रेम्‍बेट्‌मिडिम ल्‍वा 16:11 - थुलुङ राई

¹¹ मा मेर्मिमका उनी थो़म्‍बोकडा दुपा दु़खा ल्‍वाम्‍डिमका नुङ पार दु़स्‍तामका पाह्रीलाम माम्‍चु़नीलाई वाइतो बेट्‌मिडी। लावो मेर्मिमका बेम्‍डिम मेजो़पा खारीलाम माम्‍चु़नीथो़ ख्‍लोम्‍सिमु मेबिम्‍सिप्‍मिवा।

रेम्‍बेट्‌मिडिम ल्‍वा 16:11 Iomraidhean Croise

२ तिमोथी 3:13

लावो मेजो़पा मु़चु़मिम नुङ लुचो़ बेपामिम लु-फेले बेसाका नुङ लु-फेले बेला सो़सिक्‍साका छो़म मेजो़पा दु़म्‍तो लमी।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 16:2

कोनोम पाह्रीचो़ लस्‍ता मा बायडला उ कान्‍चु़रे अयु़डु़, मा मे हादीबाराकु छाप बाट्‌पा नुङ मेरामकु ङाटा सेव साट्‌पा मु़चु़मिमडला घ्राम्‍लु़पा मा छो़म नो़पा पारमिम जो़स्‍ता।

रेम्‍बेट्‌मिडिम ल्‍वा 16:21

ङो धु़म, ङो धु़म किलोग्राम कोकोवाम डोक्‍पुतो लोसु़मिम धामुलामका मु़चु़मिमडला आल्‍मिडी। लोसु़कु दु़खा ल्‍वाम्‍डिमका मेर्मिमका माम्‍चु़नीलाई वाइतो बेट्‌मिडी, हेङालोने मेराम दु़खा ने छो़म ङिमलु़पा बाइडा।

रेम्‍बेट्‌मिडिम ल्‍वा 16:9

छो़म चापा नेम्‍सुङका मेर्मिम घ्रु़म्‍डी मा मेर्मिम दु़खामिम त्‍वाकु ल्‍वाडा बेपा माम्‍चु़नीकु नङलाई मेर्मिमका वाइतो बेट्‌मिडी। मेर्मिम उनी छु़ललाम ख्‍लोम्‍सिमु नुङ माम्‍चु़नी डोक्‍पु बुमी र्‍वामु मेबिम्‍सिप्‍मिवा।

रेम्‍बेट्‌मिडिम ल्‍वा 2:21

गो गुलाई माम्‍चु़नीथो़ ख्‍लोम्‍सिमु जो़पा थारी ग्‍वाक्‍तो, लावो गुका वाङमिम वोस्‍चो़नुङ अम्‍मु डिन्‍मु न मेबु़वा।