रेम्‍बेट्‌मिडिम ल्‍वा 11:10 - थुलुङ राई

¹⁰ सुबुडा बाट्‌पा मु़चु़मिम ओर्चिप सिच्‍चिमका भ्रम्‍सिमी मा कोरमा थु़र्बेबेसाका गेर्सिमी। हेङालोने सुबुडा बाट्‌पामिमलाई माम्‍चु़नीलाम जेपा ओर्चिपका दु़खा ग्‍वाक्‍चिमिम बाइडा।

रेम्‍बेट्‌मिडिम ल्‍वा 11:10 Iomraidhean Croise

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

यूहन्‍ना 16:20

आच्‍छाङा गो गानीलाई र्‍वाङु, गानी ख्राम्‍नीमा येनी-दुनी, लावो सु़म्‍दिसेर ने गेर्सी द्‍वा। इनीमा न-गो ख्राम लावो ख्रापा मे इनीमा न-गो गेर्सी।

यूहन्‍ना 7:7

गानीलाई मेद्‌वाक्‍पा मु़चु़ सु़म्‍दिसेरडा सु़वो मेबुमी। लावो सु़म्‍दिसेरडाम मु़चु़मिमका गोलाई ने मेद्‌वाङिमी, हेङालोने मेर्मिमकु खारी बेसी मेजो़पा बु र्‍वाक्‍साका गो सो़उ।

थु़र्मा 5:33

मेर्मिमका ओराम थो़म्‍डिमा छो़म उनी छोक्‍चो बक्‍ता, मा थु़र्मामिमलाई सेन्‍मु न बेम्‍डी।

१ कोरिन्थी 13:6

रिखाम मेजो़पा ल्‍वाडा मेगेर्सी, लावो आछाङाकाम ल्‍वाडा गेर्सी।

रेम्‍बेट्‌मिडिम ल्‍वा 12:13

मे डोमिफुका गु त्‍वाप सुबुडा डस्‍ताम चडु़ मा तारापाचो़ कक्‍पा मे मेसेमलाई खाड्‌डु़।

रेम्‍बेट्‌मिडिम ल्‍वा 13:14

मे कोनोम हादीबाराकु खोमडा मेराम हादीबाराका छेखोपमिम रेम्‍बेपा यु़म डार्स्‍तु़म बाइडा। मेराम खारीलामका सुबुडा बाट्‌पा मु़चु़मिमलाई ताङताहेरथो़ लडु़मी। कातु़रु़का फल्‍साका रावा सिडामा वो नु़पा दु़स्‍ताम मे कोनोम हादीबारालाई डोक्‍पु मिम्‍मु लागि मेरामका ङाटा बनेबेबेड्‌डु़मी।

रेम्‍बेट्‌मिडिम ल्‍वा 13:8

मेम्‍मा सेट्‌मिडिम भेन्‍दाचो़कु त्‍वारो़मकु खाजेमडा सु़म्‍दिसेर प्रङ्‌सिमु ङादोङा नङ मेर्‍यासिट्‍पामिम खोत्‍लेका मे हादीबारालाई सेव सान्‍मी।

रेम्‍बेट्‌मिडिम ल्‍वा 16:10

मेम्‍मा ङोनोम पाह्रीचो़का मे हादीबाराकु साखाम थो़पा गन्‍खोपडला उ कान्‍चु़रे अयु़डु़, मा मेरामकु किब्‍दी तुकुम्‍चिम गोनो दु़स्‍ता। मु़चु़मिमका उनी थो़म्‍बोकडा दुपा दु़खा ल्‍वाम्‍डिमका लेम ख्रेट्‌मिडिम बाम्‍डी,

रेम्‍बेट्‌मिडिम ल्‍वा 3:10

गो र्‍वाङ्‌डोम होङङा गाना इम्‍सिक्‍साका बेन्‍ना। मेम्‍मिमका रोमु खापा दु़खा थारीडाम गो गानालाई बोनी-थार्नी। मेराम दु़खा ने सु़म्‍दिसेरडा बाट्‌पामिम खोत्‍लेडला रो।