रेम्‍बेट्‌मिडिम ल्‍वा 12:7 - थुलुङ राई

⁷ मेकोतिमा पाह्रीला क्‍वाल्‍बा दु़स्‍ता। मिखाएल नुङ गुनुङ बाट्‌पा पाह्रीचो़मिमका मे डोमिफु नुङ मेरामकु सेनामिमनुङ क्‍वाल्‍बा बेम्‍डी।

रेम्‍बेट्‌मिडिम ल्‍वा 12:7 Iomraidhean Croise

मत्ती 13:41

मिनीचो़का उ पाह्रीचो़मिमलाई थु़र्सु़मी, मा छु़ल बेबेट्‌पामिम नुङ खोत्‍ले रु़चो़मिमलाई मेर्मिमका उ किब्‍दीलामका ख्‍लुम्‍सोमी।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।

मत्ती 26:53

ख्‍लो़ला सो़म्‍सिमुकाम लागि गो आमा पापनुङ र्‍वामु चापु, मा गुमीका को-न (१२) पल्‍टनडाम वो हापा पाह्रीचो़मिम थु़र्थामी र्‍वाक्‍पा हाम गाना मेचना?

२ कोरिन्‍थी 12:7

माम्‍चु़नीका गोलाई रेम्‍बेट्‌ङिडिमिम हेल्‍लो वो मेल्‍वाम्‍मा ल्‍वाका गो डोक्‍पु मेलिसिङुनु़ र्‍वाक्‍साका माम्‍चु़नीका आमा मिरो़मडा चु़ ग्‍वाङ्‌डिमी। ओराम शैतानकु सेलाचो़ बाइडा, ओरामका छो़म आमा थो़मतेर्सु़ मा गोलाई डोक्‍पु लिसिमु मेग्‍वाङी।

एफिसी 6:12

इकीमा क्‍वाल्‍बा मु़चु़मिमनुङ मेएँ, लावो धामुडा बाट्‍पा मुनाङ पेलमिमकु हपमिम, आथामबिलिम तुकुम्‍चिमगोडाम सु़म्‍दिसेरकु साखामचो़मिम, शैतानका थो़पा खोत्‍लेकु कोर्थो़लाम सो़।

२ थेसलोनिकी 1:7

मेम्‍मा यु़मनुङमा उनी पाह्रीचो़मिमनुङ ङाचो़ येशू रेम्‍बेम्‍सिमिलो गानी दु़खा ल्‍वापामिमकाम न-भ्रसी बेन्‍मी मा आकीमा वो न-भ्रसी बेन्‍मी।

हिब्रू 2:10

माम्‍चु़नीका खोत्‍लेम थोक बनेबेम्‍डी मा खोत्‍लेम थोक उनीमा यु़म झ्‍वाक्‍सीकाम लागि ङा बनेबेम्‍डी। गुमीका उनीमा यु़म झ्‍वाक्‍सी दो़मुकाम लागि हापा तारापाचो़ रेन्‍मु न बेम्‍डी। मेम्‍मिमका माम्‍चु़नीका उनीमा मुलु़ होम्‍साका खोत्‍लेलाई सेल्‍पा ङाचो़ ख्रीष्‍टलाई रेट्‌मिडी, उहेमका दु़खामिम इम्‍साका मु़चु़मिमलाई सेल्‍सिथो़ क्रियु़डिमी।

२ पत्रुस 2:4

पाह्रीचो़मिमका छु़ल बेम्‍डिलो वो माम्‍चु़नीका मेडिट्‌मिवा। गुमीका मेर्मिमलाई खादीगोयु़ घ्रोम्‍सोम्‍डी मा निया दु़म्मिम नेमसम्‍म लागि तुकुम्‍चिमडा जु़ल्‍थाप्‍मी।

यहूदा 1:9

डोक्‍पु पाह्रीचो़ मिखाएलका वो मोशाकु सिपा मिरो़मकु दुथाम शैताननुङ फइडालो गुलाई डक्‍साका जेत्तो मुमा बेन्‍मु मेचाप्‍साका आरे र्‍वाक्‍ताम बाइडा, “ङाचो़का गानालाई भुर्नामिनु़।”

रेम्‍बेट्‌मिडिम ल्‍वा 12:8

लावो मे डोमिफु सो़ड्‌डा मा पाह्रीला मेर्मिम बुमु मेल्‍वापा दु़म्‍मिडी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

रेम्‍बेट्‌मिडिम ल्‍वा 13:7

मेरामका माम्‍चु़नीकु मु़चु़मिमकु कोर्थो़लाम क्‍वाल्‍बा बोमु यु़म ल्‍वासाका मेर्मिमलाई घ्‍ल्‍वामु ल्‍वास्‍तु़। मेरामका खोत्‍ले दोचो़मिम, ल्‍वा जेपामिम, मु़चु़मिम नुङ नेब्‍दीडला साखाम थो़मु चो़म्‍डु़।

रेम्‍बेट्‌मिडिम ल्‍वा 20:2

गुका मे डोमिफु चु़म्‍डु़मा को धु़म सङ थसम्‍म बड्‌डु़। डोमिफु ने माकेम ब्‍लो लोवो मुनाङपेलकु हप लोवो शैतान सो़।