फिलिप्‍पी 3:17 - थुलुङ राई

¹⁷ वा-ल्‍वाकनी, गो बेउमिम होप्माङा बेपा मु़चु़ दु़म्नी। मेम्‍मा गुकु गानीलाई ग्‍वाक्‍तोकोम आकी बेसी होङङा बेपामिमलामका सीन्‍सिट्‌नी।

फिलिप्‍पी 3:17 Iomraidhean Croise

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

१ कोरिन्थी 10:32

सु़लाई वो छु़लडा वाममेबेट्‌नी, यहूदी दु़म्‍नु़का, ग्रीक दु़म्‍नु़का माम्‍चु़नीकु मण्‍डली दु़म्‍नु़।

१ कोरिन्थी 11:1

आमा बेसी बेनी, हेसाका गो वो ख्रीष्‍टकु बेसी बेउ।

१ कोरिन्थी 4:16

मेम्‍मिमका गानी आमा बेसिबेनी र्‍वाक्‍साका गो गानीलाई छो़म र्‍वाङु।

फिलिप्‍पी 4:9

गानी हाम ल्‍वा गोलामका सीन्‍सिट्‌नी, रन्‍नी, थो़न्‍नी मा आमाडा ल्‍वान्‍नी मेङा बेनी। मेम्‍मा न-भ्रसिबेट्‌पा माम्‍चु़नी गानीनुङ दु़म्‍मी।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

२ थेसलोनिकी 3:7

हेङालोने गुकु बेत्तोकोम होम्‍साकाङा गानी वो खारी बोमु बासी र्‍वाक्‍पा ने चनिम ङा बु। गुकु गानीनुङ बात्तोकोम थारीका हेल्‍लो वो मेभ्रेकुवा।

२ थेसलोनिकी 3:9

गुकुलाई पोमु-डुमु ग्‍वाक्‍की र्‍वाक्‍साका गानीनुङ बिमु ल्‍वाकुवा, लावो गानी वो आकीमा बेसी बेनिमा गुकु होप्‍मामङा खारी बेपा दु़म्‍नी र्‍वाक्‍साका मेम बेत्तोकोम सो़।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

हिब्रू 13:7

गानीलाई माम्‍चु़नीकु सिजेम थो़बेट्‌पा मण्‍डलीडाम ङाउमिमलाई मिम्‍नी। मेर्मिमका हाम बेम्‍थाल्‍मिडी मा हेसाका सिम्‍डी मेराम इनीमा नगोडा जु़ल्‍नी। मेर्मिमका थो़र लु़म्‍डिम होम्‍साका गानी वो थो़रलु़नी।

१ पत्रुस 5:3

गानीलाई रेम्‍बेबेट्‌मा मु़चु़मिमडला साखाम थो़साका मेएँ लावो मेर्मिमकाम लागि कोले रेम्‍बेपा मु़चु़ दु़म्‍साका रेप्‍नी।