फिलिप्‍पी 4:4 - थुलुङ राई

⁴ ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

फिलिप्‍पी 4:4 Iomraidhean Croise

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

थु़र्मा 16:25

सिन्‍थाम को-न (१२) जेस्‍ताम बिलि पावल नुङ सिलासका सो़म्‍दी बेत्तो माम्‍चु़नीकु काम्‍सो बेच्‍चिम बाच्‍ची, मा वाङमिम चक्‍मामिमका ने मेराम थो़म्‍डिहोम बाम्‍डी।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

गलाती 1:8

गुकु थो़बेत्तोकोम जो़पा-सेलाडाम वाङमिङा जो़पा-सेला र्‍वाक्‍साका थो़बेडु़ माला गुकु गोडामङा कोङनिम लोवो पाह्रीलाम योक्‍पा पाह्रीचो़ङा लोवो मेराम पुयु़लुनु़।

फिलिप्‍पी 2:18

मेम्‍साकाङा गानी वो गोनुङ गेर्सिद्‌वामु नुङ भ्रम्‍सिमु बासी।

फिलिप्‍पी 3:1

हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।