रेम्‍बेट्‌मिडिम ल्‍वा 13:3 - थुलुङ राई

³ मे हादीबाराकु कोले बुइडला ङिमलु़पा पार होप्‍माम ल्‍वासिक्‍पा बाइडा, लावो मे ङिमलु़पा ल्‍वासिक्‍पा पार सस्‍ता। मेम्‍मा सु़म्‍दिसेरडाम खोत्‍ले ओरामडाम ङाङाया दु़म्‍मिडी मा मे हादीबाराकु चङचङ लाम्‍दिम्‍डी।

रेम्‍बेट्‌मिडिम ल्‍वा 13:3 Iomraidhean Croise

लूका 2:1

मेराम थारीका रोमी हप अगस्‍तसका उमा किब्‍दीगोडा बाट्‌पा खोत्‍ले मु़चु़मिमकु नङ डो़नी बु़डु़मी।

यूहन्‍ना 12:19

मेकोतिमा फरिसीमिमका उनी त्‍वाप-त्‍वापगोडा आरे र्‍वाबोमु चो़म्‍मिडी, “गुइ हाम वो बोमु मेचाप्‍सी। रेप्‍नी, खोत्‍ले मु़चु़मिम मेरामकु चङचङ लाम्‍दिम्‍ल्‍याम्‍डी।”

थु़र्मा 8:13

सिमोनका वो थो़रबु़डु़मा कु-रु़दु़म रङडु़। मेकोतिमा गु हेल्‍लो लोवो फिलिपनुङ लाम्‍दिथाल्‍ला। फिलिपका बु़डु़म यु़मखारीमिम नुङ हेल्‍लो वो मेल्‍वासु़वाम खारीमिम ल्‍वास्‍तु़मा ङाङाया दु़स्‍थाल्‍ला।

रेम्‍बेट्‌मिडिम ल्‍वा 13:12

मेरामका कोनोम हादीबाराकु खोमडा खोत्‍ले साखाम थो़ड्‌डु़ मा ङिमलु़पा पार सस्‍ताम कोनोम हादीबाराकु नङडा सुबु नुङ मेसिन्‍डा बाट्पा मु़चु़मिमलाई मेरामका सेव सान्‍बेड्‌डु़मी।

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 17:10

मेर्मिम ने येतले हपमिम वो सो़। मेरामडा ङोले हपमिम ने सिम्‍ल्‍याम्‍डिम बाइडा, कोले बु, मा कोङमी आथावो रोक्‍ताम मिबु, लावो गु रो लोवो किचो़ कोङङा गु बुमु बासी।

रेम्‍बेट्‌मिडिम ल्‍वा 17:11

कोबिलि बाट्‍पा मा ओम्‍लो मिबुमिम मे हादीबारा लेतनोम हप दु़म सो़, लावो मेराम येतलेमिमगोडाम कोले वो सो़, मा गु पुयु़लुमु खाप्‍सु़।

रेम्‍बेट्‌मिडिम ल्‍वा 17:13

मेर्मिम कोले नकाम बुमी मा मेर्मिमका उनी यु़म नुङ साखाम मे हादीबारालाई ग्‍वामी।

रेम्‍बेट्‌मिडिम ल्‍वा 17:17

हेङालोने माम्‍चु़नीकु सिजेम होम्‍साका मेरोक्‍थिथु़मसम्‍म मेर्मिम कोले नकाम दु़म्‍साका साखाम थो़पा उनी यु़म मे हादीबारालाई ग्‍वाक्‍साका माम्‍चु़नीकु न होङङा बोम्‍सोमु गुमीका मेर्मिमकु नडा ओराम ल्‍वा फिम्‍साम्‍डी।

रेम्‍बेट्‌मिडिम ल्‍वा 17:6

मे मेसेम माम्‍चु़नीकु मु़चु़मिमकु सिसि नुङ येशूडा थो़र बेम्‍डिमका सेट्‌मिडिम मु़चु़मिमकु सिसिका सेड्‍डु़म गो ल्वाउतो। मेराम मेसेमलाई ल्वाउतोमा गो छो़म ङाङाया दु़म्‍ङोडो।

रेम्‍बेट्‌मिडिम ल्‍वा 17:8

गाना ल्‍वान्‍नाम मे हादीबारा कोबिलि सामनुङमा बाइडा, लावो ओम्‍लो ने मिबु मा दिफु गु छु़ट मान्‍थिम घ्‍लु़म्‍पा पोलु़मलाम लुगे, मा उमा लागि र्‍वाक्‍मा होङङा पुयु़ ल। मेम्‍मा सुबुडाम मु़चु़मिम उहेममिमकु नङ सु़म्‍दिसेर प्रङ्‌सिमु ङादोङा त्‍वारो़मकु खाजेमडा र्‍यास्‍ताम मिबु मेर्मिमका मे हादीबारा ल्‍वामिमा ङाङाया दु़म्‍मी, हेङालोने मेराम कोबिलि बाइडा, ओम्‍लो ने मिबु मा दिफु रो।