रेम्‍बेट्‌मिडिम ल्‍वा 14:6 - थुलुङ राई

⁶ मेम्‍मा कोङमी पाह्रीचो़ धामुकु थेतेडा हुट्‌पाम बाट्‌पा गो ल्‍वाउतो। सुबुडा बाट्‌पा खोत्‍ले नेब्‍दीमिम, दोचो़, ल्‍वा जेपामिम नुङ मु़चु़मिमलाई थो़बेन्‍मु हेल्‍लो लोवो बाट्‌पाम बाट्‌पा जो़पा-सेला गुनुङ बाइडा।

रेम्‍बेट्‌मिडिम ल्‍वा 14:6 Iomraidhean Croise

मत्ती 10:27

ओर्मिम खोत्‍ले ल्‍वा गो गानीलाई कोङङा र्‍वाङु, लावो गानी ओराम ल्‍वा खोत्‍ले मु़चु़नुङ सो़नी। गो गानीनुङ सु़पील्‍वाका सो़उतोम ल्‍वा खोत्‍ले मु़चु़का थो़पा बेसाका नेमडलामका र्‍वाक्‍नी।

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

रोमी 16:25

येशू ख्रीष्‍टकु दुथाम गो दो़उतोम जो़पा-सेलालाम माम्‍चु़नीका इनीमा थो़रलु़सीडा सोनुङमा दु़म्‍बेनिमी। ओराम ल्‍वा सु़म्‍दिमोलो आथामङा थक्‍मा बाइडा र्‍वाक्‍साका छ्‍याङलो छ्‍याङलो रेम्‍बु़डु़म बु।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

हिब्रू 13:20

भेन्‍दा रेपा-क्रिपा डोक्‍पु इकीमा ङाचो़ येशूलाई हेल्‍लो लोवो दु़म्‍पा लाले सो़रख्रेप्‍सीकु सिसिका सिमुलाम फक्‍साका न-भ्रसी बेट्‌पा माम्‍चु़नीका

१ पत्रुस 1:25

लावो ङाचो़कु सिजेम ने हेल्‍लो लोवो दु़महोम बु।” गानीलाई थो़बेट्‌मा जो़पा-सेलाकु सिजेम ओरामङा सो़।

रेम्‍बेट्‌मिडिम ल्‍वा 10:11

मेम्‍मा कोङनिमका गोनुङ आरे र्‍वाक्‍ता, “गाना हापा मु़चु़मिमलाई, नेब्‍दीमिमलाई, वाङ-वाङ ल्‍वा जेपामिमलाई मा हपमिमलाई मेर्मिमकु दुथाम आथावो माम्‍चु़नीलाम जेमु बासी।”

रेम्‍बेट्‌मिडिम ल्‍वा 10:7

लावो येतनोम पाह्रीचो़का उ भुम डु़पा थारी रो, मा माम्‍चु़नीलाम जेपा उनीमा डु़ल्‍चो़नुङ त्‍वाकाङा सो़म्‍डिम मेल्‍वाम्‍मा ल्‍वा रोथी।”

रेम्‍बेट्‌मिडिम ल्‍वा 13:7

मेरामका माम्‍चु़नीकु मु़चु़मिमकु कोर्थो़लाम क्‍वाल्‍बा बोमु यु़म ल्‍वासाका मेर्मिमलाई घ्‍ल्‍वामु ल्‍वास्‍तु़। मेरामका खोत्‍ले दोचो़मिम, ल्‍वा जेपामिम, मु़चु़मिम नुङ नेब्‍दीडला साखाम थो़मु चो़म्‍डु़।

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

रेम्‍बेट्‌मिडिम ल्‍वा 8:13

मेम्‍मा गो रेप्‍तो होङङा धामुकु थेतेला हुट्‌पाम बाट्‌पा कोले खिरिजङमाका डोक्‍पु लो़लामका आरे र्‍वाक्‍ताम थो़उतो, “वाङमिम सुले पाह्रीचो़मिमका भुम डु़म्‍मु खाप्‍मिमिम ने हाउरेमा! हाउरेमा! हाउरेमा! सुबुडा बाट्‌पामिम ने।”