रेम्‍बेट्‌मिडिम ल्‍वा 13:1 - थुलुङ राई

¹ मेम्‍मा दिरिदिनलामका कोले हादीबारा लुक्‍ताम गो ल्‍वाउतो। मेरामकाम को धु़म रङमिम नुङ येतले बुइमिम बाइडा। मेरामकु रङमिमडला को धु़म मुकुटमिम बाइडा, मा मेरामकु खोत्‍ले बुइडला माम्‍चु़नीलाई डक्‍पा नङ बाइडा।

रेम्‍बेट्‌मिडिम ल्‍वा 13:1 Iomraidhean Croise

रेम्‍बेट्‌मिडिम ल्‍वा 11:7

माम्‍चु़नीका मेर्चिपलाई र्‍वाबेट्‌मिडिम ल्‍वा सो़मु डु़म्‍चिमा घ्‍लु़म्‍पा पोलु़मयु़म हादीबारा लु मा चोघ्रु़म्‍साका घ्‍ल्‍वासु़चिमा सेडु़ची।

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 13:11

मेकोतिमा सुबुलामका लुक्‍ताम कोङमी हादीबारा गो ल्‍वाउतो। भेन्‍दाचो़काम होप्‍माम मेरामकाम नले रङ बाइडा, लावो मेराम डोमिफु होङङा जेस्‍ता।

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 13:15

मेराम हादीबाराका कोनोम हादीबाराकु ङाटालाई साम फिक्‍साका जेमु यु़म ल्‍वास्‍तु़ मा मे ङाटा सेव सान्‍मु मेबिसिक्‍पामिम खोत्‍लेलाई सेन्‍बेड्‌डु़मी।

रेम्‍बेट्‌मिडिम ल्‍वा 15:2

मुनुङ ङोल्‍सिक्‍पा सिसाकु दिरिदिन होप्‍माम गो ल्वाउतो। हादीबारा नुङ उ ङाटाडला मा उ नङकु सेर्सीडला घ्‍ल्‍वापामिम मे दिरिदिनडा येम्‍तासिट्‌मिडी। माम्‍चु़नीका ग्‍वाम्‍डिम कामसोरमिम मेर्मिमका जेन्‍थाम्‍डी।

रेम्‍बेट्‌मिडिम ल्‍वा 16:13

मेम्‍मा बोरोमिम होङङा बेपा सुले मुनाङपेलमिम गो ल्वाउतो, मेर्मिम मे डोमिफुकु सिलामका, हादीबाराकु सिलामका मा माम्‍चु़नीलाम जेपालिसिक्‍पाकु सिलामका लुम्‍डिम बाइडा।

रेम्‍बेट्‌मिडिम ल्‍वा 17:16

गाना ल्‍वान्‍नाम मे को धु़म रङमिम नुङ हादीबाराका मे छो़लो़मालाई मेद्‌वामी। मेर्मिमका मेराम मेसेमकु खाप्‍चीमिम लम्‍सामी मा खालिन्‍ते बनेबोमी, मेर्मिमका मेरामकु सो़ पोमी, मा मुड्‌डा चाम्‍सोप्‍मी।

रेम्‍बेट्‌मिडिम ल्‍वा 17:3

मेकोतिमा माम्‍चु़नी-पेलका गो लु़न्‍सिल्‍याङ्‍डो, मा पाह्रीचो़का गोलाई कोङ र्‍याङगो-र्‍याङगोडा लङ्‌डी। मेसिन्‍डा गो कोङ झ्‍वाक्‍पा लालाम हादीबाराडला गन्‍तासिड्‌डाम कोले मेसेम ल्वाउतो। मेराम हादीबारा माम्‍चु़नीकु नङ डक्‍पा नङमिमनुङमा मा येतले बुइ नुङ को धु़म रङमिमनुङमा बाइडा।

रेम्‍बेट्‌मिडिम ल्‍वा 17:5

मेराम मेसेमकु कुप्‍पीडा ओराम नङ र्‍याक्‍मा बाइडा, मा ओराम नङकु दुथाम थेसिथेन्‍मु मेझापा बाइडा: “सुबुडाम छो़लो़मामिमकाम नुङ घ्राम्‍लु़पा खारी बेपामिमकु माम डोक्‍पु बेबिलोन।”

रेम्‍बेट्‌मिडिम ल्‍वा 19:19

मेम्‍मा मे बुबुयाम घोडाडला हुपा नुङ उनी सेनामिमडला क्‍वाल्‍बा बोमु मे हादीबारा नुङ सु़म्‍दिसेरडाम हपमिम मा मेर्मिमकु सेनामिम कोदेप खोम्‍सिम्‍डिम गो ल्वाउतो।