रेम्‍बेट्‌मिडिम ल्‍वा 11:8 - थुलुङ राई

⁸ मेर्चिपकु सिपा मिरो़म मु़चु़मिमका उनी ङाचो़ येशूलाई क्रूसडा चेट्‌मिडिम डोक्‍पु शहरडाम डोक्‍पु लाम्‍दीबाडे चार्जो़ल्‍मिमिम दु़म। मेराम शहरकाम रेम्‍बेपा छेखोप सदोम नुङ मिश्र र्‍वामी।

रेम्‍बेट्‌मिडिम ल्‍वा 11:8 Iomraidhean Croise

मत्ती 10:15

आच्‍छाङा गो गानीलाई र्‍वाङु, माम्‍चु़नीका निया बोमिमिमनेम सदोम नुङ गमोरा शहरडाम छु़ल बेपा मु़चु़मिमका ल्‍वापाडाम वो इम्‍मु मेझापा देन्‍दे मेराम शहरडाम मु़चु़मिमका ल्‍वामी।

थु़र्मा 9:4

गु क्‍वायु़ झार्स्‍ता, मा आरे र्‍वाक्‍पा लो़लाम थो़स्‍तु़, “शाऊल, शाऊल, गाना हेङा आमा थो़मतेर्नामिम?”

हिब्रू 13:12

मेम्‍मिमका येशू ख्रीष्‍टका वो उनीमा त्‍वाकु सिसिका मु़चु़मिमलाई सेपा दु़म्‍बेन्‍मु लागि शहरडाम पाखाडा लम्‍डिमा सिम्‍डी।

हिब्रू 6:6

मु़चु़ दु़म्‍साका वो माम्‍चु़नीलाई डिसाका लक्‍पामिमलाई आथावो छु़ललामका ख्‍लोक्‍साका माम्‍चु़नीडा रेन्‍मु मेझाम। हेङालोने आरेप्‍माम मु़चु़मिमका ने माम्‍चु़नीकु तारापाचो़लाई आथावो क्रूसडा चेन्‍मी मा खोत्‍ले मु़चु़मिमकु ङादोडा उनीमा नो़-कल पार्सामी।

२ पत्रुस 2:6

गुमीका सदोम नुङ गमोरा शहरलाई देन्‍दे ग्‍वाक्‍साका बुलु़ वाबेट्‌मिडी मा फोका बनेम्‍डी। मेम्‍मा माम्‍चु़नीकु लाम्‍दीडा मेलाम्दिपा मु़चु़ हे दु़म र्‍वाक्‍पा मेराम रेम्‍बेम्‍डी।

यहूदा 1:7

हेसाका सदोम शहर, गमोरा शहर नुङ मेर्चिपकु होनो-आथो़म शहरडाम मु़चु़मिमका मेघ्रेट्‌पा बेसाका वाङमिमनुङ अम्‍पा छो़म न बेम्‍डी। हेल्‍लो वो मेसिपा मुड्‌डा मेर्मिमका छो़म देन्‍दे ल्‍वासाका रेम्‍बेम्‍डिम बु।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 11:9

मेर्चिपकु सिपा रो़म ने नेब्‍दीमिम, दोचो़मिम, खोत्‍ले ल्‍वा जेपा मु़चु़मिम नुङ सामाडाम मु़चु़मिम खोत्‍लेका सुलेम नुङ को नेम्‍फुसम्‍म रेम्‍मी, मा मेर्चिपलाई क्‍लु़म्‍मु मेबिम्‍सिमी।

रेम्‍बेट्‌मिडिम ल्‍वा 14:20

शहरकु पाखालाम अङ्‍गूर देम्‍साका खाल्‍पा खोमडा मे अङ्‍गूरमिम खाल्‍सिम्‍डी, मा मे अङ्‍गूर खाल्‍पा खोमलामका सिसि हास्‍तामा लुक्‍ता। मे सिसि घोडाकु लगाम घ्‍लु़म्‍पा मा सु सङ किलोमिटर कोकोनोसम्‍म रोक्‍थिड्‌डाम बाइडा।

रेम्‍बेट्‌मिडिम ल्‍वा 14:8

मेम्‍मा ङादोम पाह्रीचो़कु चङडा ननोम पाह्रीचो़ रोक्‍ता मा र्‍वाक्‍ता, “झार्स्‍ताम बु! झार्स्‍ताम बु! डोक्‍पु बेबिलोन शहर झार्स्‍ताम बु। मेरामका सु़म्‍दिसेरडाम मु़चु़मिमलाई अङ्‍गूरकु बिलामका सेन्‍बेड्‍डु़मिम होङङा नाम्‍सु़रु़ बेसीका सेन्‍बेड्‍डु़मिम बु।”

