रेम्‍बेट्‌मिडिम ल्‍वा 15:3 - थुलुङ राई

³ मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

रेम्‍बेट्‌मिडिम ल्‍वा 15:3 Iomraidhean Croise

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

हिब्रू 3:5

मोशा माम्‍चु़नीकु नेमडाम मु़चु़मिमगोडा थो़रलु़इमिम मा डु़ल्‍चो़ दु़म्‍साका बाइडा। माम्‍चु़नीका दिफु रेम्‍बेट्‍पा ल्‍वाकु दुथाम गुका मु़चु़मिमनुङ सो़यु़डु़।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 11:17

मा आरे र्‍वाम्‍डी, “मिप्रङमा माम्‍चु़नी खोत्‍लेडलाम साखामनुङमा, गानी ओम्‍लो वो बुनी मा ङादो वो बान्‍नी, गानीलाई गुकु आलासो़ र्‍वाकु। हेङालोने गानी इनीमा डोक्‍पु यु़म रन्‍निम बु मा साखाम थो़मु चो़म्‍निम बु।

रेम्‍बेट्‌मिडिम ल्‍वा 14:3

मेम्‍मा को-ब्ल सङसङ ब्ल धु़मसङ मु़चु़मिमका मे हपकु गन्‍खोप, ब्‍लले सामनुङमा नुङ ङाउ-डु़म्‍लाचो़मिमकु ङादोडा कोले लाले काम्‍सो बेम्‍डी। माम्‍चु़नीका मेर्मिमलाई सुबुलामका थि सोक्‍साका सेल्‍मिडिम बाइडा, मेर्मिमडाम वाङमिम सु़का वो मे लाले काम्‍सो सीम्‍सिमु मेचाप्‍मिवा।

रेम्‍बेट्‌मिडिम ल्‍वा 14:8

मेम्‍मा ङादोम पाह्रीचो़कु चङडा ननोम पाह्रीचो़ रोक्‍ता मा र्‍वाक्‍ता, “झार्स्‍ताम बु! झार्स्‍ताम बु! डोक्‍पु बेबिलोन शहर झार्स्‍ताम बु। मेरामका सु़म्‍दिसेरडाम मु़चु़मिमलाई अङ्‍गूरकु बिलामका सेन्‍बेड्‍डु़मिम होङङा नाम्‍सु़रु़ बेसीका सेन्‍बेड्‍डु़मिम बु।”

रेम्‍बेट्‌मिडिम ल्‍वा 17:14

मेर्मिमका भेन्‍दाचो़डला क्‍वाल्‍बा बोमी, लावो भेन्‍दाचो़ मेर्मिमडला घ्‍ल्‍वामी, हेङालोने खोत्‍ले ङाचो़गोडाम गुमीङा डोक्‍पु ङाचो़ मा खोत्‍ले हपमिमगोडाम गुमीङा डोक्‍पु हप। मेम्मा भेन्‍दाचो़नुङ बाट्पा ने मेर्मिम सो़, उहेममिमलाई माम्‍चु़नीका येट्‌मिडिम, थुट्‌मिडिम मा गुमीडा थो़रलु़इमिम सो़।”

रेम्‍बेट्‌मिडिम ल्‍वा 19:16

उनीमा ब्‍लाङमाडा नुङ उनीमा फिलाडा ओराम उनीमा नङ र्‍याक्‍मा बाइडा: “हपमिमकु हप नुङ ङाचो़मिमकु ङाचो़।”

रेम्‍बेट्‌मिडिम ल्‍वा 19:2

हेङालोने उनीमा निया आच्‍छाङाकाम नुङ जो़पा बु। मे छो़लो़माकु नाम्‍सु़रु़ बेसीका सु़म्‍दिसेरडाम मु़चु़मिमलाई छो़म मेजो़पा बेबेट्‌पा मेरामलाई माम्‍चु़नीका देन्‍दे ग्‍वाम्‍डिम बु। गुमीका उनीमा डु़ल्‍चो़मिमकु सिसिकाम फुलु़ सो़म्‍डिम बु।”

रेम्‍बेट्‌मिडिम ल्‍वा 4:8

मे ब्‍लले सामनुङमामिम खोत्‍लेकाम रुले-रुले लाप्‍तेर बाइडा मा मे लाप्‍तेरकु डलाम गोलाम खोत्‍लेथो़ मिक्‍सी-मिक्‍सी बाइडा। नेम्‍फु सिन्‍था मेङेसिक्‍साका मेर्मिमका आरे र्‍वामिम बुमी: “सेपा, सेपा, सेपा, खोत्‍लेडलाम यु़मनुङमा मिप्रङमा माम्‍चु़नी, गानी ङादो वो बान्‍नी, ओम्‍लो वो बुनी मा रोमु खाम्‍नी।”