रेम्‍बेट्‌मिडिम ल्‍वा 15:1 - थुलुङ राई

¹ मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 15:1 Iomraidhean Croise

रेम्‍बेट्‌मिडिम ल्‍वा 10:3

मेम्‍मा धेन्‍द्रा क्रुमिम होङङा गु डोक्‍पु लो़लामका येस्‍ता। गु येस्‍तामा येतले बुलु़लु़मिम बु़डु़।

रेम्‍बेट्‌मिडिम ल्‍वा 11:14

ननोम ङिमलु़पा ल्‍वा हुक्‍ता, सुनोम ङिमलु़पा ल्‍वा रोक्‍तोङा लेडु़।

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।

रेम्‍बेट्‌मिडिम ल्‍वा 14:19

मे पाह्रीचो़का उ बनका अङ्‍गूरमिम खोप्‍डु़ मा माम्‍चु़नीकु छोक्‍चोकु अङ्‍गूर देम्‍साका खाल्‍पा डोक्‍पु खोमडा मे अङ्‍गूरमिम घ्रोक्‍तु़।

रेम्‍बेट्‌मिडिम ल्‍वा 16:1

मेकोतिमा सो़रनेमलाममिम कोङ डोक्‍पु लो़लामका येतले पाह्रीचो़मिमलाई आरे बु़डु़मिम गो थो़उतो, “लक्‍नी, मा माम्‍चु़नीकु छोक्‍चोकु येतले कान्‍चु़रेमिम सुबुडला अनी।”

रेम्‍बेट्‌मिडिम ल्‍वा 17:1

येतले कान्‍चु़रे अपा पाह्रीचो़मिमगोडाम कोले आमाडा योक्‍तामा र्‍वाक्‍ता, “बिका, हापा ब्‍लोकुमिम फार्डा गन्‍तासिट्‌पा नङ धोपा छो़लो़मा मेसेमडला रोमुखापा देन्‍दे गो रेम्‍बेनी।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 21:9

मेम्‍मा मु़चु़ सेट्‌पा चङडाम येतले दु़खा थारीमिमका देम्‍पा येतले कान्‍चु़रेमिम जेथाक्‍पा येतले पाह्रीचो़मिमगोडाम कोलेका रोक्‍ता मा गोनुङ आरे र्‍वाक्‍ता, “बिका, गो गानालाई भेन्‍दाचो़कु नाइमे, लारेमा रेम्‍बेनी।”

रेम्‍बेट्‌मिडिम ल्‍वा 8:13

मेम्‍मा गो रेप्‍तो होङङा धामुकु थेतेला हुट्‌पाम बाट्‌पा कोले खिरिजङमाका डोक्‍पु लो़लामका आरे र्‍वाक्‍ताम थो़उतो, “वाङमिम सुले पाह्रीचो़मिमका भुम डु़म्‍मु खाप्‍मिमिम ने हाउरेमा! हाउरेमा! हाउरेमा! सुबुडा बाट्‌पामिम ने।”

रेम्‍बेट्‌मिडिम ल्‍वा 8:2

मेम्‍मा माम्‍चु़नीकु ङादोडा येम्‍तासिट्‌पा येतले पाह्रीचो़मिम ल्‍वाउतो। मेर्मिमलाई माम्‍चु़नीका येतले भुम ग्‍वाम्‍डी।

रेम्‍बेट्‌मिडिम ल्‍वा 8:6

मेकोतिमा येतले भुमनुङमा येतले पाह्रीचो़मिमका मेराम डु़म्‍मु झो़म्‍सिम्‍डी।

रेम्‍बेट्‌मिडिम ल्‍वा 9:20

ओर्मिम सेट्‌पा दु़खाका मेसेट्‌मा वाङमिम मु़चु़मिमका आथावो उनी मेजो़पा खारीलाम मेख्‍लोम्‍सिट्‌मिवा। मेर्मिमका मुनाङमिम नुङ मिक्‍सीका ल्‍वामु मेचापा, मेथो़पा मा लाम्‍दिमु मेचापा सो़ना, मतो, बुलु, लुङ नुङ सङकु ङाटालाई सेव सान्‍मु मेडिट्‌मिवा।