रेम्बेट्मिडिम ल्वा 12:11 - थुलुङ राई11 भेन्दाचो़कु सिसिका नुङ मेर्मिमका सो़म्डिम सिजेमका मेराम मुनाङडला घ्ल्वाम्डिम बु। मेर्मिम सिमुङा बासिक्पा लोवो सिमु मेङिपा बाम्डी। Faic an caibideil |
रेम्बेट्मिडिम ल्वा 12:11
33 Iomraidhean Croise
गानी खोत्लेकु वा गो यूहन्ना। येशूडा गुइ बुइमिमका गानी होङङा दु़खामिम गो वो इम्तोङा बेउ। उनीमा रोक्पा किब्दी गानी लन्थानिमिम होङङा गो वो लथाक्पु मा थो़मतेर्सी लोवो इम्तोङा लेट्पु। माम्चु़नीकु सिजेम नुङ येशूका थेसिथेन्बेट्ङिडिमिम सीसिकु दुथाम सो़उतोमका पत्मोस र्वाक्मा टापुडा गो चसिङडोम बाङडो।
मेम्मा गो गुलाई सेव सान्मु उ खेलयु़ कुम्सिङडो। लावो गुका गोनुङ र्वाक्ता, “आरे मेबे। गो ने गाना होङङा माम्चु़नीकु खारी बेपा मा येशूका थेसिथेन्बेट्मिडिम आच्छाङाकाम सीसि होङङा लाम्दिपा थो़र लु़पा इमा वा-ल्वाकमिम होप्माम सो़। माम्चु़नीलाई कोङङा सेव साट्नी। हेङालोने येशूका थेसिथेन्बेट्डिम आच्छाङाकाम सिजेमका माम्चु़नीलाम जेपामिमलाई सो़बेट्मिडी।”
गानी बान्ते बुनी गो चक्पु, शैतानका साखाम थो़डु़मिम खोमडा गानी बुनी। मेम्मा वो गानी गोडला थो़रलु़इमिम बुनी। एन्टिपासडला हाम दु़स्ता र्वाक्पा वो गो चक्पु। गु आमा दुथाममिम ल्वा मु़चु़मिमलाई थो़बेन्मुडा थो़रलु़इमिम बाइडा। शैतानकु मेराम शहरडा गुलाई सेट्मिडी लोवो गोडला बेन्निम इनीमा थो़रलामका गानी मेख्लोन्सिट्निवा।
मेम्मा निया बोमु साखाम ग्वाक्मा मु़चु़मिम साखाम थो़पा गन्खोपमिमडा गन्तासिट्पा गो ल्वाउतोमी। मेम्मा येशूका थेसिथेन्बेट्मिडिम सीसि नुङ माम्चु़नीकु सिजेम जेम्डिमका उनी बुइ क्रिप्साका सेट्मिडिम मेर्मिमकु पेल वो गो ल्वाउतो। मेर्मिमका मे हादीबारा ना उ ङाटा हाम वो सेव साट्मिडिम मेबायावा, मा उनी कुप्पीडा ना ल्वाड्डा मेरामकु छाप मेरमिवाम बाइडा। मेर्मिम नु़मबम्डी मा ख्रीष्टनुङ को धु़म सङ थ साखाम थो़ट्मिडी।
Sanasan