रेम्‍बेट्‌मिडिम ल्‍वा 12:1 - थुलुङ राई

¹ पाह्रीला कोङ डोक्‍पु नुङ हेल्‍लो वो मेल्‍वाम्‍मा छेखोप दो़स्‍ता, मेराम कोङ मेसेमका नेम्‍सुङ फतासिट्‌पा बाइडा। उ खेल गोयु़ ख्‍लो़मु बाइडा मा को-न सोरलुङमिमकु मुकुट उ बुइडला खुतासिड्‌डा।

रेम्‍बेट्‌मिडिम ल्‍वा 12:1 Iomraidhean Croise

मत्ती 12:38

मेकोतिमा यहूदीमिमकु डु़म्‍ला सीपा पातु़म्‍रीमिम नुङ फरिसीमिम कोले-नले येशूकाडा रोम्‍डिमा र्‍वाम्‍डी, “माम्‍चु़नीलाम गानी यु़म ल्‍वान्‍निम र्‍वाक्‍पा गुकुनुङ रेम्‍बोमु हेल्‍लो वो मेल्‍वाम्‍मा छेखोप रेम्‍बेनी।”

मत्ती 24:30

“मेकोतिमा मिनीचो़ योक्‍तोङा बेपा छेखोप धामुला रेम्‍बेसी, मा खोत्‍ले मु़चु़मिम ख्राम्‍मी-दुमी। मेम्‍मा धामुलाम खासेडलामका यु़म नुङ यु़म-झ्‍वाक्‍सीडा मिनीचो़ योक्‍तोङा बेपा मेर्मिमका ल्‍वामी।

मर्कूस 13:25

सोरलुङमिम धामुलामका आल्‍मी, मा धामुला बाट्‌पा यु़ममिम रुमी।

लूका 21:11

छो़म डोक्‍पु सुबुरुक्‍सीमिम लमी। बान्‍ते मेनो मा-के हु, मा लामासाम रो। धामुलामका छो़म ङिमलु़पा ल्‍वा नुङ यु़मखारी दु़म।

लूका 21:25

“ख्‍लो़मु, नेम्‍सुङ मा सोरलुङमिमगोडा हेल्‍लो वो मेल्‍वाम्‍मा छेखोपमिम दो़। मेम्‍मा दिरिदिनडाम कुकु बाबारिम नुङ ब्‍लोजु़का सुबुडाम खोत्‍ले मु़चु़मिम ङिमी मा मिम्‍ताम-सो़र्ताम बोमी।

यूहन्‍ना 3:29

लारेमा लारेपाकामङा सो़। लारेपाकु फार्डा उ ङोप्‍सो़ येम्‍सी, मा उमा ल्‍वा थो़साका छो़म भ्रसिद्‌वा। मेम्‍माङा गो छो़म भ्रसिक्‍पा बुङु।

थु़र्मा 2:19

गो उगेले धामुडा यु़मखारीमिम रेम्‍बेउ, उधाली सुबुडा सिसि, मु नुङ मुसिक्‍पा कुयु़कुमिमकु छेखोपमिम रेम्‍बेउ।

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

२ कोरिन्‍थी 11:2

माम्‍चु़नीका इनीमा दुथाम हेल्‍लो लोवो मिम्‍ताम-सो़र्ताम बेन्‍निममिम होम्‍साका गो वो इनीमा दुथाम मिम्‍ताम-सो़र्ताम बेउ। सेपा लारेमा होप्‍माम गानीलाई कोलेङा लारेपा ख्रीष्‍टनुङ लालीकुन्‍दा बोन्‍सानिनी र्‍वाक्‍साका गो याचे जेङडोम बु।

गलाती 3:27

हेङालोने गानी खोत्‍ले येशू ख्रीष्‍टडा थो़रलु़साका कु-रु़दु़म रन्‍निमका गानी लाले ये-सेमका ब्‍ल्‍वासिट्‌निम होप्‍माम ख्रीष्‍टडा लाले बासी दोसीनुङमा दु़म्‍निम बु।

गलाती 4:26

लावो कोङमी मेसेम सारा ने पाह्रीलाम यरुशलेमनुङ थो़म्‍मु झाम। गु ने डु़ल्‍चो़मे ने मेएँ, गु ने इकीमा माम सो़।

गलाती 6:14

लावो गो ने वाङमिम ल्‍वाडा मेएँ, येशू ख्रीष्‍टकु क्रूसडा कोङङा आमा नो़ डोक्‍पु बेउ। उनीमा क्रूसलामङा आमा लागि सु़म्‍दिसेर सिडाम बु, मा सु़म्‍दिसेरकाम लागि गो सिङ्‌डोम बु।

एफिसी 5:32

ओराम ने सु़का वो थेसिथेन्‍मु मेचापा ल्‍वा बाइडा, लावो मेराम ने ख्रीष्‍ट नुङ थो़रलु़पामिमकु दुथाम ल्वा सो़।

रेम्‍बेट्‌मिडिम ल्‍वा 1:20

गाना आमा जो़प ल्‍वालाम ल्‍वान्‍नाम येतले सोरलुङ नुङ येतले सो़नाकु धिप्‍री चाखोपमिमकु दुथाम थक्‍मा ल्‍वा ओरामङा सो़: येतले सोरलुङमिम ने येतले मण्‍डलीकु पाह्रीचो़मिम, मा येतले धिप्‍री चाखोपमिम ने येतले मण्‍डलीमिम सो़।”

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 12:3

मेकोतिमा पाह्रीला कोङमी छेखोप दो़स्‍ता, मेराम ने येतले बुइ नुङ को धु़म रङनुङमा कोले डोक्‍पु लालाम डोमिफु बाइडा। मेरामका येतले उ बुइडला येतले मुकुट खुतासिड्‌डा।

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 21:14

मे शहरकु ब्रोलुङकाम को-न उनी फारमिमकाम लुङ बाइडा। मेरामडला भेन्‍दाचो़कु को-न थु़र्मामिमकु नङ र्‍याक्‍मा बाइडा।

रेम्‍बेट्‌मिडिम ल्‍वा 21:23

मे शहर छ्‌याङ-छ्‌याङया बोमु नेम्‍सुङ, ख्‍लो़मु मेबासी, हेङालोने माम्‍चु़नीकु यु़म-झ्‍वाक्‍सीकाङा छ्‌याङ-छ्‌याङया बु़, मा मेसिन्‍डाम धिप्‍री ने भेन्‍दाचो़ सो़।