फिलिप्‍पी 4:9 - थुलुङ राई

⁹ गानी हाम ल्‍वा गोलामका सीन्‍सिट्‌नी, रन्‍नी, थो़न्‍नी मा आमाडा ल्‍वान्‍नी मेङा बेनी। मेम्‍मा न-भ्रसिबेट्‌पा माम्‍चु़नी गानीनुङ दु़म्‍मी।

फिलिप्‍पी 4:9 Iomraidhean Croise

मत्ती 1:23

“रेप्‍नी, कन्‍या मेसेम गोजु़मे दु़म, मा मेरामका कोले तारापाचो़ कक्‍सु़, गुमीलाई इम्‍मानुएल र्‍वामी, मेराम र्‍वामा ‘माम्‍चु़नी गुइनुङ बुमी’।”

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

मत्ती 7:21

“गोलाई ‘ङाचो़, ङाचो़’ र्‍वाक्‍पा खोत्‍ले पाह्री-किब्‍दीगोडा मेहुमी। पाह्रीला बाट्‌पा आमा पापकु न होम्‍साका खारी बेपामिम कोङङा मेगोडा हुमु ल्‍वामी।

लूका 6:46

“गो र्‍वाङुमिम होम्‍साका मेबोनी माला, गानी हेङा गोलाई ङाचो़, ङाचो़, र्‍वानी?

लूका 8:21

येशूका मेर्मिमनुङ र्‍वाम्‍डी, “उहेमका माम्‍चु़नीकु सिजेम जो़होमका थो़मिमा मेरामका र्‍वामिम होम्‍साका खारी बोमी मेर्मिम ङा सो़ आमा माम नुङ ल्‍वाकमिम।”

यूहन्‍ना 13:17

गानी ओर्मिम ल्‍वा थेट्‌निमा मेराम होम्‍साका बेन्‍नी माला गानी आलाकाम सो़।

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

यूहन्‍ना 2:5

उनी मामका ख्‍लो़पा मु़चु़मिमलाई र्‍वाक्‍ता, “गुमीका गानीलाई र्‍वामिमिम होङङा बेनी।”

थु़र्मा 9:6

बका, मा शहरगोनो लक्‍सा। गाना हाम बोमु बासी, मेराम कोलेका सीना।”

रोमी 15:33

न भ्रसिबेट्‍पा माम्‍चु़नी पाप गानीनुङङा दु़म्‍मिनु़। आमेन।

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

१ कोरिन्थी 10:31

मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।

१ कोरिन्थी 14:33

हेङालोने सो़रलोले बेसीडा ल्‍वा मेघ्रो़म्‍साका हाम बेबे द्‍वा मेरामङा बोमिमिम माम्‍चु़नीका न मेबोमी, लावो खोत्‍ले ल्‍वाडा न घ्रो़म्‍बेसाका तु़रु़ रेन्‍थिमिमा बोमिमिम ल्‍वाडाङा माम्‍चु़नीका न बोमी। माम्‍चु़नीकु मु़चु़मिमकु खोत्‍ले मण्‍डलीडा होङङा,

१ कोरिन्थी 4:16

मेम्‍मिमका गानी आमा बेसिबेनी र्‍वाक्‍साका गो गानीलाई छो़म र्‍वाङु।

२ कोरिन्‍थी 13:11

हुम-दडा, वा-ल्‍वाकनी, ब्‍र्‍वासिडी। छो़म जो़पा दु़म्‍साका लाम्‍दिमु न बेनी। गो छो़म र्‍वाङुमिम ल्‍वा थो़नी, कोले नकाम दु़म्‍नी, भ्रसिसाका बानी। मेम्‍मा रिखाम बेपा मा न-भ्रसी ग्‍वाक्‍पा माम्‍चु़नी गानीनुङ दु़म्‍मी।

फिलिप्‍पी 3:17

वा-ल्‍वाकनी, गो बेउमिम होप्माङा बेपा मु़चु़ दु़म्नी। मेम्‍मा गुकु गानीलाई ग्‍वाक्‍तोकोम आकी बेसी होङङा बेपामिमलामका सीन्‍सिट्‌नी।

फिलिप्‍पी 4:7

मेम्‍मा खोत्‍ले थेसिथेन्मुडाम वो डोक्‍पु माम्‍चु़नीकु न भ्रसी बेसीका ख्रीष्‍ट येशूडा इनीमा न नुङ गो बोमी-थार्मी।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

१ थेसलोनिकी 2:14

हेङालोने वा-ल्‍वाकनी, ख्रीष्‍ट येशूडा बाट्‌पा यहूदियाडाम माम्‍चु़नीकु मण्‍डलीमिमकु बेसी गानी बेन्‍निम बु। मे थो़रलु़पामिमलाई त्‍वाकु मु़चु़ यहूदीमिमकाङा दु़खा ग्‍वाम्‍डिम होङङा गानीलाई वो इनीमा नेब्‍दीडाम मु़चु़मिमका दु़खा ग्‍वानिमिम बु।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

२ थेसलोनिकी 3:4

गानीलाई गुकु बेबेत्तोकोम ल्‍वा गानी जो़होमका बेत्तोङा लेनी, मा आथावो जो़होमका बेत्तो लनी र्‍वाक्‍साका इनीमा दुथाम ङाचो़ येशूडा थो़र लु़त्तोकोम बु।

२ तिमोथी 4:22

माम्‍चु़नी गानानुङ दु़म्‍मिनु़। उनीमा दिदाम गानानुङ दु़म्‍नु़।

याकूब 1:22

ओरामका र्‍वामिम होम्‍साका बेनी। सिजेम थो़पा कोङङा दु़म्‍साका नड्‍डा मेजो़पा मिम्‍निमा मेख्‍लो़ट्‌नी।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।