फिलिप्‍पी 2:21 - थुलुङ राई

²¹ वाङमिमका ने येशू ख्रीष्‍टका हाम न बोमी र्‍वाक्‍पा मेएँ, उनी त्‍वाकु नथो़ कोङङा न सोमी।

फिलिप्‍पी 2:21 Iomraidhean Croise

मत्ती 16:24

मेकोतिमा येशूका उनी सीसिपामिमलाई र्‍वाम्‍डी, “कोङनिमका आमा चङचङ लाम्‍दिमु न बु़ माला मेरामका उमा नसिहोम बोमु डिसाका त्‍वाकु क्रूस कुर्नु़मा आमा चङचङ लाम्‍दिनु़।

लूका 14:26

“कोङनिम मु़चु़ आमा सीसिपा दु़म्‍मु न बु़ माला, मेराम मु़चु़का वो उ त्‍वाकु माम-पाप, उ नाइमे, उ चो़च्‍चो़मिम, उ वा-ल्‍वाकमिम, मा उ त्‍वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।

थु़र्मा 13:13

पावल नुङ उ ङोप्‍सो़मिम पाफोस शहरलामका डोक्‍पु कुबी-बोक्‍साडा हुम्‍डिमा पामफिलियाकु पर्गा शहरडा रोम्‍डी। मेकोतिमा मर्कूस र्‍वाक्‍मा यूहन्‍नाका मेर्मिमलाई पार्जो़ल्‍लु़मिमा गु यरूशलेमथो़ ख्‍लोस्‍ता।

थु़र्मा 15:38

लावो पावलका मर्कूस र्‍वाक्‍मा यूहन्‍नालाई उची त्‍वापनुङ लमु न मेबु़वा। हेङालोने गु पामफिलियालामका पावल नुङ बारनाबासडाम फ्‍वास्‍तामा लस्‍ताम बाइडा, मा मेर्चिपनुङ कोयो खारी बेप्‍डा मेलक्‍सावाम बाइडा।

१ कोरिन्थी 10:24

सु़का वो उ त्‍वाप कोङङा जो़पा दु़म्‍पा मेएँ, लावो वाङमिमकाम लागि जो़पा दु़म्‍नु़ र्‍वाक्‍पा नकाम दु़म्‍नु़।

१ कोरिन्थी 10:33

हेसाका लोवो गो बेउमिम खारीडा खोत्‍ले मु़चु़लाई गेर्सिबेन्‍मुलाई छो़म ब्राम्‍दु़ल्‍वा बेउ, आ त्‍वाप जो़पा दु़म्‍ङुनु़ र्‍वाक्‍पा न गो मेबेउ, लावो वाङमिम खोत्ले मु़चु़मिमकाम लागि वो जो़पा दु़म्‍नु़, मा मेर्मिम खोत्ले सेल्सिमिनु़ र्‍वाक्‍पा आमा न बु।

१ कोरिन्थी 13:5

रिखाम बाक्‍छो़र्मा मेदु़म, त्‍वाकाम कोङङा जो़पा बेपा मेदु़म। रिखामका छोक्‍चो मेबु़ मा मेजो़पा ल्‍वा नडा मेकुर्थाडु़।

२ कोरिन्‍थी 1:5

हेङालोने ख्रीष्‍टकाम लागि गुइ हाङको हापा दु़खा ल्‍वासी, मेकोतिङा माम्‍चु़नीका ख्रीष्‍टलामका इकीमा न बसाक्‍सामी।

फिलिप्‍पी 2:4

गानी खोत्‍लेका त्‍वापलाई नु़पा कोङङा मेमाल्‍नी, लावो वाङमिमलाई नु़पा वो माल्‍नी।

२ तिमोथी 1:15

एशियाडा बाट्‌पा हापा मु़चु़मिमका गोलाई ङेट्‌ङिडिमिम गाना चनामिमङा बु। मेर्मिमगोडाम फुगेलस नुङ हर्मोगेनस सो़।

२ तिमोथी 3:2

हेङालोने मु़चु़मिमका उनी त्‍वापलाई कोङङा रिखाम बेपा, खउलुङकु रारी बेपा, डोक्‍पु लिसिक्‍पा, नो़ ल्‍वाक्‍थाट्‌पा, वाङमिमकु दुथाम मेजो़पा जेपा, माम-पापका र्‍वामिमिम मेथो़पा, आला-तोमा मान्‍थिम, मा माम्‍चु़नीकु लाम्‍दीडा मेलाम्‍दिपा,

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

२ तिमोथी 4:16

अदालतडा ङादोम थारीका लङ्‌डिमिलो सु़ वो गोलाम मेबाम्‍सिप्‍मिवा, मा गोलाई खोत्‍लेका ङेट्‌ङिडिमी। मेमङा लोवो ओराम ल्‍वाकु देन्‍दे मेर्मिमलाई माम्‍चु़नीका मेग्‍वामिनु़।