रेम्‍बेट्‌मिडिम ल्‍वा 1:11 - थुलुङ राई

¹¹ मेराम लो़लामका आरे र्‍वाम्‍डी, “गाना इमा मिक्‍सीका हाम ल्‍वाना, मेराम कोले खाजेमडा र्‍याका मा ओर्मिम येतले मण्‍डलीमिमकाडा थु़रा: एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया नुङ लाउडिकियाकाडा।”

रेम्‍बेट्‌मिडिम ल्‍वा 1:11 Iomraidhean Croise

थु़र्मा 16:14

मेर्मिमगोडाम थिआटीरा शहरडा बाट्‌पा हापा थिकाम गेगेम चक्‍लेम रङ्‍गकु ये भ्रेट्‌पा, माम्‍चु़नीकु सो़रलोले बेपा लिडिया नङकाम कोले मेसेम बाइडा। मेरामका आकी सिजेम थो़स्‍तु़। पावलका जेस्‍ताम ल्‍वा जो़होमका थेसिथेट्‌नु़ र्‍वाक्‍साका माम्‍चु़नीका मेरामलाई थेसिथेट्‌पा न-गो ग्‍वाम्‍डी।

थु़र्मा 18:24

मेराम थारीका अलेक्‍जेन्‍ड्रिया शहरडा गक्‍पा अपोल्‍लोस र्‍वाक्‍मा कोले यहूदी एफिससडा रोक्‍ता। गु जो़होमका जेमु थेट्‌पा, मा माम्‍चु़नीकु सिजेमकु दुथाम छो़म थेट्‌पा मु़चु़ बाइडा।

थु़र्मा 20:17

पावलका मिलेटसलामका एफिससडा बाट्‌पा मण्‍डलीडाम एल्‍डरमिम येड्‌डा मु़चु़मिम थु़र्डु़मी।

१ कोरिन्थी 15:32

सिपा मु़चु़ सिमुलाम मेबगे माला सो़प्‍दीडाम हादीबारामिमनुङ होङङा एफिसस शहरडाम मु़चु़मिमनुङ क्‍वाल्‍बा बेउतोमका गोलाई हाम जो़पा दु़स्‍ता मा? सिपा मु़चु़ सिमुलाम मेब माला ने, “गुइ पिइ-डुङी, हेङालोने दिका ने गुइ सिइ।” र्‍वाक्‍मा होङङा बिइलो नु़।

१ कोरिन्थी 16:8

पेन्तिकोसकु चाडसम्‍म गो आसि एफिससडाङा बुङु,

एफिसी 1:1

माम्‍चु़नीकु नलामका ख्रीष्‍ट येशूकु थु़र्मा दु़म्‍ङोडोम गो पावलका, गानी एफिसस शहरडा बाट्‌पा मा ख्रीष्‍ट येशूडा न-गोका थो़र बेपा माम्‍चु़नीकु मु़चु़मिमलाई ओराम सेलाखाजेम र्‍याक्‍तोङा बेउ।

कलस्‍सी 2:1

इनीमा नुङ लाउडिकिया शहरडा बाट्‌पा मण्‍डलीकाम नुङ गोलाई मेक्रो़म्‍ङिमिवाम थो़र लु़पा मु़चु़मिमकाम लागि गो हाङको छो़म ब्राम्‍दु़ल्‍वा बेउमिम बु मेराम गानीलाई थेसिथेबेन्‍मु आमा न बु।

१ तिमोथी 1:3

गो माकेडोनियाडा लङ्‌डोलो गानानुङ छो़म र्‍वाङ्‌जो़ल्‍ङोडोम होम्‍साका गाना एफिससडाङा बाया, मा लिमा ल्‍वा सीपा मु़चु़मिमलाई मेम मेबेनी बेमी,

रेम्‍बेट्‌मिडिम ल्‍वा 1:17

गो गुमीलाई ल्‍वाउतो मा आमा सामङा लक्‍पा होङङा दु़म्‍ङोडोमा उनीमा खेल फारयु़ कुम्‍सिङ्‌डो। मेम्‍मा गोडला गुमीका उनीमा जो़प ल्‍वा जु़ल्‍मिडिमा र्‍वाम्‍डी, “मेङिसा, हुम-द नुङ चो़म-द गोङा सो़।

रेम्‍बेट्‌मिडिम ल्‍वा 1:19

“मेम्‍मिमका गाना इमा मिक्‍सीका ल्‍वान्‍नाम ओम्‍लो दु़म्‍तोङा लेट्‍पा ल्‍वा नुङ दिफु दु़म्‍पा ल्‍वामिम र्‍याका।

रेम्‍बेट्‌मिडिम ल्‍वा 1:2

यूहन्‍नाका मिक्‍सीलाम ल्‍वास्‍तु़म खोत्‍ले सो़मु खाप्‍डु़म बु, मेराम, माम्‍चु़नीकु सिजेम नुङ येशू ख्रीष्‍टका रेम्‍बेट्‌मिडिम आच्‍छाङाकाम ल्‍वाकु दुथाम सो़।

