रेम्‍बेट्‌मिडिम ल्‍वा 10:1 - थुलुङ राई

¹ मेम्‍मा यु़मनुङमा कोङमी पाह्रीचो़ पाह्रीलामका योक्‍तोङा बेपा ल्‍वाउतो। गु खासेका दिल्‍तासिट्‌पा बाइडा, उ बुइडला नाङगुम बाइडा, उ ङाली नेम्‍सुङ होप्‍माम बाइडा, मा उ खेलचिप मुकु थाम होप्‍माम बाइडा।

रेम्‍बेट्‌मिडिम ल्‍वा 10:1 Iomraidhean Croise

मत्ती 17:2

मेर्मिमका रेप्‍तो-रेप्‍तोङा येशूकाम ङाली ख्‍लोसिड्‌डा, मा उनीमा ङाली नेप्‍सुङ होङङा झ्‍वाक्‍ता, मा उनी ये-सेम ओल होङङा बुबुया दु़स्‍ता।

लूका 21:27

मेराम थारीका मिनीचो़ यु़म नुङ यु़म-झ्‍वाक्‍सीडा खासेडला योक्‍तोङा बेपा मेर्मिमका ल्‍वामी।

थु़र्मा 26:13

हप अग्रिपास, नेम्‍फुबिलि पाह्रीलामका नेप्‍सुङडाम वो हापा झ्‍वाक्‍पा ओल योक्‍तोङा बेपा गो ल्‍वाउतो, मेराम गो मा गोनुङ लक्‍पामिमकु होनोलाम-आथो़लाम झ्‍वाक्‍तोङा लेड्‌डु़।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

रेम्‍बेट्‌मिडिम ल्‍वा 18:1

आकोतिमा कोङमी पाह्रीचो़ पाह्रीलामका योक्‍तोङा बु़डु़म गो ल्‍वाउतो। गु छो़म साखामनुङमा बाइडा, मा उ झ्‍वाक्‍सीका सुबु छ्‌याङ-छ्‌याङया दु़स्‍ता।

रेम्‍बेट्‌मिडिम ल्‍वा 18:21

मेकोतिमा यु़मनुङमा कोले पाह्रीचो़का कोले डोक्‍पु खुरुक होङङा बेपा कोले लुङ कोस्‍तु़मा दिरिदिनगोयु़ घ्रोक्‍तु़मा र्‍वाक्‍ता: “मे डोक्‍पु शहर बेबिलोन आरेसाकाङा छो़म सातिका घ्रोसी मा मेराम हेल्‍लो वो मेडार्सी।

रेम्‍बेट्‌मिडिम ल्‍वा 20:1

मेकोतिमा कोले पाह्रीचो़ पाह्रीलामका योक्‍ताम ल्‍वाउतो। उ फार मेडार्सिमिम पोलु़मकु चाबी गुनुङ बाइडा मा उ ल्‍वाड्‌डा डोक्‍पु सेलरिवा जेथाड्‌डु़।

रेम्‍बेट्‌मिडिम ल्‍वा 4:3

मेसिन्‍डा गन्‍तासिट्‌पा गुमी गिगिम नुङ लालाम सोरलुङ होङङा वाक्‍पा बाम्‍डी। वाक्‍पा सोरलुङ होङङा बेपा नाङगुमका मे हप गन्‍खोप खिर्थाड्‌डु़म बाइडा।

रेम्‍बेट्‌मिडिम ल्‍वा 5:2

मेम्‍मा डोक्‍पु साखामनुङमा कोले पाह्रीचो़ ल्‍वाउतो। गुका डोक्‍पु लो़लामका आरे र्‍वाक्‍तोङा लेड्‌डु़, “दिल्‍साका जु़ल्‍मा ओराम खाजेमडला ओप्‍मा छापमिम पिसाका होर्मु घ्रेट्‌पा सु़ बु?”

रेम्‍बेट्‌मिडिम ल्‍वा 8:13

मेम्‍मा गो रेप्‍तो होङङा धामुकु थेतेला हुट्‌पाम बाट्‌पा कोले खिरिजङमाका डोक्‍पु लो़लामका आरे र्‍वाक्‍ताम थो़उतो, “वाङमिम सुले पाह्रीचो़मिमका भुम डु़म्‍मु खाप्‍मिमिम ने हाउरेमा! हाउरेमा! हाउरेमा! सुबुडा बाट्‌पामिम ने।”