रेम्‍बेट्‌मिडिम ल्‍वा 11:13 - थुलुङ राई

¹³ मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

रेम्‍बेट्‌मिडिम ल्‍वा 11:13 Iomraidhean Croise

यूहन्‍ना 9:24

यहूदीमिमका मेरामलाई नकखेप्‍मिमडा येट्‌मिडिमा हिलाबेम्‍डी, “गाना आच्‍छाङा ल्‍वा सो़साका माम्‍चु़नीलाई डोक्‍पु बे। मेराम मु़चु़ छु़लचो़ र्‍वाक्‍पा गुकु चकु।”

थु़र्मा 1:15

मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

रेम्‍बेट्‌मिडिम ल्‍वा 11:11

लावो सुलेम नुङ को नेम्‍फु चङडा मेर्चिप गोडा माम्‍चु़नीलाममिम त्‍वारो़म ल्‍वापा साम हुङडा। मेम्‍मा मेर्चिप उची खेलका येम्‍सिट्‌ची मा मेर्चिपलाई ल्‍वापा मु़चु़मिम छो़म ङिम्‍डी।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 14:7

गुका डोक्‍पु लो़लामका आरे र्‍वाक्‍ता, “माम्‍चु़नीकु ङिम जु़ल्‍नी मा गुमी डोक्‍पु बुमी र्‍वाक्‍नी, हेङालोने गुमीका निया बेपा थारी रोक्‍ताम बु। सुबु, पाह्री, दिरिदिन नुङ कुकु पुन्‍खोपमिम प्रङपा गुमीलाई सेव साट्‌नी।”

रेम्‍बेट्‌मिडिम ल्‍वा 15:4

मिप्रङमा, सु़का इनीमा ङिम मेजु़लु़ मा सु़का गानी डोक्‍पु नुङ यु़मनुङमा मेर्‍वा? हेङालोने गानी कोङङा सेपा दु़म्‍नी। खोत्‍ले सामामिम इनीमा ङादोडा रोमिमा सेव सानिमी, हेङालोने इनीमा जो़पा खारीमिम दो़स्‍ताम बु।”

रेम्‍बेट्‌मिडिम ल्‍वा 19:7

भ्रसिद्‌वाकी मा गेर्सिडी मा गुमी डोक्‍पु बुमी र्‍वाक्‍साका र्‍वाकी, हेङालोने भेन्‍दाचो़का लालीकुन्‍दा बेपा थारी रोक्‍फाड्‌डा, मा उनी लारेमा उ त्‍वापङा झो़म्‍सिड्‌डा।

रेम्‍बेट्‌मिडिम ल्‍वा 3:4

लावो सार्डिसडा बाट्‌पा गानीगोडाम कोले-नले मु़चु़का उनीमा ये-सेम घ्रामलु़पा बेम्‍डिम मिबु। मेर्मिम मु़चु़ बुबुयाम ये-सेम फसिक्‍साका गोनुङ लाम्‍दिमी, हेङालोने मेर्मिम गोनुङ लाम्‍दिमुका घ्रेट्‌पा बुमी।

रेम्‍बेट्‌मिडिम ल्‍वा 6:12

भेन्‍दाचो़का रुनोम छाप पिम्‍डिम गो ल्‍वाउतो मा मेसिन्‍डा कोङ डोक्‍पु सुबुरुक्‍पा रोक्‍ता। नेम्‍सुङ तुकुम्‍चिम होप्‍माम केकेया दु़स्‍ता मा ख्‍लो़मु सिसि होप्‍माम लालाया दु़स्‍ता।

रेम्‍बेट्‌मिडिम ल्‍वा 8:5

मेम्‍मा पाह्रीचो़का मे धूप चाखोप रङ्‍डु़मा सासेन्‍खोपडला मुका देम्‍बेट्‌डु़, मा सुबुडा घ्रोक्‍तु़। मेम्‍मा बुलु़लु़ बु़डु़, गुडुमाक्‍सी जेस्‍ता, ब्‍ल्‍याक्‍ची ओप्‍डु़ मा सुबुरुक्‍सी लस्‍ता।