रेम्‍बेट्‌मिडिम ल्‍वा 12:3 - थुलुङ राई

³ मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 12:3 Iomraidhean Croise

रेम्‍बेट्‌मिडिम ल्‍वा 12:1

पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।

रेम्‍बेट्‌मिडिम ल्‍वा 12:13

मे डोमिफुका गु त्‍वाप सुबुडा डस्‍ताम चडु़ मा तारापाचो़ कक्‍पा मे मेसेमलाई खाड्‌डु़।

रेम्‍बेट्‌मिडिम ल्‍वा 12:17

मेम्‍मा डोमिफु मे मेसेमडाम उ छोक्‍चोका इप्‍ल्‍याड्‌डु़। मेम्मिमका माम्‍चु़नीका र्‍वामिमिम होङङा खारी बेपामिम मा येशूका थेसिथेन्‍बेट्‌मिडिम सीसि होङङा दोपामिमकु कोर्थो़लाम क्‍वाल्‍बा बेप्‍डा मे मेसेमकु वाङमिम उ चो़मिमकाडा लस्‍ता।

रेम्‍बेट्‌मिडिम ल्‍वा 12:4

उ मेरका धामुलाम सु फ्‍वाकु को फ्‍वा सोरलुङमिम बोखोप्‍डु़मा मेर्मिमलाई सुबुडा छाघ्रोक्‍तु़। मे मेसेमकु चो़ ग मेडे क्‍लिडोमु लागि चो़च्‍चो़ कमु खापा मे मेसेमकु ङादोडा मे डोमिफु बक्‍ता।

रेम्‍बेट्‌मिडिम ल्‍वा 12:7

मेकोतिमा पाह्रीला क्‍वाल्‍बा दु़स्‍ता। मिखाएल नुङ गुनुङ बाट्‌पा पाह्रीचो़मिमका मे डोमिफु नुङ मेरामकु सेनामिमनुङ क्‍वाल्‍बा बेम्‍डी।

रेम्‍बेट्‌मिडिम ल्‍वा 12:9

मिखाएल नुङ गुनुङ बाट्‌पा पाह्रीचो़मिमका मे डोमिफु धाली छाघ्रोम्‍सोम्‍डी। मेराम ने माके आथाममिम ब्‍लो, सु़म्‍दिसेर खोत्‍लेलाई ताङताहेरथो़ लक्‍पा मुनाङमिमकु ङाउ, शैतान सो़। गुलाई सुबुडा घ्रोम्‍सोम्‍डी मा गुनुङ बाट्‌पा सेनामिम वो गुनुङङा घ्रोम्‍सोम्‍डी।

रेम्‍बेट्‌मिडिम ल्‍वा 13:1

मेम्‍मा दिरिदिनलामका कोले हादीबारा लुक्‍ताम गो ल्‍वाउतो। मेरामकाम को धु़म रङमिम नुङ येतले बुइमिम बाइडा। मेरामकु रङमिमडला को धु़म मुकुटमिम बाइडा, मा मेरामकु खोत्‍ले बुइडला माम्‍चु़नीलाई डक्‍पा नङ बाइडा।

रेम्‍बेट्‌मिडिम ल्‍वा 13:2

गो आ मिक्‍सीका ल्‍वाउतोम मे हादीबारा रेचेरे होङङा बेपा बाइडा, लावो उ खेल होमुकाम होप्‍माम बाइडा, मा उ सि धेन्‍द्राकाम होप्‍माम बाइडा। मे डोमिफुका उ यु़म, हप होङका उ गन्‍खोप नुङ डोक्‍पु साखाम मे हादीबारालाई ग्‍वाक्‍तु़।

रेम्‍बेट्‌मिडिम ल्‍वा 13:4

मु़चु़मिमका मे डोमिफु सेव साट्‌मिडी, हेङालोने मेरामका हादीबारालाई साखाम ग्‍वाक्‍तु़म बाइडा। मेर्मिमका मे हादीबारालाई वो सेव साट्‌मिडी मा र्‍वाम्‍डी, “ओ हादीबारा होप्‍माम सु़ बु, मा ओरामनुङ सु़का क्‍वाल्‍बा बोमु चाप्‍सु़?”

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 16:13

मेम्‍मा बोरोमिम होङङा बेपा सुले मुनाङपेलमिम गो ल्वाउतो, मेर्मिम मे डोमिफुकु सिलामका, हादीबाराकु सिलामका मा माम्‍चु़नीलाम जेपालिसिक्‍पाकु सिलामका लुम्‍डिम बाइडा।

रेम्‍बेट्‌मिडिम ल्‍वा 17:12

“गाना ल्‍वान्‍नामिम मे को धु़म रङमिम ने को धु़म हपमिम सो़, मेर्मिमका आथावो साखाम थो़मु चो़म्‍मिडिम मिबु। लावो मेर्मिमका कति धु़पा थारीकाम लागि मे हादीबारानुङमा साखाम थो़पा यु़म ल्‍वामी।

रेम्‍बेट्‌मिडिम ल्‍वा 17:16

गाना ल्‍वान्‍नाम मे को धु़म रङमिम नुङ हादीबाराका मे छो़लो़मालाई मेद्‌वामी। मेर्मिमका मेराम मेसेमकु खाप्‍चीमिम लम्‍सामी मा खालिन्‍ते बनेबोमी, मेर्मिमका मेरामकु सो़ पोमी, मा मुड्‌डा चाम्‍सोप्‍मी।

रेम्‍बेट्‌मिडिम ल्‍वा 17:7

मेम्‍मा पाह्रीचो़का गोलाई आरे बेङ्‌डी, “गाना हेङा ङाङाया दु़म्‍नामिम? मे मेसेम नुङ गु हुपा येतले बुइमिम नुङ को धु़म रङमिमनुङमा मे हादीबाराकु दुथाम थक्‍मा ल्‍वा गो गानानुङ सो़उ।

रेम्‍बेट्‌मिडिम ल्‍वा 19:12

उनीमा मिक्‍सी मुकु भुल्‍मु होप्‍माम बाइडा मा उनीमा बुइडला सेर्पा मुकुटमिम बाम्‍डी। गुमीडा कोले नङ र्‍याक्‍मा बाइडा, मेराम गुमी उनी त्‍वापडाम वाङमिम सु़का वो मेच।

रेम्‍बेट्‌मिडिम ल्‍वा 20:2

गुका मे डोमिफु चु़म्‍डु़मा को धु़म सङ थसम्‍म बड्‌डु़। डोमिफु ने माकेम ब्‍लो लोवो मुनाङपेलकु हप लोवो शैतान सो़।