रेम्‍बेट्‌मिडिम ल्‍वा 14:2 - थुलुङ राई

² मेम्‍मा पाह्रीलामका छेकुमेर्कु येपा होङङा मा डोक्‍पु बुलु़लु़ होङङा र्‍वाक्‍पा थो़उतो। गो थो़उतोम मे लो़लाम कामसोर डु़पामिमका उनी कामसोर डु़प्‍मिडिम होप्‍माम बाइडा।

रेम्‍बेट्‌मिडिम ल्‍वा 14:2 Iomraidhean Croise

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

रेम्‍बेट्‌मिडिम ल्‍वा 1:10

ङाचो़कु नेम माम्‍चु़नी-पेललाम गो लु़न्‍सिङडो मा गो आमा चङलामका भुम होप्‍माम डोक्‍पु लो़लाम थो़उतो।

रेम्‍बेट्‌मिडिम ल्‍वा 1:15

उनीमा फेमखेल मुकु भुल्‍मु गोडा चासाका टल्‍केबेम्‍मा बुलु होप्‍माम बाइडा। मेम्‍मा उनीमा लो़लाम ने ब्‍लोकु येपा होप्‍माङा बाइडा।

रेम्‍बेट्‌मिडिम ल्‍वा 11:12

मेम्‍मा मेर्चिपलाई पाह्रीलामका कोङ डोक्‍पु लो़लामका आरे र्‍वाक्‍ताम थो़च्‍ची, “आला गेची।” मेर्चिपकु स्‍वाक्‍चिमोमिमका रेप्‍मिडी होङङा खासेडलामका पाह्रीला लक्‍ची।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 15:2

मुनुङ ङोल्‍सिक्‍पा सिसाकु दिरिदिन होप्‍माम गो ल्वाउतो। हादीबारा नुङ उ ङाटाडला मा उ नङकु सेर्सीडला घ्‍ल्‍वापामिम मे दिरिदिनडा येम्‍तासिट्‌मिडी। माम्‍चु़नीका ग्‍वाम्‍डिम कामसोरमिम मेर्मिमका जेन्‍थाम्‍डी।

रेम्‍बेट्‌मिडिम ल्‍वा 18:22

कामसोर डु़पामिम नुङ काम्‍सो बेपामिम, लिउसाम डु़पामिम नुङ भुम डु़पामिमकु लो़लाम हेल्‍लो वो इमाडा मेथो़सीमिम दु़म। थेट्‌पा खारीचो़मिम इमा हेल्‍लो वो मेडार्सिक्‍पा दु़म। खुरुककु लो़लाम इमाडा मेथो़सीमिम दु़म।

रेम्‍बेट्‌मिडिम ल्‍वा 5:8

गुमीका मेराम दिल्‍साका जु़ल्‍मा खाजेम रम्‍डिलो मे ब्‍लले सामनुङमामिम नुङ न-ब्‍लले (२४) ङाउ-डु़म्‍लाचो़मिम उनीमा ङादोडा कुम्‍सिम्‍डी। खोत्‍लेकु ल्‍वाडा को कोले कामसोर बाइडा मा धूपका देम्‍पा सो़नाकु धूप बेखोप सोजाम जेन्‍थाम्‍डी। मे धूपका ने माम्‍चु़नीकु मु़चु़मिमकाम सो़म्‍दी रेम्‍बु़।

रेम्‍बेट्‌मिडिम ल्‍वा 6:1

मे भेन्‍दाचो़का येतले छापमिमगोडाम कोलेलाई पिम्‍डिम गो ल्‍वाउतो। मेम्‍मा ब्‍लले सामनुङमामिमगोडाम कोलेका बुलु़लु़ होङङा र्‍वाक्‍पा लो़लामका “बिका” र्‍वाक्‍ताम गो थो़उतो।

रेम्‍बेट्‌मिडिम ल्‍वा 8:7

कोनोम पाह्रीचो़का उ भुम डु़प्‍डु़। मेम्‍मा मेसिन्‍डा सिसिनुङमा लोसु़ नुङ मु सुबुडा आल्‍स्‍ता। मेम्‍मा सु फ्‍वाकु को फ्‍वा घ्रु़म्‍डी, धक्‍सामिमकु सु फ्‍वाकाम को फ्‍वा घ्रु़म्‍डी मा गिगिम खोत्‍ले जेम घ्रु़म्‍डी।