फिलिप्‍पी 2:14 - थुलुङ राई

¹⁴ सु़म्‍बुर्मा मेकिसाका नुङ कुमेबेसाका खोत्‍ले खारी बेनी।

फिलिप्‍पी 2:14 Iomraidhean Croise

मत्ती 20:11

मेर्मिमका उनी खउलुङ रम्‍डिमा अङ्‍गूर येकु मु़चु़कु कोर्थो़लाम जेमु चो़म्‍मिडी,

मर्कूस 14:5

हेङालोने ओ भ्रपा नेम्‍पा तेल सु सङ (३००) दिनारडाम वो हापा थिडा भ्रेन्‍मु झाप्‍सावा मा उ हाम वो मेबाट्‌पामिमलाई मेराम खउलुङ ग्‍वामु जो़पा दु़प्‍सावाम” र्‍वाक्‍तो मेर्मिमका मेराम मेसेमलाई मेजो़होमका भुर्मिडी।

मर्कूस 9:14

येशू नुङ उनी सीसिपामिम वाङमिम उनी सीसिपामिमकाडा रोम्‍फाम्‍डिलो, मेर्मिमकु होनोलाम-आथो़लाम छो़म सेर्पा मु़चु़मिम बाम्‍डी, मा यहूदीमिमकु डु़म्‍ला सीपा पातु़म्‍रीमिमनुङ हिलाहिसी बे-बेत्तो लेट्‌मिडिम बाइडा।

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”

थु़र्मा 15:2

मेकोतिमा पावल, बारनाबास मेर्मिमनुङ मेराम ल्‍वाडा छो़म मेदु़मिवा। मेकोतिमा मेसिन्‍डाम थो़र लु़पामिमका पावल नुङ बारनाबास मा वाङमिम कोले-नलेलाई ओराम ल्‍वा ख्रिप्‍डा थु़र्मामिमनुङ एल्‍डरमिमकाडा यरूशलेमडा थु़र्मुलाई छेट्‌मिडी।

थु़र्मा 15:39

पावल नुङ बारनाबास छो़म डोक्‍पु गो फ दु़म्‍ची, मा मेर्चिप फ्‍वासिक्‍ची। मेकोतिमा मर्कूस र्‍वाक्‍मा यूहन्‍ना नुङ बारनाबास कुबी-बोक्‍सालामका साइप्रस टापुथो़ लक्‍ची।

थु़र्मा 15:7

थामासम्‍म ल्‍वा जेम्‍डिमा पत्रुसका येम्‍स्‍तामा र्‍वाक्‍ता, “ए वा-ल्‍वाकनी, ङादोम थारीका वाङसामामिमलाई जो़पा-सेला थो़बेन्‍मु गानीगोलामका माम्‍चु़नीका गोलाई थुट्‌ङिडिमी, मा मेर्मिमका जो़पा-सेला थो़म्‍डिमा येशूडा थो़र लु़म्‍डिम ल्‍वा गानी चनिमिम ङा बु।

थु़र्मा 6:1

मेमबिलि येशूडा थो़रलु़पा मु़चु़मिम छो़म हापा दु़म्‍तो लम्‍डी। मेकोतिलो हिब्रू ल्‍वा जेपा थो़रलु़पामिमकु कोर्थो़लाम ग्रीक ल्‍वा जेपा थो़रलु़पामिमका सु़म्‍बुर्मा किन्‍मु चो़म्‍मिडी। हेङालोने हेल्‍लो लोवो पोमु दो़म्‍थाल्‍मिडिलो मेर्मिमगोडाम अर्दोमेमिमडला चोमिक्‍सी बेम्‍थाल्‍मिडी।

रोमी 12:18

चाम्‍निमिमसम्‍म खोत्‍लेनुङ दु़साका बानी।

रोमी 14:1

याक्‍के थो़रनुङमा मु़चु़लाई हुनाखाना बेनी, लावो गुका जेमिम ल्‍वाडा मुमा बेसाका रिबुसी मेकिट्‍नी।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

१ कोरिन्थी 10:10

मेर्मिमगोडाम याङका बेम्‍डिम होङङा गुइ सु़म्‍बुर्मा किसिमेनु़। मेम बेम्डिमका ङा सेट्‌पा पाह्रीचो़का मेर्मिमलाई सेड्‌डु़मी।

