रेम्‍बेट्‌मिडिम ल्‍वा 14:1 - थुलुङ राई

¹ मेकोतिमा गो रेप्‍तो, मा आमा ङादोनो सियोन पोप्‍चङडला भेन्‍दाचो़ येम्‍तासिट्‌मिडिम बाइडा, मा गुमीनुङ को-ब्ल सङसङ ब्ल धु़मसङ मु़चु़मिम बाम्‍डी। मेर्मिमकु कुप्‍पीडा उनीमा नङ नुङ उनीमा पापकु नङ र्‍याक्‍मा बाइडा।

रेम्‍बेट्‌मिडिम ल्‍वा 14:1 Iomraidhean Croise

लूका 12:8

“गो गानीलाई र्‍वाङु, गो आमा सीसिपा र्‍वाक्‍साका गानी मु़चु़मिमलाई र्‍वानी माला माम्‍चु़नीकु पाह्रीचो़मिमकु ङादोडा मिनीचो़का वो गानीलाई उ सीसिपामिम र्‍वा।

रोमी 9:33

ख्रीष्‍टकु दुथाम माम्‍चु़नीका र्‍वाम्‍डिम होङङा माम्‍चु़नीकु सिजेमडा र्‍याक्‍मा बु, “रेप्‍नी, गो सियोनडा कोले साम्‍फ्‍ले लुङ जु़ल्‍पु, उहेम लुङडा मु़चु़मिमका खेल तुमी, मेरामका मेर्मिमलाई चार्सु़मी, लावो गुमीडा थो़रलु़पामिम सु़ वो क्रो़म लु़मु बासिक्‍पा मेदु़म्‍मी।”

रेम्‍बेट्‌मिडिम ल्‍वा 14:14

मेम्‍मा गो रेप्‍तो मा आमा ङादोडा बुबुयाम खासे बाइडा, मा मेडला मिनीचो़ होप्‍माम कोले गन्‍तासिट्‌मिडी। उनीमा बुइडला सो़नाकु मुकुट खुम्‍तासिम्‍डी, मा उनीमा ल्‍वाडा हन्‍पा कोले बन बाइडा।

रेम्‍बेट्‌मिडिम ल्‍वा 14:3

मेम्‍मा को-ब्ल सङसङ ब्ल धु़मसङ मु़चु़मिमका मे हपकु गन्‍खोप, ब्‍लले सामनुङमा नुङ ङाउ-डु़म्‍लाचो़मिमकु ङादोडा कोले लाले काम्‍सो बेम्‍डी। माम्‍चु़नीका मेर्मिमलाई सुबुलामका थि सोक्‍साका सेल्‍मिडिम बाइडा, मेर्मिमडाम वाङमिम सु़का वो मे लाले काम्‍सो सीम्‍सिमु मेचाप्‍मिवा।

रेम्‍बेट्‌मिडिम ल्‍वा 15:5

आकोतिमा गो रेप्‍तो मा पाह्रीलाम माम्‍चु़नीकु सेपा बाखोपडाम सो़रनेम होर्स्‍ता।

रेम्‍बेट्‌मिडिम ल्‍वा 22:4

मेर्मिमका माम्‍चु़नीकु ङाली ल्‍वामी, मा उनीमा नङ मेर्मिमकु कुप्‍पीडा दु़म।

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।

रेम्‍बेट्‌मिडिम ल्‍वा 4:1

आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”

रेम्‍बेट्‌मिडिम ल्‍वा 6:8

ख्‍लाख्‍लाया बेपा कोले घोडा ल्‍वाउतो, मा मेडला हुपाकु नङ सिमुलाम बाइडा, मा खादी मेरामकु चङचङ लाम्‍दिबाल्‍ला। मेम्‍मा सुबुडाम खोत्‍ले मु़चु़मिमकु ब्‍ल भागकाम को भाग मु़चु़मिम कातु़रु़का, पोमुकु दु़खाका, लामासामका, नुङ सुबुडा बाट्‌पा सो़प्‍दीडाम हादी-बारामिमलामका सेन्‍मु साखाम मेर्चिपका ल्‍वाच्‍ची।