रेम्‍बेट्‌मिडिम ल्‍वा 16:2 - थुलुङ राई

² कोनोम पाह्रीचो़ लस्‍ता मा बायडला उ कान्‍चु़रे अयु़डु़, मा मे हादीबाराकु छाप बाट्‌पा नुङ मेरामकु ङाटा सेव साट्‌पा मु़चु़मिमडला घ्राम्‍लु़पा मा छो़म नो़पा पारमिम जो़स्‍ता।

रेम्‍बेट्‌मिडिम ल्‍वा 16:2 Iomraidhean Croise

थु़र्मा 12:23

लावो माम्‍चु़नीकु नङ मेकोक्‍सु़वामका मेकोतिलोङा माम्‍चु़नीकु पाह्रीचो़का हेरोद हपलाई याक्‍तु़, मा क्रोडी छाम्‍डिमा सिडा।

रेम्‍बेट्‌मिडिम ल्‍वा 13:12

मेरामका कोनोम हादीबाराकु खोमडा खोत्‍ले साखाम थो़ड्‌डु़ मा ङिमलु़पा पार सस्‍ताम कोनोम हादीबाराकु नङडा सुबु नुङ मेसिन्‍डा बाट्पा मु़चु़मिमलाई मेरामका सेव सान्‍बेड्‌डु़मी।

रेम्‍बेट्‌मिडिम ल्‍वा 14:16

आरेसाका खासेडला गन्‍तासिट्‌पाका सुबुडा उनी बन मोम्‍डी मा सुबुडाम मा-के हिप्‍मिडी।

रेम्‍बेट्‌मिडिम ल्‍वा 14:9

मेम्‍मा सुनोम पाह्रीचो़ मेर्चिपकु चङडा रोक्‍ता मा डोक्‍पु लो़लामका आरे र्‍वाक्‍ता, “कोङनिमका मे हादीबारा नुङ उ ङाटालाई सेव साड्‌डु़ मा मेरामकु छाप उ कुप्‍पीडा लोवो उ ल्‍वाडा लोवो रङडु़ माला,

रेम्‍बेट्‌मिडिम ल्‍वा 16:1

मेकोतिमा सो़रनेमलाममिम कोङ डोक्‍पु लो़लामका येतले पाह्रीचो़मिमलाई आरे बु़डु़मिम गो थो़उतो, “लक्‍नी, मा माम्‍चु़नीकु छोक्‍चोकु येतले कान्‍चु़रेमिम सुबुडला अनी।”

रेम्‍बेट्‌मिडिम ल्‍वा 16:11

मा मेर्मिमका उनी थो़म्‍बोकडा दुपा दु़खा ल्‍वाम्‍डिमका नुङ पार दु़स्‍तामका पाह्रीलाम माम्‍चु़नीलाई वाइतो बेट्‌मिडी। लावो मेर्मिमका बेम्‍डिम मेजो़पा खारीलाम माम्‍चु़नीथो़ ख्‍लोम्‍सिमु मेबिम्‍सिप्‍मिवा।

रेम्‍बेट्‌मिडिम ल्‍वा 8:7

कोनोम पाह्रीचो़का उ भुम डु़प्‍डु़। मेम्‍मा मेसिन्‍डा सिसिनुङमा लोसु़ नुङ मु सुबुडा आल्‍स्‍ता। मेम्‍मा सु फ्‍वाकु को फ्‍वा घ्रु़म्‍डी, धक्‍सामिमकु सु फ्‍वाकाम को फ्‍वा घ्रु़म्‍डी मा गिगिम खोत्‍ले जेम घ्रु़म्‍डी।