फिलिप्पी 3:9 - थुलुङ राई9 गो माम्चु़नीडा जो़पा दु़म्मु ने डु़म्ला होम्साका दोसाका मेएँ, लावो ख्रीष्टडलाम थो़रका जो़पा दु़म्ङु। माम्चु़नीडा जो़पा दु़म्सी ने गुमीलामका रो मा ओराम खारी थो़रलामका दु़म। Faic an caibideil |
फिलिप्पी 3:9
56 Iomraidhean Croise
जो़पा-सेलाका मु़चु़लाई माम्चु़नीका उनीमा त्वाकु ङादोडा हेसाका जो़पा दु़म्बेन्मी र्वाक्पा रेम्बु़, मा माम्चु़नीनुङ जो़पा दु़म्पा ल्वा ने थो़रलामङा चो़म्सी, मा थो़रकाङा खोत्ले रेथिबेडु़। मेम्साकाङा माम्चु़नीकु सिजेमका र्वा, “उहेम मु़चु़ थो़रलामका माम्चु़नीकु ङादोडा जो़पा न-गोकाम दु़म, मेराम मु़चु़काङा त्वारो़म ल्वासु़।”
लावो सु़ वो डु़म्ला होम्साका दोसाका मुमा मान्थिम दु़म्मु मेचाप्सु़, लावो येशू ख्रीष्टडा थो़रलु़साका कोङङा माम्चु़नीकु ङादोडा मुमा मान्थिम दु़म्मु चाप्सु़ र्वाक्पा ल्वा गुकु चक्त्तोकोम बु। मेम्मिमका गुकु वो माम्चु़नीकु ङादोडा मुमा मान्थिम दु़म्मु लागि येशू ख्रीष्टडा थो़र लु़त्तोकोम बु, हेङालोने डु़म्ला होम्साका दोपामिम सु़ वो मुमा मान्थिम दु़म्मु मेचाप्सु़।
Sanasan