रेम्‍बेट्‌मिडिम ल्‍वा 14:3 - थुलुङ राई

³ मेम्‍मा को-ब्ल सङसङ ब्ल धु़मसङ मु़चु़मिमका मे हपकु गन्‍खोप, ब्‍लले सामनुङमा नुङ ङाउ-डु़म्‍लाचो़मिमकु ङादोडा कोले लाले काम्‍सो बेम्‍डी। माम्‍चु़नीका मेर्मिमलाई सुबुलामका थि सोक्‍साका सेल्‍मिडिम बाइडा, मेर्मिमडाम वाङमिम सु़का वो मे लाले काम्‍सो सीम्‍सिमु मेचाप्‍मिवा।

रेम्‍बेट्‌मिडिम ल्‍वा 14:3 Iomraidhean Croise

१ कोरिन्थी 1:18

पुयु़लुमु खापामिमकाम लागि क्रूसकु दुथाममिम ल्वा नेप्ची मान्थिम मु़चु़का जेस्ताम होप्माम दु़म, लावो गुइ सेल्‍सिक्‍पामिमकाम लागि ओराम माम्‍चु़नीकु यु़म सो़।

१ कोरिन्थी 2:14

माम्‍चु़नी-पेल मान्‍थिम मु़चु़का माम्‍चु़नीकु पेललाम रोक्‍पा ल्‍वामिम मेरङु़। मेर्मिम ल्‍वा मेरामकाम लागि हाम ना हामकाम दु़म, मा मेर्मिम ल्‍वा मेरामका थेसिथेन्‍मु मेचाप्‍सु़, हेङालोने मेर्मिम ल्‍वा माम्‍चु़नी-पेललाम कोङङा थेसिथेन्‍मु झाम।

रेम्‍बेट्‌मिडिम ल्‍वा 14:1

मेकोतिमा गो रेप्‍तो, मा आमा ङादोनो सियोन पोप्‍चङडला भेन्‍दाचो़ येम्‍तासिट्‌मिडिम बाइडा, मा गुमीनुङ को-ब्ल सङसङ ब्ल धु़मसङ मु़चु़मिम बाम्‍डी। मेर्मिमकु कुप्‍पीडा उनीमा नङ नुङ उनीमा पापकु नङ र्‍याक्‍मा बाइडा।

रेम्‍बेट्‌मिडिम ल्‍वा 15:3

मेम्‍मा मेर्मिमका माम्‍चु़नीकु खारी बेपा मोशाकु काम्‍सो नुङ भेन्‍दाचो़कु काम्‍सो आरे र्‍वाक्‍तो बेत्तोङा बेम्‍डी: “मिप्रङमा माम्‍चु़नी खोत्‍लेडलाम यु़मनुङमा, इनीमा खारीमिम डोक्‍पु नुङ ङाङायाम बुमी। सु़म्‍दिसेरडाम खोत्‍ले मु़चु़मिमकु हप, इनीमा खारीमिम जो़पा नुङ आच्‍छाङाकाम बुमी।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

रेम्‍बेट्‌मिडिम ल्‍वा 5:9

मेर्मिमका आरे र्‍वाक्‍तो कोले लाले काम्‍सो बेम्‍डी: “दिल्‍साका जु़ल्‍मा खाजेम रमु नुङ ओरामकु छापमिम होर्मुका घ्रेट्‌पा गानी, हेङालोने गानीलाई सेट्‌निमी मा खोत्‍ले दोचो़लाम, ल्‍वा जेपालाम, मु़चु़मिमलाम नुङ नेब्‍दीलामका माम्‍चु़नीकाम लागि इनीमा सिसिका मु़चु़मिम भ्रेन्‍निमी।

रेम्‍बेट्‌मिडिम ल्‍वा 7:4

मेम्‍मा छाप ओम्‍ला सो़सिक्‍पा इस्राएलीमिम खोत्‍ले दोचो़लाम ङार्साका को-ब्ल सङसङ ब्ल धु़मसङ (१,४४,०००) मु़चु़ बाम्‍डी र्‍वाक्‍पा गो थो़उतो।