रेम्‍बेट्‌मिडिम ल्‍वा 12:10 - थुलुङ राई

¹⁰ मेम्‍मा कोङ डोक्‍पु लो़लामका पाह्रीला आरे र्‍वाक्‍ताम गो थो़उतो, “आथा ने इकीमा माम्‍चु़नीका मु़चु़मिम सेल्‍मी, गुमीका उनीमा यु़म मोमी, मा हपका होङङा साखाम थो़मी, मा उनीमा ख्रीष्‍टकु साखाम रोक्‍ताम बु। इकीमा वा-ल्‍वाकमिमकु बुइडला मेजो़पा ल्‍वा उट्‌पा, मेरामका इकीमा माम्‍चु़नीकु ङादोडा नेम्‍फु सिन्‍था मेर्मिमकु बुइडला मेजो़पा ल्‍वा उडु़, मेराम डस्‍ताम बु।

रेम्‍बेट्‌मिडिम ल्‍वा 12:10 Iomraidhean Croise

मत्ती 26:64

येशूका मेरामलाई तुम्‍डी, “अँ, गानी र्‍वाक्‍निम होमङा सो़। लावो गो गानी खोत्‍लेलाई र्‍वाङु, दिफु मिनीचो़लाई खोत्‍लेडाम घ्‍ल्‍वापा माम्‍चु़नीकु जो़पलाम गन्‍पा, मा धामुलाम खासेडलामका योक्‍तोङा बेपा गानी ल्‍वानी।”

मत्ती 28:18

येशू मेर्मिमकाडा रोम्‍डिमा र्‍वाम्‍डी, “सुबु नुङ पाह्रीडला खोत्‍ले साखाम माम्‍चु़नीका गोलाई ग्‍वाङ्‌डिमिम बु।

मत्ती 6:10

इनीमा किब्‍दी रोनु़, इनीमा न पाह्रीला हेप्माम बु, मेम्‍साकाङा ओराम सुबुडा वो रोथिनु़।

लूका 11:2

गुमीका मेर्मिमलाई र्‍वाम्‍डी, “गानी आरे र्‍वाक्‍साका सो़म्‍दी बेनी: ‘ए पाह्रीला बाट्पा आकीमा पाप, इनीमा सेपा नङ कोसिनु़, इनीमा किब्दी रोनु़,

लूका 22:31

मेकोतिमा येशूका र्‍वाम्‍डी, “सिमोन, ए सिमोन थो़सा, खारीचो़मिमका उनी जेप्‍सेर स्‍यामिमिम होम्‍साकाङा शैतानका गानीलाई स्‍यामु लागि माम्‍चु़नीनुङ र्‍वाक्‍ताम बु।

१ कोरिन्थी 5:4

गानी इकी ङाचो़ येशूकु नङडा खोम्‍सिनिलो आमा न नुङ ङाचो़कु यु़म गानीगोडा दु़म्‍लो,

२ कोरिन्‍थी 12:9

लावो गुमीका गोलाई र्‍वाम्‍डी, “इमा लागि आमा दिदाम हापा बु। इमा मेचाप्‍सीडा आमा यु़मका खारी बु़।” मेम्‍मिमका ख्रीष्‍टकु यु़म गोडला दु़म्‍नु़ र्‍वाक्‍साका आमा मेचाप्‍सीडा गो छो़म गेर्सी द्‍वाक्‍तो आमा धक्‍ची डोक्‍पु बेउ।

तीतस 2:3

मेम्‍साकाङा ङामी मेसेममिमका वो उनी थो़रलु़सीलाई घ्रेट्‌पा सेपा बासी-दोसी बोमु सीडामी। वाङमिमलाई डक्‍साका जेपा, मा छो़म डु़ डुपा मेदु़म्‍मिनु़। मेम मेबेसाका मेर्मिमका वाङमिमलाई जो़पा ल्‍वा सीमिनु़।

१ पत्रुस 5:8

इनी त्‍वापलाई जो़होमका जु़ल्‍नी, मा चङचङया बानी। इनी स्‍वाक्‍चिमो शैतानका सु़लाई डारुमा क्‍लिडोक्‍पु र्‍वाक्‍साका क्रुक्‍बाल्‍पा धेन्‍द्रा होङङा लाम्‍दिबाल।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रेम्‍बेट्‌मिडिम ल्‍वा 2:26

मेजो़पाडला सु़ घ्‍ल्‍वा, मा गो बेबेत्तोम खारी उ हुक्‍पाथारीसम्‍म थो़रलु़इमिम दु़म्‍साका बु़होम बु, मेराम मु़चु़लाई हापा दोचो़डाम मु़चु़मिमडला साखाम थो़मु ग्‍वाक्‍पु।

रेम्‍बेट्‌मिडिम ल्‍वा 7:10

मेर्मिमका डोक्‍पु लो़लामका आरे र्‍वाम्‍डिमा येम्‍डी: “हप गन्‍खोपडा गन्‍पा माम्‍चु़नी नुङ भेन्‍दाचो़का सेल्‍सामी।”