फिलिप्‍पी 1:9 - थुलुङ राई

⁹ गो इनीमा लागि ओराम सो़म्‍दी बेउ: इनीमा रिखाम, नेप्‍ची, नुङ थेसिथेसी छो़म बर्तो-बर्तो लनु़,

फिलिप्‍पी 1:9 Iomraidhean Croise

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

२ कोरिन्‍थी 8:7

गानी थो़रडा, सीसिडा, नेप्‍चीडा, वाङमिमलाई ख्‍लो़मु सो-हन्‍पा नुङ गुकुडलाम इनीमा रिखाम बेसीडा खोत्‍लेडाम जो़पा दु़म्‍तो लक्‍निम बु। आरेसाकाङा वाङमिमलाई बोमु बासिक्‍पा न-थो़मनुङमा खारीडा वो खोत्‍लेडाम जो़पा दु़म्‍नी र्‍वाक्‍पा न बेउ।

एफिसी 5:17

मेम्‍मिमका नेप्‍ची मान्‍थिम मेदु़म्‍नी, लावो माम्‍चु़नीका गानी हाम बोमिनु़ र्‍वाक्‍पा न बोमी मेराम थेसिथेन्‍मु माल्‍नी।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

कलस्‍सी 3:10

मा गानी लाले मु़चु़ दु़म्‍निम बु। माम्‍चु़नीका गानीलाई लाले मु़चु़ बनेबोमी, मा गुमीका उनी त्‍वाप होप्‍मामङा गानीलाई बनेबोनिम बुनी, मेम्‍साका गानी गुमीलाई आच्‍छाङा छेनिमी।

१ थेसलोनिकी 3:12

गानीलाई गुकु रिखाम बोकुमिम होङङा इनी त्‍वाप-त्‍वापडा बेबोनिमिम रिखाम ङाचो़ येशूका बर्बेन्‍सानिमिनु़ मा वाङमिम मु़चु़मिमलाई छो़म रिखाम बेपा दु़म्‍बेनिमिनु़।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

फिलेमोन 1:6

इमा थो़रकु दुथाम सो़मु चापा गाना दु़म्‍सा, मेम्‍साका गुइ ख्रीष्‍टडा बाट्‌पामिमनुङ बाट्‌पा खोत्‍ले जो़पा ल्‍वामिम छ्‌याङलो-छ्‌याङलो गाना थेसिथेनानु़ र्‍वाक्‍साका गो सो़म्‍दी बेउ।

हिब्रू 5:14

लावो डोमु मेझापा पोमुथोक ने डोक्‍पु मु़चु़मिमकाम लागि सो़ मा गुका जो़पा नुङ मेजो़पा ल्‍वा हाम र्‍वाक्‍साका छेमु चाप्‍सु़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।