रेम्‍बेट्‌मिडिम ल्‍वा 13:13 - थुलुङ राई

¹³ मेम्‍मा मेरामका डोक्‍पुतो नुङ ङाङाया दु़म्‍सीमिम छेखोपमिम रेम्‍बु़डु़। मु़चु़मिमकु ङादोडा पाह्रीलामका सुबुडा मुङा वो योबेड्‌डु।

रेम्‍बेट्‌मिडिम ल्‍वा 13:13 Iomraidhean Croise

मत्ती 16:1

कोलेम फरिसीमिम नुङ सदुकीमिम येशूकाडा रोम्‍डिमा उनी न छाम्‍मु लागि माम्‍चु़नीलाममिम हेल्‍लो वो मेल्‍वाम्‍मा छेखोप रेम्‍बेला सो़म्‍सिम्‍डी।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

मर्कूस 13:22

झाम माला माम्‍चु़नीलाम छेट्‍मामिमलाई ब्‍लो़म्‍मु ख्रीष्‍ट लिसिपामिम नुङ माम्‍चु़नीलाम जेपा लिसिपामिम लुमी मा यु़म-खारी रेम्‍बोमु माल्‍मी।

२ तिमोथी 3:8

माम्‍चु़नीलाम-जेपा मोशाकु कोर्थो़लाम यान्‍नेस नुङ याम्‍ब्रेस बक्‍चिम होम्‍साका ओर्मिम मु़चु़ वो आच्‍छाङाकाम ल्‍वाकु कोर्थो़लाम बमी। ओर्मिम मु़चु़कु न झिप्‍स्‍ताम बु, मा उनीमा थो़र आच्‍छाङाकाम मिबु।

रेम्‍बेट्‌मिडिम ल्‍वा 11:5

कोङनिमका ओर्चिपलाई दु़खा ग्‍वामु माल्‍लु़ माला ओर्चिपकु सिलामका मु लुमा मे उची स्‍वाक्‍चिमोमिमलाई छो़रो़प बु़मी। मेम्‍साकाङा ओर्चिपलाई दु़खा ग्‍वामु माल्‍पामिम ने खोत्‍ले सेन्‍ला सो़सिमी।

रेम्‍बेट्‌मिडिम ल्‍वा 16:14

मेर्मिम ने हेल्‍लो वो मेल्‍वाम्‍मा छेखोपमिम रेम्‍बेपा मुनाङमिमकु पेल सो़। खोत्‍ले सु़म्‍दिसेरडाम हपमिमकाडा मेर्मिम लमी मा खोत्‍लेडलाम यु़मनुङमा माम्‍चु़नीका डोक्‍पु निया बोमिमिम नेम क्‍वाल्‍बा बोमु लागि मे हपमिमलाई खोम्‍मी।

रेम्‍बेट्‌मिडिम ल्‍वा 19:20

लावो मसीहका मे हादीबारा नुङ माम्‍चु़नीलाम जेपा लिसिक्‍पालाई उनी ल्‍वाड्‌डा बेम्‍डी। मे माम्‍चु़नीलाम जेपा लिसिक्‍पाका हेल्‍लो वो मेल्‍वाम्‍मा छेखोपमिम मे हादीबाराकु ङादोडा रेम्‍बु़डु़म बाइडा। ओर्मिम छेखोपमिमलामकाङा मे हादीबाराकु छाप रपा नुङ उ ङाटा सेव साट्‌पामिमलाई ताङताहेरथो़ लडु़मिम बाइडा। ओर्चिप निफि उची सामनुङमाङा गन्‍धक वाक्‍तोङा बेपा छो़म डोक्‍पु मुकु भुल्‍मु गोयु़ गुमीका छाघ्रोम्‍डिची।

रेम्‍बेट्‌मिडिम ल्‍वा 20:9

सुबुडाम खोत्‍लेथो़ मेर्मिम फोन्‍सिम्‍डी मा माम्‍चु़नीकु मु़चु़मिमकु बाखोप नुङ गुमीका द्‌वामिमिम शहर उर्मिडी। लावो पाह्रीलामका मु योक्‍ता मा मेर्मिमलाई बुक्‍तु़रु़ ख्‍याक्‍तु़।