रेम्‍बेट्‌मिडिम ल्‍वा 13:6 - थुलुङ राई

⁶ मेरामका माम्‍चु़नीलाई डक्‍साका जेमु लागि उमा सि होर्डु़, मा माम्‍चु़नीकु नङ, गुमी बाट्‌पा खोम नुङ पाह्रीला बाट्‌पामिमकु दुथाम सेम्‍ला बेत्तो मेजो़पा जेस्‍ता।

रेम्‍बेट्‌मिडिम ल्‍वा 13:6 Iomraidhean Croise

मत्ती 12:34

लु-फेले बेपा ब्‍लो होप्‍माम मु़चु़नी, इनी त्‍वापङा मेजो़पा बुनी, मा हेसाका जो़पा ल्‍वा जेमु चाम्‍नी मा? हेङालोने हेप्‍माम ल्‍वा न-गोडा बु, मेरामङा सिका वो जे।

मत्ती 15:19

हेङालोने न-गोलामकाङा मेजो़पा न, मु़चु़ सेट्‌पा, नाम्‍सु़रु़, वाङमी मेसेमनुङ अम्‍बाल्‍पा, खुपा, लिमा थेट्‌पा, मा डक्‍साका जेपा ल्‍वामिम लुमी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

रोमी 3:13

“मेर्मिमकु ल्‍वा ने सु़लु़मलाम लुक्‍पा मुर होप्‍माम बु, मेर्मिमकाम त्‍वाकु लेमकाङा लिमा थेट्डु़म बु।” “मेर्मिमकु जेसी ब्‍लोकु ङे होप्‍माम बु।”

कलस्‍सी 1:19

हेङालोने माम्चु़नीका उनी त्वापडा बाट्‍पा खोत्ले ल्वा ख्रीष्‍टडा जु़ल्‍मु मुलु़ बोमु द्‍वाम्डी।

कलस्‍सी 2:9

हेङालोने माम्चु़नीडा बाट्पा खोत्ले ल्वा मिनीचो़ दु़म्डिम ख्रीष्‍टडा ङा दु़म्मी बुमी।

हिब्रू 9:2

माम्‍चु़नी रेम्‍बेसिक्‍पा कोले बाखोप बनेबेम्‍मा बाइडा। मेगोनो फ्‍वाक्‍साका नले बाखोप बनेबेम्‍मा बाइडा। कोले बाखोपगोडा धिप्‍री जु़ल्‍खोप, टेबल मा माम्‍चु़नीलाई ग्‍वाकिमिम सो़बेममिम जु़ल्‍मा बाइडा। मेराम खोमलाई सेपा बाखोप र्‍वाम्‍थाल्‍मिडी।

हिब्रू 9:24

येशू ख्रीष्‍ट मु़चु़का बनेबेम्‍मा सेपा खोमगोनो मेहुमिवा, उहेम आच्‍छाङाकाम सेपा खोम होप्‍माम कोङङा सो़। लावो गुमी ने पाह्रीलाम आच्‍छाङाकाम सेपा खोमडा लम्‍डी। गुमी ओम्‍लो इकीमा लागि माम्‍चु़नीकु ङादोडा बुमी।

रेम्‍बेट्‌मिडिम ल्‍वा 11:12

मेम्‍मा मेर्चिपलाई पाह्रीलामका कोङ डोक्‍पु लो़लामका आरे र्‍वाक्‍ताम थो़च्‍ची, “आला गेची।” मेर्चिपकु स्‍वाक्‍चिमोमिमका रेप्‍मिडी होङङा खासेडलामका पाह्रीला लक्‍ची।

रेम्‍बेट्‌मिडिम ल्‍वा 12:12

मेम्‍मिमका पाह्रीला नुङ मेला बाट्‌पामिम भ्रन्‍सिट्‌नी। लावो सुबु नुङ दिरिदिनडा बाट्‍पामिम ने हाउरेमा! हेङालोने उमा थारी कति दु़पा बु र्‍वाक्‍पा चक्‍साका मुनाङमिमकु ङाउ छो़म उ छोक्‍चोनुङमा इनीमायु़ योक्‍ताम बु।”

रेम्‍बेट्‌मिडिम ल्‍वा 15:5

आकोतिमा गो रेप्‍तो मा पाह्रीलाम माम्‍चु़नीकु सेपा बाखोपडाम सो़रनेम होर्स्‍ता।

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

रेम्‍बेट्‌मिडिम ल्‍वा 21:3

मेम्‍मा साखाम थो़पा गन्‍खोपलामका आरे र्‍वाक्‍पा डोक्‍पु लो़लाम गो थो़उतो, “रेप्‍नी, माम्‍चु़नीकु बाखोप मु़चु़मिमनुङ बु, मा गुमी मेर्मिमनुङ बुमी। मेर्मिम उनीमा मु़चु़मिम दु़म्‍मी मा माम्‍चु़नी उनी त्‍वापङा मेर्मिमकु माम्‍चु़नी दु़म्‍साका मेर्मिमनुङ दु़म्‍मी।

रेम्‍बेट्‌मिडिम ल्‍वा 4:1

आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”

रेम्‍बेट्‌मिडिम ल्‍वा 4:4

मेराम साखाम थो़पा गन्‍खोपकु होनोलाम-आथो़लाम न-ब्‍ल (२४) साखाम थो़पा वाङमिम गन्‍खोपमिम बाम्‍डी। मेसिन्‍डा न-ब्‍लले (२४) ङाउ-डु़म्‍लाचो़मिम गन्‍तासिम्‍डी। मेर्मिमका बुबुयाम ये फम्‍तासिम्‍डी मा उनी बुइडला सो़नाकु मुकुट खुम्‍तासिम्‍डी।

रेम्‍बेट्‌मिडिम ल्‍वा 5:13

मेम्‍मा पाह्रीला, सुबुडा, सुबु ध्‍वायु़ मा दिरिदिनगोयु़ नुङ मेगोडा बाट्‌पा सामनुङमा खोत्‍लेका आरे र्‍वाक्‍तो काम्‍सो बेम्‍डिम बाम्‍डिम थो़उतो: “मे हप गन्‍खोपडा गन्‍पा नुङ भेन्‍दाचो़काम हेल्‍लो लोवो नङ कोसिनु़, नङ डोक्‍पु दु़म्‍नु़, यु़म झ्‍वानु़ मा यु़म दु़म्‍नु़म बुनु़।”

रेम्‍बेट्‌मिडिम ल्‍वा 7:15

मेम्‍मिमका, ‘मेर्मिम माम्‍चु़नी हप गन्‍खोप ङादोडा बुमी मा माम्‍चु़नीकु सो़रनेम गोडा नेम्‍फु सिन्‍था मेर्मिमका उनीमा लाले-पाङके बोमी, मा हप गन्‍खोपडा गन्‍पा गुमीका मेर्मिमलाई उनी त्‍वापनुङङा बुमु खोम ग्‍वामी।

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।