रेम्‍बेट्‌मिडिम ल्‍वा 1:6 - थुलुङ राई

⁶ मा उनीमा पाप नुङ माम्‍चु़नीकाम किब्‍दीगोडा लाले-पाङके बोमु लागि हपकु डु़म्‍लाचो़मिम दु़म्‍बेसाड्‌डामी। खोत्‍लेडाम डोक्‍पु नुङ उनीमा यु़म हेल्‍लो लोवो बाट्‌पा ख्रीष्‍टकु नङ कोसिनु़। आमेन!

रेम्‍बेट्‌मिडिम ल्‍वा 1:6 Iomraidhean Croise

मत्ती 6:13

मेजो़पा ल्‍वालाम न-छाम्‍सिमु मेग्‍वाक्‍किनी, लावो मेजो़पा मुनाङलामका सेल्‍किनी। [हेङालोने किब्‍दी, यु़म नुङ यु़म-झ्‍वाक्‍सी, हेल्‍लो लोवो इनीमाङा सो़। आमेन]’

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

रोमी 11:36

हेङालोने खोत्‍लेम थोक गुमीकाङा प्रङ्‌मिडिम, गुमीलामङा बाट्‍पाम बाट्‍पा मा उनीमा लागि ङा सो़। हेल्‍लो लोवो उनीमा यु़म झ्‍वानु़। आमेन।

रोमी 15:6

आरेसाका गानी खोत्‍ले कोले नकाम दु़म्‍साका कोलेङा लो़लामका इकीमा ङाचो़ येशू ख्रीष्‍टकु पाप, माम्‍चु़नीकु नङ कोमु चापा दु़म्‍नी।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

१ तिमोथी 6:16

माम्‍चु़नी कोङङा हाम्‍सी वो मेसिमी, सु़ वो फार्डा लमु मेझापा ओलडा बाट्‌पा गुमी, सु़का वो मेल्‍वामिवाम गुमी, ल्‍वामु मेचाम्‍मिमिम। खोत्‍लेका उनीमा नङ कोमिनु़, हेल्‍लो लोवो उनीमा यु़म दु़महोम बु। आमेन।

हिब्रू 13:21

उनीमा न होङङा बोमु खोत्‍ले जो़पा ल्‍वाका बोमु चापा दु़म्‍बेनिमिनु़। मेम्‍मा गुमीलाई गेर्सी बेट्‍पा खोत्‍ले ल्‍वा येशू ख्रीष्‍टलाम गुइगोडा बोमिनु़। येशू ख्रीष्‍टकु नङ हेल्‍लो लोवो कोसिनु़म बुनु़। आमेन।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

१ पत्रुस 5:11

खोत्‍ले यु़म हेल्‍लो लोवो उनीमाङा दु़म्‍नु़म बुनु़। आमेन।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

यहूदा 1:25

गुमी कोलेङा गुइलाई सेल्‍पा इकी माम्‍चु़नीकु यु़म-झ्‍वाक्‍सी, डोक्‍पु दु़प्‍सी, यु़म नुङ साखाम इकीमा ङाचो़ येशू ख्रीष्‍टलामका खोत्‍ले पुस्‍ता ङादो नुङ हेल्‍लो लोवो दु़म्‍नु़म बुनु़! आमेन।

रेम्‍बेट्‌मिडिम ल्‍वा 1:9

गानी खोत्‍लेकु वा गो यूहन्‍ना। येशूडा गुइ बुइमिमका गानी होङङा दु़खामिम गो वो इम्‍तोङा बेउ। उनीमा रोक्‍पा किब्‍दी गानी लन्‍थानिमिम होङङा गो वो लथाक्‍पु मा थो़मतेर्सी लोवो इम्‍तोङा लेट्‌पु। माम्‍चु़नीकु सिजेम नुङ येशूका थेसिथेन्‍बेट्‌ङिडिमिम सीसिकु दुथाम सो़उतोमका पत्‍मोस र्‍वाक्‍मा टापुडा गो चसिङडोम बाङडो।

रेम्‍बेट्‌मिडिम ल्‍वा 20:6

सिमुलाम ङादोम बग्‍गेसीडा बक्‍पामिम आलाकाम नुङ सेपामिम सो़। ननोम सिमुलामकाम हाम वो यु़म मेर्मिमडला मेदु़म, लावो मेर्मिम माम्‍चु़नी नुङ ख्रीष्‍टकु डु़म्‍लाचो़ दु़म्‍मी मा मेर्मिमका ख्रीष्‍टनुङ को धु़म सङ थ साखाम थो़मी।

रेम्‍बेट्‌मिडिम ल्‍वा 4:11

“आकीमा ङाचो़ नुङ माम्‍चु़नी, डोक्‍पु बोमु, नङ कोमु मा यु़म रमुका घ्रेट्‌पा गानी, हेङालोने खोत्‍ले गानी प्रङ्‌निमी मा इनीमा नका मेर्मिम प्रङ्‌सिम्‍डी मा मेर्मिमका त्‍वारो़म ल्‍वाम्‍डिम बु।”

रेम्‍बेट्‌मिडिम ल्‍वा 5:10

मेर्मिमलाई हप दु़म्‍बेट्‌निमिम बु मा इकीमा माम्‍चु़नीकु लाले-पाङके बेपा डु़म्‍लाचो़ दु़म्‍बेट्‌निम बु मा मेर्मिमका सुबुडा साखाम थो़मी।”