२ कोरिन्‍थी 12:20

हेङालोने गो मेसिन्‍डा गानीलाई क्रो़म्‍डा रोङुलो गो मिम्‍तोम होप्‍माम मेदु़म्‍मु चाम्‍नी मा गानी वो गोलाई मिम्‍ङिनिमिम होप्‍माम मेदु़म्‍मु वो चापु र्‍वाक्‍पा आमा ङिम लु़डाम बु। मेसिन्‍डा गानीगोडा रिबुसी, नाचु़र, छोक्‍चो, त्‍वाप कोङङा जो़पा दु़म्‍मु माल्‍पा, डक्‍साका जेपा, वाङमिमकु ल्‍वा बेपा, डोक्‍पु लिसिट्‌पा, मा मु़चु़मिमगोडा ल्‍वा मेघ्रो़म्‍पा दु़म्‍मी डे र्‍वाक्‍पा ङिम लु़डाम बु।

गलाती 5:15

सो़ब्‍दीडाम हादीबारामिम होङङा गानी इनी त्‍वाप-त्‍वापडा ख्रेन्‍बेबोनी मा ब्राम्‍बेबोनी माला ने चङचङया बानी वो, मेएँ माला ने इनी त्‍वाप-त्‍वापडाङा पुयु़लुबेबोनी।

गलाती 5:26

गुइ कोलेका कोङमीकु छोक्‍चो फक्‍साक्‍पा, डोक्‍पु लिसिक्‍पा मा नाचु़र बेपा दु़म्‍सी मेनु़।

फिलिप्‍पी 2:3

त्‍वाप कोङङा जो़पा दु़म्‍मु माल्‍पा मा डोक्‍पु लिसिक्‍पा नका हाम वो मेबेनी। लावो इनी त्‍वाप-त्‍वाप गोडा याक्‍के दु़म्‍नी मा वाङमिमलाई इनी त्‍वापडाम जो़पा लु़नी।

१ थेसलोनिकी 5:13

मेर्मिमका खारी बेम्‍डिमका रिखाम बेसाका मेर्मिमलाई छो़म डोक्‍पु बेनी। खोत्‍ले मु़चु़नुङ दु़साका बानी।

१ थेसलोनिकी 5:15

रेप्‍नी, सु़का वो मेजो़पा बेपालाई मेजो़पा मेबु़नु़, लावो त्‍वाप-त्‍वापडा नुङ खोत्‍ले मु़चु़लाई हेल्‍लो लोवो जो़पा बोमु माल्‍पा दु़म्‍नी र्‍वाक्‍साका ओराम ल्‍वा इनीमा नडा जु़ल्‍नी।

हिब्रू 12:14

हेसाका दु़म खोत्‍ले मु़चु़मिमनुङ दु़साका बुमु नुङ छु़लडाम वाङ बुमु छो़म माल्‍नी। छु़लडाम वाङ मेबाट्‌पा सु़का वो माम्‍चु़नी ल्‍वामु मेचाप्‍सु़।

याकूब 1:20

हेङालोने मु़चु़कु छोक्‍चोका माम्‍चु़नीकु न होप्‍माम जो़पा खारी बोमु मेचाप्‍सु़।

याकूब 3:14

इनीमा न-गोडा नाचु़र नुङ त्‍वाप नु़पा ल्‍वा कोङङा बु माला गानी नेप्‍चीनुङमा र्‍वाक्‍साका डोक्‍पु मेलिन्‍सिट्‌नी। आच्‍छाङाकाम ल्‍वा थक्‍साका लिमा थेट्‌पा गानी दु़म्‍नी।

याकूब 5:9

वा-ल्‍वाकनी, कोलेका वाङमिमकु दुथाम सु़म्‍बुर्मा किट्‌नी माला गानी मुमा बेन्‍ला सो़न्‍सिनी। रेप्‍नी, निया बेपा ङाचो़ येशू ख्रीष्‍ट लाम्‍चोकोडा रोम्‍फाम्‍डिम होङङा गुमी ने योमुङा खाप्‍मिमिम बु सो़।

१ पत्रुस 3:11

मेजो़पा खारी बोमुलामका ख्‍लोन्‍सिट्‌नी मा जो़पा खारी बेनी। न-भ्रसिक्‍साका बुमु छो़म माल्‍नी मा मेराम माल्‍निम बानी।

१ पत्रुस 4:9

सु़म्‍बुर्मा मेकिसाका कोलेका कोलेकाम चापे-डुपे बेबेनी।

यहूदा 1:16

मेर्मिम मु़चु़ रिबुसी किट्‌पामिम सो़। मेर्मिमका त्‍वाकु मेजो़पा न-गो होङङा बोमी, नो़ ल्‍वाक्‍थाक्‍साका जेमी मा उनी त्‍वाप नु़मुकाम लागि लागालेपा जेमी।