रेम्‍बेट्‌मिडिम ल्‍वा 11:18 - थुलुङ राई

¹⁸ थो़र मेलु़पा मु़चु़मिमकाम उनी छोक्‍चो बक्‍ता, मा गानी छोक्‍चो बेपा थारी रोक्‍ता। सिपा मु़चु़मिमकु निया बेपा थारी रोक्‍ताम बु। गानीलाम जेपामा इनीमा लाले-पाङके बेपामिमलाई, इनीमा सेपा मु़चु़मिमलाई, इनीमा नङ डोक्‍पु बेपामिम याक्‍के लोवो डोक्‍पु लोवो खोत्‍लेलाई पुरस्‍कार ग्‍वाक्‍पा थारी रोक्‍ताम बु। लावो सुबु पुयु़लुबेट्‌पालाई ने पुयु़लुबेट्‌पा थारी रोक्‍ताम बु।”

रेम्‍बेट्‌मिडिम ल्‍वा 11:18 Iomraidhean Croise

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

लूका 1:50

उनीमा ङिमजु़ल्‍पामिमडला गुमीका हेल्‍लो लोवो न-थो़म चो़-चु़सु़लामका योयो-पेपेसम्म रेम्‍बोमी।

हिब्रू 9:27

खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।

रेम्‍बेट्‌मिडिम ल्‍वा 10:7

लावो येतनोम पाह्रीचो़का उ भुम डु़पा थारी रो, मा माम्‍चु़नीलाम जेपा उनीमा डु़ल्‍चो़नुङ त्‍वाकाङा सो़म्‍डिम मेल्‍वाम्‍मा ल्‍वा रोथी।”

रेम्‍बेट्‌मिडिम ल्‍वा 11:2

लावो सो़रनेमकु पाखालाममिम देलफु ने डिडा, मेराम मेथो़प्‍डा, हेङालोने मेराम वाङसामामिमलाई ग्‍वाक्‍मा बु। मेर्मिमका ब्‍ल-न मुनामसम्‍म मे सेपा शहर देम्‍मी।

रेम्‍बेट्‌मिडिम ल्‍वा 13:10

चला सो़म्‍सिमुङा बासिट्‌पा मु़चु़ चला सो़सी। कातु़रु़का सेन्‍सिमु बासिट्‌पा मु़चु़ कातु़रु़का सेन्‍ला सो़सी। मेम्‍मिमका माम्‍चु़नीकु सेपा मु़चु़मिमका उनी थो़मतेर्सीडा हाम वो मेर्‍वाक्‍साका इम्‍मु बासी मा थो़रलु़इमिम दु़म्‍मुम बुमु बासी।

रेम्‍बेट्‌मिडिम ल्‍वा 13:16

मेरामका डोक्‍पु नुङ याक्‍के, खाप्‍चीचो़ नुङ खाप्‍ची मान्‍थिम, डु़ल्‍चो़ नुङ वाङ दु़म्‍पा मु़चु़लाई मेर्मिमकु जो़पल्‍वाडा लोवो कुप्‍पीडा लोवो छाप रबेड्‍डु़मी,

रेम्‍बेट्‌मिडिम ल्‍वा 14:10

मेरामका माम्‍चु़नीकु ङिमलु़पा छोक्‍चोकाम अङ्‍गूरकु बिलाम डुमु बासी। माम्‍चु़नीकु छोक्‍चोकु कान्‍चु़रेडाम मेराम अङ्‍गूरकु बिलाम अमी। मेराम मु़चु़का सेपा पाह्रीचो़मिम नुङ भेन्‍दाचो़कु ङादोडा वाक्‍पा गन्‍धकका उ थो़म्‍बोक पिपा कोतिम दु़खा ल्‍वासु़।

रेम्‍बेट्‌मिडिम ल्‍वा 15:1

मेम्‍मा गो पाह्रीला कोङमी डोक्‍पु नुङ हेल्‍लो वो मेल्‍वाम्‍मा ओराम छेखोप ल्वाउतो। येतले पाह्रीचो़मिमका येतले दु़खा थारीमिम रेट्‌मिडिम बाइडा। मेर्मिम ने चक्‍थो़म दु़खामिम बाइडा, हेङालोने ओर्मिम दु़खामिम हुमिम चङडा माम्‍चु़नीका छोक्‍चो बोमु डिन्‍मी।

रेम्‍बेट्‌मिडिम ल्‍वा 15:7

मेम्‍मा ब्‍लले सामनुङमामिमगोडाम कोलेका हेल्‍लो लोवो बाट्‌पाम बाट्‌पा माम्‍चु़नीकु छोक्‍चोका देम्‍पा सो़नाकु येतले कान्‍चु़रेमिम मे येतले पाह्रीचो़मिमलाई ग्‍वाक्‍तु़मी।

रेम्‍बेट्‌मिडिम ल्‍वा 18:6

वाङमिमलाई मेरामका बु़डु़मिम होङङा मेरामलाई बेनी, मेरामका बु़डु़म मेजो़पा खारीकाम लागि नक गुणा हापा देन्‍दे ग्‍वाक्‍नी। मेरामका वाङमिमकाम लागि बनेबु़डु़म डु़-ग्‍वालडाम नक गुणा हापा डुमु मेझापा डु़-ग्‍वाल ग्‍वाक्‍नी।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

रेम्‍बेट्‌मिडिम ल्‍वा 19:18

मा हपमिमकाम, सिपाहीमिम नुङ मेर्मिमकु डोक्‍पुमिमकाम, घोडामिम नुङ मेडला हुपामिमकाम रो़मसो़ मा डु़ल्‍चो़ नुङ मेडु़ल्‍चो़काम, याक्‍के नुङ डोक्‍पु खोत्‍लेकाम रो़मसो़ पोमु ल्‍वानी।”

रेम्‍बेट्‌मिडिम ल्‍वा 19:5

मेकोतिमा साखाम थो़पा गन्‍खोपलामका कोले लो़लामका आरे र्‍वाक्‍ताम बाइडा: “इकीमा माम्‍चु़नीकु नङ कोक्‍नी, उनीमा खोत्‍ले डु़ल्‍चो़नी, उनीमा ङिम जु़ल्‍पा डोक्‍पु याक्‍केनी।”

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।