रेम्‍बेट्‌मिडिम ल्‍वा 15:4 - थुलुङ राई

⁴ मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 15:4 Iomraidhean Croise

रोमी 15:9

ओराम ल्‍वा थेसीथेन्‍बेन्‍मु नुङ वाङसामामिमका वो माम्‍चु़नीकु दिदामकाम लागि उनीमा नङ कोमिनु़ र्‍वाक्‍साका ख्रीष्‍ट योम्‍डिम सो़। माम्‍चु़नीकु सिजेमडा र्‍याक्‍मा बु, “मेम्‍मिमका वाङसामामिमगोडा गो इनीमा नङ कोक्‍पु, मा इनीमा सो़रलोले बेउ।”

१ पत्रुस 1:16

हेङालोने माम्‍चु़नीकु सिजेमका र्‍वा, “मेजो़पा ल्‍वाडाम गो वाङ बुङुमिम होङङा गानी मेजो़पा ल्‍वाडाम वाङ बानी।”

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 14:7

गुका डोक्‍पु लो़लामका आरे र्‍वाक्‍ता, “माम्‍चु़नीकु ङिम जु़ल्‍नी मा गुमी डोक्‍पु बुमी र्‍वाक्‍नी, हेङालोने गुमीका निया बेपा थारी रोक्‍ताम बु। सुबु, पाह्री, दिरिदिन नुङ कुकु पुन्‍खोपमिम प्रङपा गुमीलाई सेव साट्‌नी।”

रेम्‍बेट्‌मिडिम ल्‍वा 16:5

मेम्‍मा कु रेपा खारी ल्‍वापा पाह्रीचो़का आरे र्‍वाक्‍ताम गो थो़उतो, “गानी सेपा माम्‍चु़नी, गानी ओम्‍लो वो बुनी, ङादो वो बान्‍नी, गानी जो़पा निया बेन्‍नी,

रेम्‍बेट्‌मिडिम ल्‍वा 16:7

मेम्‍मा सासेन्‍खोपलाममिम लो़लामका आरे र्‍वाक्‍ताम गो थो़उतो: “मेमङा सो़, मिप्रङमा माम्‍चु़नी खोत्‍लेडलाम यु़मनुङमा, इनीमा निया आच्‍छाङाकाम नुङ जो़पा बु।”

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”

रेम्‍बेट्‌मिडिम ल्‍वा 19:8

माम्‍चु़नीका मे लारेमालाई जो़पा, छेको-छेकोम, झ्‍वाक्‍पा नो़ला नो़लाम ये-सेम फम्‍सिमु ग्‍वाम्‍डी।”

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”

रेम्‍बेट्‌मिडिम ल्‍वा 6:10

मेर्मिमका आरे र्‍वाम्‍डिमा डोक्‍पु लो़लामका येम्‍डी, “खोत्‍लेडलाम यु़मनुङमा, सेपा नुङ आच्‍छाङाम ङाचो़, ओ सुबुडा बाट्‌पा मु़चु़मिमकाम हाम्‍सिसम्‍म निया मेबोनी, मा गुकुलाई सेत्तिकिमकु छोक्‍चो मेहानिमिम?”