रेम्‍बेट्‌मिडिम ल्‍वा 15:7 - थुलुङ राई

⁷ मेम्‍मा ब्‍लले सामनुङमामिमगोडाम कोलेका हेल्‍लो लोवो बाट्‌पाम बाट्‌पा माम्‍चु़नीकु छोक्‍चोका देम्‍पा सो़नाकु येतले कान्‍चु़रेमिम मे येतले पाह्रीचो़मिमलाई ग्‍वाक्‍तु़मी।

रेम्‍बेट्‌मिडिम ल्‍वा 15:7 Iomraidhean Croise

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

रेम्‍बेट्‌मिडिम ल्‍वा 1:18

नु़पा ने गोङा सो़, गो सिङ्‌डोम बाइडा, लावो रेप्‍नी, गो हेल्‍लो लोवो नु़ङुम बुङु। मेम्‍मा सिमुलाम नुङ सिपा मु़चु़मिम बाखोप खादी ल्‍वाडा बेपा चाबीमिम गोनुङ बु।

रेम्‍बेट्‌मिडिम ल्‍वा 10:6

मेम्‍मा गुका पाह्री नुङ मेगोला बाट्‌पा खोत्‍ले, सुबु नुङ मेगोडा बाट्‌पा खोत्‍ले, मा दिरिदिन नुङ मेगोयु़ बाट्‌पा खोत्‍लेलाई प्रङ्‌मिडिम गुमी, उहेम ने हेल्‍लो लोवो बुमिम बुमी। मेरामका उनीमा नङडा कसम पेसाका आरे र्‍वाक्‍ता, “आथा ने हाङको वो मेछु़।

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 16:2

कोनोम पाह्रीचो़ लस्‍ता मा बायडला उ कान्‍चु़रे अयु़डु़, मा मे हादीबाराकु छाप बाट्‌पा नुङ मेरामकु ङाटा सेव साट्‌पा मु़चु़मिमडला घ्राम्‍लु़पा मा छो़म नो़पा पारमिम जो़स्‍ता।

रेम्‍बेट्‌मिडिम ल्‍वा 17:1

येतले कान्‍चु़रे अपा पाह्रीचो़मिमगोडाम कोले आमाडा योक्‍तामा र्‍वाक्‍ता, “बिका, हापा ब्‍लोकुमिम फार्डा गन्‍तासिट्‌पा नङ धोपा छो़लो़मा मेसेमडला रोमुखापा देन्‍दे गो रेम्‍बेनी।

रेम्‍बेट्‌मिडिम ल्‍वा 21:9

मेम्‍मा मु़चु़ सेट्‌पा चङडाम येतले दु़खा थारीमिमका देम्‍पा येतले कान्‍चु़रेमिम जेथाक्‍पा येतले पाह्रीचो़मिमगोडाम कोलेका रोक्‍ता मा गोनुङ आरे र्‍वाक्‍ता, “बिका, गो गानालाई भेन्‍दाचो़कु नाइमे, लारेमा रेम्‍बेनी।”

रेम्‍बेट्‌मिडिम ल्‍वा 4:10

मे न-ब्‍लले (२४) ङाउ-डु़म्‍लाचो़मिमका हप गन्‍खोपडा गन्‍तासिट्‌पाकु ङादोडा खुम्‍बु बोमी। मेम्‍मा हेल्‍लो लोवो बाट्‌पाम बाट्‌पा गुमीलाई सो़रलोले बोमी। मेर्मिमका उनीमा सो़नाकु मुकुटमिम मे हप गन्‍खोप ङादोडा जु़ल्‍मी मा आरे र्‍वामी:

रेम्‍बेट्‌मिडिम ल्‍वा 5:8

गुमीका मेराम दिल्‍साका जु़ल्‍मा खाजेम रम्‍डिलो मे ब्‍लले सामनुङमामिम नुङ न-ब्‍लले (२४) ङाउ-डु़म्‍लाचो़मिम उनीमा ङादोडा कुम्‍सिम्‍डी। खोत्‍लेकु ल्‍वाडा को कोले कामसोर बाइडा मा धूपका देम्‍पा सो़नाकु धूप बेखोप सोजाम जेन्‍थाम्‍डी। मे धूपका ने माम्‍चु़नीकु मु़चु़मिमकाम सो़म्‍दी रेम्‍बु़।