फिलिप्‍पी 3:13 - थुलुङ राई

¹³ वा-ल्‍वाकनी, ओर्मिम जेन्‍मु डु़म्‍तोम बु र्‍वाक्‍पा गो आ त्‍वापलाई लु़डाम मिबु। लावो कोले ल्‍वा गो बेउ, मेराम चङनोम ल्‍वा प्‍ल्‍वासाका ङादोनोम ल्‍वाथो़ आमा सो हन।

फिलिप्‍पी 3:13 Iomraidhean Croise

लूका 10:42

लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

लूका 9:62

लावो येशूका मेराम मु़चु़लाई र्‍वाम्‍डी, “झोमु चो़म्‍डु़लो उ ल्‍वा ताकुलाडला जु़ल्‍साका चङथो़ ख्‍लोसिक्‍पा मु़चु़ माम्‍चु़नीकु किब्‍दीकाम लागि घ्रेट्‌पा मेदु़म।”

२ कोरिन्‍थी 5:16

मेम्‍मिमका सु़म्‍दिसेरडाम मु़चु़मिमकु रेप्‍सी होम्‍साका आथाडा आनो गुकु सु़लाई वो मेरेम्‍कु। कोबिलि ख्रीष्‍टलाई आरेसाकाङा रेप्‍तोको लावो आथाडा आनो गुमीलाई मेम्‍साका मेरेम्‍कु।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

फिलिप्‍पी 3:12

ओर्मिम खोत्‍ले गो ल्‍वामु दु़म्‍तोम बु डे, जो़पा दु़म्‍मु दु़म्‍ङोडोम बु र्‍वाक्‍साका ने मेएँ, लावो मेर्मिम ल्‍वा जेन्‍मु लागि आमा सो हन, उहेम ल्‍वाकाम लागि ख्रीष्‍ट येशूका गोलाई जेट्‌ङिडिमी।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

हिब्रू 6:1

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,

२ पत्रुस 3:8

लावो द्‌वादीबुङ ङोप्‍सो़नी, ओराम कोले ल्‍वा गानी मेप्‍ल्‍वानी: ङाचो़काम लागि कोलेम को धु़मसङ थ (१,०००) मा को धु़मसङ थ कोलेम होप्‍मामङा बु।