रेम्‍बेट्‌मिडिम ल्‍वा 1:20

गाना आमा जो़प ल्‍वालाम ल्‍वान्‍नाम येतले सोरलुङ नुङ येतले सो़नाकु धिप्‍री चाखोपमिमकु दुथाम थक्‍मा ल्‍वा ओरामङा सो़: येतले सोरलुङमिम ने येतले मण्‍डलीकु पाह्रीचो़मिम, मा येतले धिप्‍री चाखोपमिम ने येतले मण्‍डलीमिम सो़।”

रेम्‍बेट्‌मिडिम ल्‍वा 1:4

एशिया क्षेत्रडा बाट्‌पा गानी येतले मण्‍डलीमिमलाई गो यूहन्‍नाका ओराम सेलाखाजेम र्‍याक्‍तोङा लेट्‌पु। ओम्‍लो वो बुमी, ङादो वो बाम्‍डी मा आथावो चक्‍थो़ योक्‍पा माम्‍चु़नीलाम नुङ उनीमा साखाम थो़खोपकु ङादोडाम येतले पेलमिमलाम दिदाम नुङ न-भ्रसी ल्‍वानिनु़।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रेम्‍बेट्‌मिडिम ल्‍वा 10:4

येतले बुलु़लु़मिम बु़डु़म ल्‍वा गो र्‍यामु खाप्‍तोम बाइडा, लावो पाह्रीलामका कोङ लो़लामका आरे र्‍वाक्‍ताम गो थो़उतो, “मे येतले बुलु़लु़मिमका र्‍वाम्‍डिम ल्‍वा मेर्‍याका, लावो नगोडा जु़ला।”

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

रेम्‍बेट्‌मिडिम ल्‍वा 2:12

“पर्गामम मण्‍डलीडाम पाह्रीचो़लाई ओराम ल्‍वा र्‍याका: हन्पा निफिलाम फल्‍खोपनुङ कातु़रु़ बिम्‍सिट्‍पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:18

“थिआटीरा मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु तारापाचो़, उनीमा मिक्‍सी मुकु भुल्‍मु होप्‍माम मा उनीमा फेमखेल वाबेट्‌मा बुलुकाम होप्‍माम बाट्‌पाका ओराम ल्‍वा र्‍वामी।

रेम्‍बेट्‌मिडिम ल्‍वा 2:24

उहेमका मेराम मेसेमकु मेजो़पा सीसिडा मेलाम्‍सिट्‌निवाम मा शैतानलाममिम थक्‍साका जु़ल्‍मा सीसि मेसीन्‍सिट्‌निवाम गानी थिआटीरा मण्‍डलीडा बाट्‌पा याङ मु़चु़मिमलाई गो र्‍वाङु, गानी वाङमिम खारी बोमु बासी र्‍वाक्‍साका मेकाम्‍सानिनी।

रेम्‍बेट्‌मिडिम ल्‍वा 2:8

“स्‍मुर्ना मण्‍डलीडाम पाह्रीचो़लाई ओराम ल्‍वा र्‍याका: चो़म-द नुङ हुम-द, सिपामा बग्‍गेट्‌पा गुमीका आरे र्‍वामी।

रेम्‍बेट्‌मिडिम ल्‍वा 21:5

साखाम थो़पा गन्‍खोपडा गन्‍तासिट्‌पा माम्‍चु़नीका गोलाई आरे र्‍वाम्‍डी, “खोत्‍ले गो लाले बनेबेउमी।” मेम्‍मा गुमीका र्‍वाम्‍डी, “ओर्मिम र्‍याका, हेङालोने ओर्मिम ल्‍वा थो़रलु़इमिम नुङ आच्‍छाङा सो़।”

रेम्‍बेट्‌मिडिम ल्‍वा 22:10

मेम्‍मा गुका आरे बेङ्‌डी, “ओराम खाजेमडा बाट्‌पा माम्‍चु़नीलाम जेम्‍मा सिजेममिमडला छाप मेओप्‍डा, हेङालोने थारी रोक्‍फाड्‌डाम बु।

रेम्‍बेट्‌मिडिम ल्‍वा 22:16

“गो, येशूका, मण्‍डलीमिमकाम लागि ओराम ल्‍वा सो़मु आमा पाह्रीचो़ इमाडा थु़र्तोम बु। दाऊदकु फ्रु़प नुङ चो़-चु़सु़, नुङ नेमछेमुकु झ्‍वाक्‍पा सोरलुङ गोङा सो़।”

रेम्‍बेट्‌मिडिम ल्‍वा 3:1

“सार्डिस मण्‍डलीडाम पाह्रीचो़लाई ओराम ल्‍वा र्‍याका: माम्‍चु़नीकु येतले पेलमिम नुङ येतले सोरलुङमिम जेथाक्‍पाका आरे र्‍वामी, गाना बेन्‍नाम इमा खारीमिम गो चक्‍पु। गाना नु़पा बुना र्‍वाक्‍साका इमा नङ दोस्‍ताम बु लोवो गाना सिन्‍नाम बु।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

रेम्‍बेट्‌मिडिम ल्‍वा 3:4

लावो सार्डिसडा बाट्‌पा गानीगोडाम कोले-नले मु़चु़का उनीमा ये-सेम घ्रामलु़पा बेम्‍डिम मिबु। मेर्मिम मु़चु़ बुबुयाम ये-सेम फसिक्‍साका गोनुङ लाम्‍दिमी, हेङालोने मेर्मिम गोनुङ लाम्‍दिमुका घ्रेट्‌पा बुमी।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।