रेम्‍बेट्‌मिडिम ल्‍वा 16:19

मेकोतिमा मेराम डोक्‍पु शहर बेबिलोन सु फ्‍वाक्‍चो़ल दु़स्‍तामा बिडा, मा नेब्‍दीमिमकु शहर स्‍याकारिस्‍ता। माम्‍चु़नीका डोक्‍पु बेबिलोन मिम्‍मिडी, मा उनीमा छो़म छोक्‍चोकु कान्‍चु़रेडा अङ्‍गूरकु बिलामका देम्‍बेट्‌मिडिमा मेराम शहरलाई थो़ट्‌मिडी।

रेम्‍बेट्‌मिडिम ल्‍वा 17:1

येतले कान्‍चु़रे अपा पाह्रीचो़मिमगोडाम कोले आमाडा योक्‍तामा र्‍वाक्‍ता, “बिका, हापा ब्‍लोकुमिम फार्डा गन्‍तासिट्‌पा नङ धोपा छो़लो़मा मेसेमडला रोमुखापा देन्‍दे गो रेम्‍बेनी।

रेम्‍बेट्‌मिडिम ल्‍वा 17:18

गाना ल्‍वान्‍नाम मे मेसेम ने सुबुडाम हपमिमडला साखाम थो़पा डोक्‍पु शहर सो़।”

रेम्‍बेट्‌मिडिम ल्‍वा 17:5

मेराम मेसेमकु कुप्‍पीडा ओराम नङ र्‍याक्‍मा बाइडा, मा ओराम नङकु दुथाम थेसिथेन्‍मु मेझापा बाइडा: “सुबुडाम छो़लो़मामिमकाम नुङ घ्राम्‍लु़पा खारी बेपामिमकु माम डोक्‍पु बेबिलोन।”

रेम्‍बेट्‌मिडिम ल्‍वा 18:10

मेराम शहरकु दु़खाका मेर्मिम ङिमिमा होनोवा येम्‍सिप्‍मिमा आरे र्‍वाक्‍तो येमी: “डोक्‍पु शहर गाना बेबिलोन, यु़मनुङमा शहर, गाना ने हाउरेमा, हाउरेमा! घरिकोङकाङा गाना पुयु़लुक्‍पा थारी रोक्‍ल्‍याड्‌डा।”

रेम्‍बेट्‌मिडिम ल्‍वा 18:18

मे शहर घ्रु़पालाम लुक्‍पा कुइकु मेर्मिमका ल्‍वामी मा आरे र्‍वाक्‍तो येमी, “ओराम डोक्‍पु शहर होप्‍माम वाङमिम बाम शहर बाइडा?”

रेम्‍बेट्‌मिडिम ल्‍वा 18:2

गुका साखामनुङमा लो़लामका आरे र्‍वाक्‍तामा येस्‍ता: “झार्स्‍ता, झार्स्‍ता, डोक्‍पु शहर बेबिलोन! मुनाङमिमकु नेम मेराम दु़स्‍ताम बु, मेसेपा खोत्ले पेलमिम, मेसेपा खोत्ले मुनाङमिमकु बाखोप, घ्रामलु़पा खोत्ले चक्‍पुकु बाखोप दु़स्‍ताम बु।

रेम्‍बेट्‌मिडिम ल्‍वा 18:21

मेकोतिमा यु़मनुङमा कोले पाह्रीचो़का कोले डोक्‍पु खुरुक होङङा बेपा कोले लुङ कोस्‍तु़मा दिरिदिनगोयु़ घ्रोक्‍तु़मा र्‍वाक्‍ता: “मे डोक्‍पु शहर बेबिलोन आरेसाकाङा छो़म सातिका घ्रोसी मा मेराम हेल्‍लो वो मेडार्सी।

रेम्‍बेट्‌मिडिम ल्‍वा 18:24

माम्‍चु़नीलाम जेपामिम सेट्‌मिडिम, माम्‍चु़नीकु मु़चु़मिम सेट्‌मिडिम नुङ सु़म्‍दिसेरडा सेट्‌मिडिम खोत्‍ले मु़चु़मिमकु दुथाममिम मेजो़पा ल्‍वा ओरामकु बुइडला उट्‌मा बाइडा।”