Biblia Todo Logo
Bìoball air-loidhne

- Sanasan -




रेम्‍बेट्‌मिडिम ल्‍वा 16:10 - थुलुङ राई

10 मेम्‍मा ङोनोम पाह्रीचो़का मे हादीबाराकु साखाम थो़पा गन्‍खोपडला उ कान्‍चु़रे अयु़डु़, मा मेरामकु किब्‍दी तुकुम्‍चिम गोनो दु़स्‍ता। मु़चु़मिमका उनी थो़म्‍बोकडा दुपा दु़खा ल्‍वाम्‍डिमका लेम ख्रेट्‌मिडिम बाम्‍डी,

Faic an caibideil Dèan lethbhreac




रेम्‍बेट्‌मिडिम ल्‍वा 16:10
22 Iomraidhean Croise  

मेम्‍मा वाक्‍तोङा लेट्‌पा मुगोडा मु़चु़मिमलाई घ्रोम्‍सोमी, मा मेर्मिमका ख्राप्‍तो उनी लि ख्रेन्‍मी।


मा मेर्मिमलाई वाक्‍तोङा लेट्‌पा मुगोडा घ्रोम्‍सोमी। मु़चु़मिम मेसिन्डा येमी, मा उनी लि ख्रेन्‍मी।”


“मेकोतिमा हपका उ ख्‍लो़या-बाया बेपामिमलाई र्‍वाक्‍ता, ‘मेरामकु ल्‍वा-खेल बसाका मु़चु़मिम ख्राप्‍मिमिम नुङ उनी लि ख्रेन्‍मिमिम पाखानोम तुकुम्‍चिमगोडा घ्रोक्‍नी।’


मेम्‍मा नेमहपका मेरामलाई छो़म इम्‍मु मेझापा देन्‍दे ग्‍वाकु़, मा नेमहपका र्‍वामिम थो़पा लिसिक्‍पा मु़चु़मिम बाखोपडा घ्रोक्‍सोकु़। मेसिन्‍डा मु़चु़मिम ख्राप्‍मी, मा उनी लि ख्रेन्‍मी।”


लावो माम्‍चु़नीकु किब्‍दीडा हुमु बासिक्‍पा इस्राएलीमिम ने तुकुम्‍चिमगोडा घ्रोला सो़म्‍सिमी। मेगोडा मु़चु़मिम उनी लि ख्रेत्तो ख्राम्‍मी।”


“गानी अब्राहाम, इसहाक, याकूब मा माम्‍चु़नीलाम-जेपामिम खोत्‍लेलाई माम्‍चु़नीकु किब्‍दीगोडा ल्‍वानी, लावो गानी ने पाखानो पार्ला सो़न्‍सिनी। मेम्‍मिमका गानी ख्राम्‍नी, मा इनी लि ख्रेनी।


खोत्‍ले मु़चु़मिमलाई डोक्‍पु मिम्‍नी। थो़रलु़पा वा-ल्‍वाकमिमलाई रिखाम बेनी। माम्‍चु़नीकु ङिम जु़ल्‍नी, हपलाई डोक्‍पु मिम्‍नी।


सुबुडा बाट्‌पा मु़चु़मिम ओर्चिप सिच्‍चिमका भ्रम्‍सिमी मा कोरमा थु़र्बेबेसाका गेर्सिमी। हेङालोने सुबुडा बाट्‌पामिमलाई माम्‍चु़नीलाम जेपा ओर्चिपका दु़खा ग्‍वाक्‍चिमिम बाइडा।


लावो सो़रनेमकु पाखालाममिम देलफु ने डिडा, मेराम मेथो़प्‍डा, हेङालोने मेराम वाङसामामिमलाई ग्‍वाक्‍मा बु। मेर्मिमका ब्‍ल-न मुनामसम्‍म मे सेपा शहर देम्‍मी।


मेर्चिपकु सिपा मिरो़म मु़चु़मिमका उनी ङाचो़ येशूलाई क्रूसडा चेट्‌मिडिम डोक्‍पु शहरडाम डोक्‍पु लाम्‍दीबाडे चार्जो़ल्‍मिमिम दु़म। मेराम शहरकाम रेम्‍बेपा छेखोप सदोम नुङ मिश्र र्‍वामी।


हेङालोने माम्‍चु़नीकु सिजेम होम्‍साका मेरोक्‍थिथु़मसम्‍म मेर्मिम कोले नकाम दु़म्‍साका साखाम थो़पा उनी यु़म मे हादीबारालाई ग्‍वाक्‍साका माम्‍चु़नीकु न होङङा बोम्‍सोमु गुमीका मेर्मिमकु नडा ओराम ल्‍वा फिम्‍साम्‍डी।


“नेप्‍चीनुङमा दु़म्‍साका थेसिथेन्‍मु बासी। येतले बुइमिम ने मे मेसेम गन्‍तासिट्‌पा येतले पोप्‍चङमिम।


गुका साखामनुङमा लो़लामका आरे र्‍वाक्‍तामा येस्‍ता: “झार्स्‍ता, झार्स्‍ता, डोक्‍पु शहर बेबिलोन! मुनाङमिमकु नेम मेराम दु़स्‍ताम बु, मेसेपा खोत्ले पेलमिम, मेसेपा खोत्ले मुनाङमिमकु बाखोप, घ्रामलु़पा खोत्ले चक्‍पुकु बाखोप दु़स्‍ताम बु।


मेकोतिमा यु़मनुङमा कोले पाह्रीचो़का कोले डोक्‍पु खुरुक होङङा बेपा कोले लुङ कोस्‍तु़मा दिरिदिनगोयु़ घ्रोक्‍तु़मा र्‍वाक्‍ता: “मे डोक्‍पु शहर बेबिलोन आरेसाकाङा छो़म सातिका घ्रोसी मा मेराम हेल्‍लो वो मेडार्सी।


धिप्‍रीकु ओल इमाडा हेल्‍लो वो मेझ्‍वा। लारेमा नुङ लारेपाकु लो़लाम इमाडा हेल्‍लो वो मेथो़सीमिम दु़म। इमा सामान भ्रेपा-भ्रेट्‌पामिम सु़म्‍दिसेरडा खोत्‍लेडाम डोक्‍पु मु़चु़मिम बाम्‍डी। इमा जादुका खोत्‍ले सामामिम ताङताहेरथो़ लम्‍डिम बु।


ब्‍लनोम पाह्रीचो़का उ भुम डु़प्‍डु़, मा नेम्‍सुङकाम सु फ्‍वाकु को फ्‍वाडला हाम-हुमका ओप्‍डु़। मेम्‍मा ख्‍लो़मुकाम सु फ्‍वाकु को फ्‍वाडला नुङ सोरलुङमिमकाम सु फ्‍वाकु को फ्‍वाडला ओप्‍डु़, मा मेर्मिमकाम सु फ्‍वाकु को फ्‍वा केकेया दु़स्‍ता। नेमकाम सु फ्‍वाकु को फ्‍वा ओल मान्‍थिम दु़स्‍ता मा सिन्‍थाकाम सु फ्‍वाकु को फ्‍वा वो ओल मान्‍थिम दु़स्‍ता।


मेराम सोरलुङका छो़म घ्‍लु़म्‍पा पोलु़म होल्‍लु़ मा डोक्‍पु मु वाक्‍पालामका कुइकु लुमिम होङङा ओरामलामका कुइकु गेड्‌डा। ओ छो़म घ्‍लु़म्‍पा पोलु़मलाम गेट्‌पा कुइकुका नेम्‍सुङ नुङ धामु केकेया दु़स्‍ता।


Lean sinn:

Sanasan


Sanasan