइनुङ भुर्मु मेजो़पा मा? कोङनिम मु़चु़का आरेप्‍माम मिम्‍मी।

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 11:17

मा आरे र्‍वाम्‍डी, “मिप्रङमा माम्‍चु़नी खोत्‍लेडलाम साखामनुङमा, गानी ओम्‍लो वो बुनी मा ङादो वो बान्‍नी, गानीलाई गुकु आलासो़ र्‍वाकु। हेङालोने गानी इनीमा डोक्‍पु यु़म रन्‍निम बु मा साखाम थो़मु चो़म्‍निम बु।

रेम्‍बेट्‌मिडिम ल्‍वा 16:4

सुनोम पाह्रीचो़का ब्‍लोकुमिमडा नुङ कु पुन्‍खोपबाडे उ कान्‍चु़रे अयु़डु़, मा मेर्मिम खोत्‍ले सिसि दु़स्‍ता।

रेम्‍बेट्‌मिडिम ल्‍वा 16:7

मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”

रेम्‍बेट्‌मिडिम ल्‍वा 6:10

मेर्मिमका आरे र्‍वाम्‍डिमा डोक्‍पु लो़लामका येम्‍डी, “खोत्‍लेडलाम यु़मनुङमा, सेपा नुङ आच्‍छाङाम ङाचो़, ओ सुबुडा बाट्‌पा मु़चु़मिमकाम हाम्‍सिसम्‍म निया मेबोनी, मा गुकुलाई सेत्तिकिमकु छोक्‍चो मेहानिमिम?”